Mətbuat xidməti
MUXTAR RESPUBLİKADA DAŞINMAZ ƏMLAK VƏ TORPAQ MƏSƏLƏLƏRİ BAĞLI VƏTƏNDAŞLARA 23 NÖVDƏ ELEKTRON XİDMƏT GÖSTƏRİLİR
28.10.2022
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidməti tərəfindən Daşınmaz əmlakın qeydiyyatı sisteminin təkmilləşdirilməsi, bu sahədə xidmətlərin vətəndaşlar üçün əlçatanlığının təmin olunması, onların təqdim olunan xidmətlərdən rahat yararlanmaları məqsədilə xidmətlərin rəqəmsal mühitə daşınması, operativlik, nəzakətlilik və rahatlıq prinsiplərinə uyğun keyfiyyətli xidmətlərin göstərilməsi daima diqqətdə saxlanılır.
Xidmətin fəaliyyət istiqamətləri üzrə daşınmaz əmlak və torpaq məsələləri bağlı vətəndaşlara 23 növdə elektron xidmət göstərilir. Elektron çıxarışdan rahat istifadənin təmin edilməsi və tələb olunan xidmət haqlarının elektron qaydada ödənilməsi məqsədilə “Daşınmaz əmlakın dövlət reyestrindən elektron çıxarışın verilməsi”, “Daşınmaz əmlakın dövlət reyestrindən elektron çıxarışın yoxlanılması” və “Xidmət haqqının ödənilməsi” xidmətləri də vətəndaşların istifadəsinə verilib. Ümumi Notariat Elektron Məlumat Sistemi ilə daşınmaz əmlakın elektron qeydiyyat sistemi arasında avtomatlaşdırılmış məlumat mübadiləsi təmin olunmuşdur ki, bu da vətəndaşların daşınmaz əmlakla bağlı əməliyyatları daha operativ qaydada həyata keçirmələrinə şərait yaradıb.
TORPAQLARIN MÜNBİTLİYİNİN ARTIRILMASI İLƏ BAĞLI MAARİFLƏNDİRİCİ TƏDBİRLƏRİN KEÇİRİLMƏSİ DAVAM ETDİRİLİR
27.10.2022
Naxçıvan Muxtar Respublikasının Kənd Təsərrüfatı, Ekologiya və Təbii Sərvətlər nazirliklərinin, Daşınmaz Əmlak və Torpaq məsələləri üzrə Dövlət Xidmətinin, Meliorasiya və Su Təsərrüfatı Açıq Səhmdar Cəmiyyətinin və Culfa Rayon İcra Hakimiyyətinin birgə təşkilatçılığı ilə Culfa rayonunun Camaldın kəndində torpaq mülkiyyətçiləri, bələdiyyələr və sahibkarların iştirakı ilə maarifləndirici tədbir keçirilib.
Tədbiri giriş sözü ilə Culfa Rayon İcra Hakimiyyətinin əməkdaşı Mustafa Cəlilov açaraq muxtar respublikada kənd təsərrüfatı sahəsində qazanılmış nailiyyətlər və keçirilən tədbirin əhəmiyyəti barədə məlumat verib.
Tədbirdə aid təşkilatların nümayəndələri tərəfindən torpaqların münbitliyinin əhəmiyyəti və onun artırılması yolları, torpaqlardan səmərəli istifadə və torpaq mülkiyyətçilərinin mülkiyyət hüquqları, əkilməyən kənd təsərrüfatına yararlı torpaqların əkin dövriyyəsinə cəlb olunması, gübrələrdən düzgün istifadənin məhsuldarlıqda əsas amil olması, aqrotexniki tədbirlərin düzgün aparılması, kənd təsərrüfatında innovativ texnologiyaların və mütərəqqi əkin üsullarının tətbiqi örüş sahələrində eroziyanın, ərazilərin mal-qara ilə normadan artıq yüklənməsinin və mövcud kanallarda su sızmalarının qarşısının alınması, növbəli əkin sisteminin tətbiq edilməsi barədə iştirakçılara məlumat verilib.
Sonda mövzu ətrafında müzakirələr aparılıb, iştirakçıları maraqlandıran suallar ətraflı cavablandırılıb və maarifləndirici bukletlər təqdim olunub.
TORPAQLARIN QİDA MADDƏLƏRİ İLƏ TƏMİNOLUNMA KARTOQRAMLARI TƏQDİM EDİLİB
26.10.2022
Şərur rayonunun Dizə kəndində torpaqların qida maddələri ilə təminolunma kartoqramlarının əhəmiyyəti barədə rayon icra nümayəndələri, bələdiyyə sədrləri və torpaq mülkiyyətçilərinin iştirakı ilə seminar-müşavirə keçirilib.
Tədbiri giriş sözü ilə Şərur Rayon İcra Hakimiyyəti aparatının əməkdaşı Osman Cəlil açaraq Rayonun coğrafi mövqeyinin kənd təsərrüfatı məhsulları istehsalındakı rolundan, aqrar sahədə, eləcə də torpaqların münbitliyinin artırılması məqsədilə həyata keçirilən tədbirlərdən və muxtar respublikamızda torpaq mülkiyyətçilərinə göstərilən dövlət qayğısından danışıb.
Seminar-müşavirədə torpağın məhsuldarlığının artırılmasında torpaqların qida maddələri ilə təmin olunmasının əhəmiyyəti, habelə torpaq münbitliyinin əhəmiyyəti və onun artırılması yolları, torpaqlardan səmərəli istifadə və torpaq mülkiyyətçilərinin mülkiyyət hüquqları, əkinlərinin əkin atlaslarına uyğun aparılması, növbəli əkin sistemindən və gübrələrdən düzgün istifadənin məhsuldarlıqda rolu, torpaq analizlərinin aparılması, kartoqramların əhəmiyyəti və istifadə qaydaları torpaq mülkiyyətçilərinin diqqətinə çatdırılıb.
Torpaqların qida maddələri ilə təmin olunmasına dair yenilənmiş kartoqramlar rayonunun Dizə, Axura və Həmzəli bələdiyyələrinin sədrlərinə təqdim edilib.
CARİ İLİN DOQQUZ AYI ƏRZİNDƏ GÖRÜLƏN İŞLƏRLƏ BAĞLI KOLLEGİYA İCLASI KEÇİRİLİB
20.10.2022
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətində keçirilən növbəti kollegiya iclasını Xidmətin rəisi Müslüm Cabbarzadə açaraq cari ilin doqquz ayı ərzində görülən işlərdən danışıb.
Gündəlikdə duran məsələlərlə bağlı Torpaq məsələləri şöbəsinin müdiri İntizar Həziyevin, Daşınmaz əmlak məsələləri şöbəsinin müdiri Əkbər Əliyevin, İnformasiya texnologiyaları və məlumat bazası şöbəsinin müdiri Arzu Məmmədovun, “Yerquruluşu, Geodeziya və Kartoqrafiya” Məhdud Məsuliyyətli Cəmiyyətinin direktoru Cəfər Əliyevin çıxışları dinlənilib. Görülmüş işlər barədə slaydlar vasitəsilə məlumatlar verilib. Müzakirə olunan məsələlərə dair qərar layihələri oxunaraq səsə qoyulub və qəbul edilib.
Kollegiya iclasına Xidmətin rəisi Müslüm Cabbarzadə yekun vuraraq Xidmətin tabeliyində olan qurum və struktur bölmələrində işin günün tələbləri səviyyəsində qurulması, bütün mülkiyyət növləri üzrə torpaqlardan istifadəyə və onların
Bugün 
