MÜLKİYYƏT HÜQUQLARININ DÖVLƏT QEYDİYYATINA ALINMASI VƏ VƏTƏNDAŞ MÜRACİƏTİNİN OPERATİV CAVABLANDIRILMASI DİQQƏT MƏRKƏZİNDƏDİR

07.12.2022

Mənzillərin, fərdi yaşayış evlərinin texniki pasportlarının hazırlanması, daşınmaz əmlak subyektlərinin dövlət reyestrinin aparılmasında yeni metodların tətbiqi, muxtar respublikanın bütün yaşayış məntəqələrində əhaliyə müvafiq sahələrlə bağlı nümunəvi xidmətlərin göstərilməsi Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Culfa Rayon İdarəsi tərəfindən cari ilin noyabr ayında da mütəşəkkil davam etdirilib.

İdarənin əməkdaşları qarşıya qoyulan vəzifə və tapşırıqların icrasını diqqətdə saxlayaraq ay ərzində 15 fərdi yaşayış evinə, 2 mənzilə məxsus, ümumilikdə, 17 texniki pasport hazırlayıb. 20 torpaq sahəsinin plan-ölçüsü tərtib edilərək vətəndaşlara təqdim olunub. Texniki sənədlərin hazırlanması zamanı 21 müayinə aktı yazılıb, 2 bölünmə planı hazırlanaraq arxiv sənədlərinə əlavə edilib.

Hesabat dövründə rayon üzrə dövlət reyestrindən 45 çıxarışın, məhdudiyyət və yüklülüyə dair 21 arayışın verilməsi ilə əlaqədar qəbul edilən hüquqi sənədlər ilkin olaraq yoxlanılıb və qanunvericiliyə uyğun icra edilib. 6 sosial arayış hazırlanaraq vətəndaşlara təqdim olunub.

Ardını oxu »

ŞƏRUR RAYONUNDA VƏTƏNDAŞLARIN ƏMLAK VƏ TORPAQ MƏSƏLƏLƏRİ İLƏ BAĞLI MÜRACİƏTLƏRİ OPERATİV ŞƏKİLDƏ İCRA OLUNUR

06.12.2022

Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidməti tərəfindən vətəndaşların müvafiq məsələlərlə bağlı müraciətlərinə operativ şəkildə cavab verilməsi, yerlərdə sakinlərə göstərilən xidmətlərin keyfiyyətinin və səviyyəsinin yüksəldilməsi, onların nəzərdə tutulmuş istənilən xidmətdən rahat istifadə etmələri üçün əlverişli şəraitin yaradılması müsbət nəticəyə gətirib çıxarıb.

Ardıcıl davam etdirilən və ən yeni zəruri avadanlıqlarla təşkil olunan xidmətlər Şərur Rayon İdarəsi tərəfindən də diqqətdə saxlanılıb. Bu ilin noyabr ayındaaparılan məqsədyönlü tədbirlər çərçivəsində 29 fərdi yaşayış evinin, 9 mənzilin, 1 qeyri-yaşayış binasının texniki pasportu, o cümlədən, 69 həyətyanı, 54 kənd təsərrüfatı təyinatlı torpaq sahəsinin planı və ölçüsü hazırlanıb.

Müvafiq dövr ərzində 2 torpaq sahəsinə dair birləşmə, 2 bölünmə planı tərtib olunub. Texniki sənədlərin hazırlanması zamanı isə 53 müayinə aktı yazılıb. Bundan əlavə, 25 sosial arayış, məhdudiyyət və yüklülüyə dair 136 arayış hazırlanaraq vətəndaşlara təqdim edilib.

Ardını oxu »

“KƏND TƏSƏRRÜFATI BİTKİLƏRİNİN MƏHSULDARLIĞININ ARTIRILMASINDA TORPAQLARIN QİDA MADDƏLƏRİ İLƏ TƏMİNOLUNMA KARTOQRAMLARININ ƏHƏMİYYƏTİ” MÖVZUSUNDA SEMİNAR MÜŞAVİRƏ KEÇİRİLİB

01.12.2022

Naxçıvan Muxtar Respublikası Kənd Təsərrüfatı Nazirliyi, Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidməti və Akademik Həsən Əliyev adına “Araz” Elm İstehsalat Birliyinin birgə təşkilatçılığı ilə Kolanı kəndində keçirilən seminar müşavirədə Şahbuz rayonundan olan torpaq mülkiyyətçiləri iştirak edib.

Müşavirədə rayon İcra Hakimiyyətinin İqtisadiyyat şöbəsinin əməkdaşı Orxan Əlizadə rayonda torpaqların münbitliyinin artırılması ilə bağlı görülən işləri diqqətə çatdırıb, rayonun coğrafi mövqeyinin kənd təsərrüfatı məhsulları istehsalında rolundan ətraflı bəhs edib.

Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətinin sektor müdiri Oqtay Məmmədov mövzu ilə bağlı çıxış edərək torpaqlardan səmərəli istifadə və torpaq mülkiyyətçilərinin mülkiyyət hüquqlarını müşavirə iştirakçılarının nəzərinə çatdırıb.

Ardını oxu »

XATİRƏ MUZEYİ ZİYARƏT OLUNUB

28.11.2022

26 noyabr 2022-ci il tarixdə Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin və Xidmətin tabeliyində olan “Yerquruluşu, Geodeziya və Kartoqrafiya” Məhdud Məsuliyyətli Cəmiyyətin kollektivləri ermənilər tərəfindən törədilən soyqırım qurbanlarının, Azərbaycanın suverenliyi və ərazi bütövlüyü uğrunda döyüşlərdə həlak olmuş naxçıvanlıların xatirəsini əbədiləşdirmək məqsədilə yaradılmış Xatirə Muzeyini ziyarət ediblər.

Məlumat verililib ki, hazırda muzeyin fondunda 2 mindən çox eksponat mövcuddur. 400-dən çox nümunə ekspozisiyada nümayiş etdirilir. Təcavüzkar erməni daşnaklarının müxtəlif dövrlərdə Azərbaycan torpaqlarında törətdiyi soyqırımların, qanlı cinayətlərin izləri bu eksponatlarda öz əksini tapır. Ekspozisiyada müxtəlif tarixi hadisələrə aid sənəd və materiallar, torpaqlarımızın bütövlüyü uğrunda canlarından keçən Vətən oğullarının, Milli və Sovet İttifaqı Qəhrəmanlarının, birinci və ikinci Qarabağ müharibəsi şəhidlərinin fotoşəkilləri, şəxsi əşyaları və onlara aid olan digər materiallar yer alır.

Ardını oxu »