Mətbuat xidməti
ORDUBAD RAYONUNDA HAZIRLANAN MÜLKİYYƏT SƏNƏDLƏRİNİN SAYI ARTIB
19.01.2023
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Ordubad Rayon İdarəsi tərəfindən daşınmaz əmlak üzərində hüquqların əmələ gəlməsi, başqasına keçməsinin, məhdudlaşdırılmasının və xitam verilməsinin dövlət qeydiyyatı, texniki sənədlərin hazırlanması, eləcə də əmlak və torpaq münasibətlərinin tənzimlənməsi 2022-ci il ərzində diqqətdə saxlanılıb.
İdarə tərəfindən il ərzində 193 daşınmaz əmlak obyektinin texniki pasportu, 255 torpaq sahəsinin plan-ölçüsü tərtib edilərək hüquq sahiblərinə təqdim olunub. Texniki sənədlərin hazırlanması üçün əmlaklara yerində baxış keçirilib, 280 müayinə aktı yazılaraq arxiv sənədlərinə əlavə olunub. 2021-ci illə müqayisədə rayon üzrə hazırlanan mülkiyyət sənədlərinin sayı 2,7 % artıb.
Hüquqların dövlət qeydiyyatına alınması və dövlət reyestrindən çıxarışın verilməsi məsələsi ilə bağlı sakinlərin müraciətlərinə vaxtında baxılıb, 467 müraciət qəbul edilib. Həmçinin, məhdudiyyət və yüklülüyə dair 320 arayış, 86 sosial arayış, 14 ünvan arayışı və 21 dublikat sənəd verilib. 82 torpaq sahəsinə dair isə rəy hazırlanaraq aidiyyəti üzrə təqdim edilib. 7 əmlakın bazar dəyərinə uyğun qiymətləndirilməsi də icra edilib, müvafiq hesabat hazırlanıb.
ÖTƏN İL CULFA RAYONUNDA 362 ƏMLAK DÖVLƏT QEYDİYYATINA ALINIB
17.01.2023
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Culfa Rayon İdarəsi tərəfindən ötən il ərzində 190 daşınmaz əmlak obyektinin texniki pasportu hazırlanıb, 172 torpaq sahəsinin planı və ölçüsü tərtib edilərək vətəndaşlara təqdim olunub. Texniki sənədlərin hazırlanması zamanı 185 müayinə aktı yazılıb, 36 bölünmə və birləşmə planı tərtib edilərək arxiv sənədlərinə əlavə olunub.
Dövlət reyestrindən 468 çıxarışın, məhdudiyyət və yüklülüyə dair 310 arayışın verilməsi ilə əlaqədar qəbul edilən hüquqi sənədlər ilkin olaraq yoxlanılıb və qanunvericiliyə uyğun icra edilib. Müvafiq dövrdə 183 sosial arayış, 59 torpaq sahəsinə dair rəy hazırlanaraq aidiyyəti üzrə təqdim olunub, 13 əmlakın bazar dəyərinə uyğun qiymətləndirilməsi icra edilmiş, müvafiq hesabatlar hazırlanıb.
Kənd təsərrüfatı təyinatlı torpaqların münbitliyinin artırılması və ailə təsərrüfatlarının inkişafı ilə bağlı rayonun yaşayış məntəqələrində bələdiyyə sədrlərinin, torpaq mülkiyyətçilərinin, istifadəçilərinin və icarəçilərinin, o cümlədən ailə təsərrüfatlarının nümayəndələrinin iştirakı ilə maarifləndirici tədbirlər keçirilib.
İl ərzində rayonunun yaşayış məntəqələrində vətəndaşlara səyyar xidmət göstərilmiş, qəbul edilmiş müraciətlər müvafiq qanunvericiliyin tələblərinə uyğun icra edilərək mülkiyyət sənədləri hüquq sahiblərinə təqdim olunub.
ƏMLAK VƏ TORPAQ MÜNASİBƏTLƏRİNİN TƏNZİMLƏNMƏSİ SAHƏSİNDƏ QARŞIYA QOYULAN VƏZİFƏLƏR İCRA OLUNUB
10.01.2023
Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətinin Kəngərli Rayon Şöbəsi tərəfindən daşınmaz əmlak üzərində hüquqların əmələ gəlməsi, başqasına keçməsi, məhdudlaşdırılması, həmçinin ona xitam verilməsinin dövlət qeydiyyatı, texniki pasport və plan-ölçülərin hazırlanması 2022-ci il ərzində də davam etdirilib.
İl ərzində şöbə tərəfindən vətəndaşlardan daxil olan müraciətlər əsasında 90 daşınmaz əmlakın texniki pasportu hazırlanıb. 149 torpaq sahəsinin planı və ölçüsü vətəndaşlara təqdim edilib. 2021-ci illə müqayisədə hazırlanan mülkiyyət sənədlərinin sayı 6,3% artıb. Texniki sənədlərin hazırlanması zamanı rayon əhalisinin əmlaklarına yerində baxış keçirilib, 81 müayinə aktı yazılıb, 21 bölgü planı tərtib olunub.
Daşınmaz əmlak üzərində hüquqların dövlət qeydiyyatına alınması üzrə də şöbənin əməkdaşları tərəfindən operativlik təmin olunub, müraciətlərə vaxtlı-vaxtında baxılıb, dövlət reyestrindən 270 çıxarış, məhdudiyyət və yüklülüyə dair 208, əmlakın olub-olmamasına dair 128 arayış, 67 torpaq sahəsinə dair rəy verilib. 19 əmlakın bazar dəyərinə uyğun qiymətləndirilməsi icra edilib, bununla bağlı müvafiq hesabatlar hazırlanıb.
SƏDƏRƏKDƏ RAYONUNDA HAZIRLANAN MÜLKİYYƏT SƏNƏDLƏRİNİN SAYI ARTIB
09.01.2023
Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətinin Sədərək Rayon Şöbəsi tərəfindən vətəndaşların daşınmaz əmlakla bağlı müraciətlərinin operativ icrası və daşınmaz əmlak obyektlərinə məxsus texniki sənədlərin hazırlanması ötən il ərzində də mütəşəkkil davam etdirilib.
Şöbə tərəfindən il ərzində 27 daşınmaz əmlak obyektinə məxsus texniki pasport hazırlanıb, 83 torpaq sahəsinin planı və ölçüsü tərtib edilib. 2021-ci illə müqayisədə rayon üzrə hazırlanan mülkiyyət sənədlərinin sayı 44,7 % artıb. Daxil olan müraciətlər əsasında 4 bölgü planı, 26 sosial arayış, məhdudiyyət və yüklülüyə dair 75 arayış hazırlanaraq aidiyyəti üzrə təqdim edilib. 42 müayinə aktı yazılıb.
Ötən il 2 əmlakın bazar dəyərinə uyğun qiymətləndirilməsi icra edilib, müvafiq hesabatlar hazırlanıb. Həmçinin, 119 şifahi müraciət operativ cavablandırılıb, müraciətlərlə bağlı əmlaklara yerində baxış keçirilərək qanuna müvafiq tədbirlər görülüb, torpaq sahələrinin sərhədləri dəqiqləşdirilib və qanunvericiliyin tələbləri rayon sakinlərinə ətraflı izah edilib.
Rayon ərazisində olan dövlət və bələdiyyə torpaqlarından, həmçinin xüsusi mülkiyyətdə olan torpaqlardan təyinatı üzrə istifadə vəziyyəti və onların mühafizəsi mütəmadi olaraq nəzarətdə saxlanılıb.
Bugün 
