Mətbuat xidməti
XİDMƏTİN ƏMƏKDAŞLARI VƏ TƏLƏBƏLƏR ÜÇÜN NÖVBƏTİ TƏLİM KEÇİRİLİB
12.05.2023
Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətində təşkil olunan təlimə Xidmətin aparatının, şəhər, rayon idarə və şöbələrinin əməkdaşları, həmçinin Xidmətin hamiliyinə verilmiş Naxçıvan Dövlət Universitetinin “Yerquruluşu və daşınmaz əmlakın kadastrı” ixtisasında təhsil alan tələbələr cəlb olunub.
Təlimdə Xidmətin əməkdaşı Ramil Mirzəyev daşınmaz əmlakla bağlı sənədlərin qəbulu, ilkin ekspertizası və milli qeydiyyat sisteminə daxil edilməsi, vətəndaşlardan qəbul edilən sənədlərin ilkin olaraq düzgünlüyünün yoxlanılması, ərizəçilərin təqdim etdiyi ərizələrin doldurulması qaydaları və sənədlərin milli qeydiyyat sisteminə daxil edilməsi ilə bağlı iştirakçılar ətraflı məlumat verib.
Qeyd olunub ki, hüquqların mövcudluğunu, əldə edilməsini, başqasına keçməsini, məhdudlaşdırılmasını (yüklənməsini), onlara xitam verilməsini təsdiq edən sənədlər hüquqların dövlət qeydiyyatı üçün qanunla müəyyən edilmiş tələblərə uyğun olmalıdır. Qeydiyyat üçün təqdim edilən sənədlərdə mətnlərin aydın yazılmasına, hüquqi və fiziki şəxslərin adlarının tam şəkildə göstərilməsinə diqqət yetirilməlidir.
NAXÇIVAN ŞƏHƏRİ ÜZRƏ MÜLKİYYƏT HÜQUQLARININ DÖVLƏT QEYDİYYATINDA ARTIM MÜŞAHİDƏ EDİLİB
12.05.2023
Daşınmaz Əmlak və Torpaq Məsələləri üzrə Dövlət Xidməti, onun yerli idarə və şöbələri tərəfindən mülkiyyət hüquqlarının dövlət qeydiyyatına alınması üzrə işlər uğurla icra edilib.
Cari ilin aprel ayı ərzində də əmlakın qeydiyyatında vətəndaşlara operativ şəkildə xidmət göstərilib. Daxil olan vətəndaş müraciətləri ilə əlaqədar Xidmətin Naxçıvan Şəhər İdarəsi tərəfindən ötən ay 126 texniki sənəd hazırlanıb.
Vətəndaşlara təqdim edilən texniki sənədlərdən 64-ü fərdi yaşayış evi, 20-si mənzil olmaqla, 84-ü daşınmaz əmlak obyektinin texniki pasportu, 42-si isə torpaq sahəsinin plan-ölçüsü olaraq hazırlanıb. Əmlaklara dair sənədlərin hazırlanması zamanı 10 bölgü planı, 10 müayinə aktı tərtib edilərək arxiv sənədlərinə əlavə olunub.
Şəhər üzrə daşınmaz əmlakın qiymətləndirilməsi ilə bağlı işlər də həyata keçirilib. 5 əmlakın qiymətləndirilməsi icra edilib, qiymətləndirilmələrə dair hesabatlar hazırlanıb. Həmçinin, bələdiyyələrin müraciət əsasında torpaq sahələrinə dair rəy və plan-sxemlər hazırlanaraq aidiyyəti üzrə təqdim edilib. Şifahi müraciət əsasında vətəndaşların əmlakına yerində baxış keçirilərək qanunvericiliyin tələbləri izah olunub.
Ötən ay ərzində Naxçıvan şəhəri ərazisindəki dövlət, bələdiyyə və xüsusi mülkiyyətdə olan torpaqlardan təyinatı üzrə istifadə vəziyyəti və mühafizəsi daim nəzarətdə saxlanılıb.
ƏHALİNİN DAŞINMAZ ƏMLAKLA BAĞLI MÜRACİƏTLƏRİ OPERATİV CAVABLANDIRILIR
11.05.2023
Ordubad rayonunda mülkiyyət hüquqlarının qeydiyyata alınması və müdafiəsi sahəsində işlərin daha səmərəli təşkili, torpaqlardan təyinatı üzrə istifadəyə və onların mühafizəsinə dövlət nəzarətinin həyata keçirilməsi aprel ayında da davam etdirilib. Daşınmaz Əmlak və Torpaq Məsələləri üzrə Dövlət Xidmətinin Ordubad Rayon İdarəsi tərəfindən vətəndaşlara fəaliyyət istiqamətlər üzrə nümunəvi xidmət göstərilib.
İdarə tərəfindən müracətlər əsasında 36 daşınmaz əmlak obyektinin texniki pasportu hazırlanıb ki, bunlardan 5-i fərdi yaşayış evinə, 29-u mənzilə, 2-si qeyri-yaşayış binasına məxsus olub. Rayon üzrə ümumilikdə, 17 torpaq sahəsinin plan-ölçüsü hazırlanaraq hüquq sahiblərinə təqdim edilib.
Ay ərzində 1 dublikat sənəd, 1 ünvan, 9 sosial, 23 məhdudiyyət və yüklülüyə dair arayış hazırlanaraq vətəndaşlara təqdim olunub. Texniki sənədlərin hazırlanması zamanı 40 müayinə aktı yazılıb, 2 bölgü planı hazırlanıb. Vətəndaşlardan daxil olan 17 şifahi müraciət ilə əlaqədar əmlaklara yerində baxış keçirilib, müvafiq qanunvericiliyin tələbləri izah edilib.
Ötən ay rayonda ailə təsərrüfatlarının inkişaf etdirilməsi ilə əlaqədar Azadkənddə bələdiyyə sədrləri, ailə təsərrüfatı başçıları və torpaq mülkiyyətçiləri maarifləndiriliblər. Rayonunun Anaqut və Çənnəb kəndlərində vətəndaşlara səyyar xidmət göstərilib, qəbul edilən müraciətlər əsasında mülkiyyət sənədləri hazırlanaraq vətəndaşlara təqdim olunub.
DAŞINMAZ ƏMLAK VƏ TORPAQ İDARƏÇİLİYİ SAHƏSİNDƏ İNKİŞAFA NAİL OLUNUB
05.05.2023
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidməti tərəfindən aprel ayı ərzində də muxtar respublikada torpaqlardan istifadəyə və onların mühafizəsinə dövlət nəzarətinin gücləndirilməsi, daşınmaz əmlakın dövlət reyestrinin aparılmasında operativliyin təmin edilməsi, əmlak və torpaq idarəçiliyinin müasir əsaslarla qurulması diqqət mərkəzində saxlanılıb. Xidmətin fəaliyyət istiqamətləri üzrə görülən işlər nəticəsində aprel ayında 830 daşınmaz əmlak obyekti üzərində hüquqlar dövlət qeydiyyatına alınıb.
Ötən ay ərzində “2021-2025-ci illərdə Naxçıvan Muxtar Respublikasında kənd təsərrüfatı təyinatlı torpaqların münbitliyinin artırılmasına dair Tədbirlər Planı”na uyğun olaraq Xidmətin, Naxçıvan Muxtar Respublikası Kənd Təsərrüfatı, Ekologiya və Təbii Sərvətlər nazirliklərinin, “Meliorasiya və Su Təsərrüfatı” Açıq Səhmdar Cəmiyyətinin və Babək Rayon İcra Hakimiyyətinin birgə təşkilatçılığı ilə Şıxmahmud kəndində rayon icra hakimiyyəti başçısının yerlərdəki nümayəndələrinin, bələdiyyə sədrlərinin, torpaq mülkiyyətçilərinin, o cümlədən ailə təsərrüfatçılarının iştirakı ilə maarifləndirici tədbir keçirilib. Həmçinin, Naxçıvan Muxtar Respublikasında ailə təsərrüfatlarının inkişafı ilə bağlı Tədbirlər Planına uyğun olaraq Ordubad rayonunun Azadkəndində və Şərur şəhərində bələdiyyə sədrləri, ailə təsərrüfatçıları və torpaq mülkiyyətçiləri maarifləndiriliblər.
Bugün 
