26.11.2020
Naxçıvan Dövlət Universitetinin Memarlıq, Geodeziya və xəritəçəkmə mühəndisliyi ixtisaslarında təhsil alan tələbələr üçün Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin bazasında istehsalat təcrübəsi təşkil olunub.
Təcrübənin ilk günündə tələbələrə Xidmətin fəaliyyəti ilə bağlı geniş məlumat verilib.
Təcrübə prosesində peşəkar mütəxəssislər tərəfindən tələbələrə daşınmaz əmlak obyektlərinin və torpaq sahələrinin ölçülməsi, sxematik planların və tikinti layihələrinin hazırlanması ilə bağlı praktiki məsələlərin həlli öyrədiləcək, texnoloji vasitələrdən istifadə etməklə “Daşınmaz əmlakın texniki pasportu”nun, “Torpaq sahəsinin planı və ölçüsü”nün hazırlanması vərdişləri aşılanacaq.
Ardını oxu »
24.11.2020
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətində keçirilən növbəti kollegiya iclasını Xidmətin rəisi Müslüm Cabbarzadə açaraq 2020-ci ilin ötən dövrü ərzində görülən işlərdən danışıb.
Gündəlikdə duran məsələlərlə bağlı Torpaq məsələləri şöbəsinin müdiri İntizar Həziyevin, İnformasiya texnologiyaları və məlumat bazası şöbəsinin müdiri Arzu Məmmədovun, Daşınmaz əmlak məsələləri şöbəsinin müdiri Əkbər Əliyevin, Ümumi şöbənin müdiri Tural Cəfərovun və Daşınmaz əmlakın inventarlaşdırılmasına və qiymətləndirilməsinə nəzarət sektorunun müdiri Taleh Quliyevin çıxışları dinlənilib. Görülmüş işlər barədə slaydlar vasitəsilə məlumatlar verilib. Müzakirə olunan məsələlərə dair qərar layihələri oxunaraq səsə qoyulub və qəbul edilib.
Ardını oxu »
16.11.2020
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin və Xidmətin tabeliyində olan Dövlət Yerquruluşu, Geodeziya və Xəritəçəkmə Layihə İnstitunun kollektivləri noyabrın 14-də Naxçıvan Dövlət Rəsm Qalereyasını ziyarət ediblər.
Məlumat verilib ki, muxtar respublikada ictimai həyatın bütün sahələrinin yeniləşdirilməsi yaradıcılıq təşkilatlarını, o cümlədən Naxçıvan Dövlət Rəsm Qalereyasını da əhatə edib. 1982 –ci ildə ulu öndər Heydər Əliyevin təşəbbüsü ilə yaradılan qalereyanın fondunda 70-dən çox rəssamın 400-ə yaxın əl işi mühafizə olunur. Ekspozisiya zalında birinci guşə ümummilli liderimiz Heydər Əliyevə həsr olunub. İkinci guşədə tarix-mədəniyyət abidələrinə, üçüncü guşədə isə muxtar respublikamızın füsunkar təbiət gözəlliklərinə həsr olunmuş əsərlər sərgilənir.
Ardını oxu »
07.11.2020
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Naxçıvan Şəhər İdarəsi tərəfindən mülkiyyət hüquqlarının dövlət qeydiyyatına alınması cari ilin oktyabr ayı ərzində diqqətdə saxlanılmış, daxil olmuş 79 müraciət qanunvericiliyin tələblərinə uyğun icra olunmuşdur.
Müraciətlər əsasında 26 daşınmaz əmlak obyektinin texniki pasportu hazırlanmış, 16 torpaq sahəsinin plan-ölçüsü tərtib edilərək vətəndaşlara təqdim olunmuşdur. Texniki sənədlərin hazırlanması zamanı 15 bölgü planı, 18 müayinə aktı tərtib edilmiş və arxiv sənədlərinə əlavə olunmuşdur.
Bələdiyyələrdən daxil olan 10 müraciət əsasında müvafiq torpaq sahələrinə dair rəy və plan-sxemlər hazırlanaraq aidiyyəti üzrə təqdim olunmuşdur.
Ardını oxu »
07.11.2020
Torpaq və digər daşınmaz əmlak obyektləri üzərində mülkiyyət hüquqlarının qeydiyyata alınması və müdafiəsi sahəsində işlərin daha səmərəli təşkil edilməsi, Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətinin Ordubad rayon idarəsi tərəfindən 2020-ci ilin oktyabr ayı ərzində diqqət mərkəzində saxlanılıb, daxil olan müraciətlər operativ həll edilib.
Hüquqların dövlət qeydiyyatına alınması və dövlət reyestrindən çıxarışın verilməsi ilə bağlı 24 müraciət qəbul edilib və icra olunub. Məhdudiyyət və yüklülüyə dair 21 arayış verilib.
Vətəndaşlardan daxil olmuş 22 şifahi müraciətlə əlaqədar əmlaklara yerində baxış keçirilib, qanunamüvafiq icra edilib və qanunvericiliyin tələbləri vətəndaşlara izah edilib.
Ardını oxu »
06.11.2020
Daşınmaz əmlak üzərində hüquqların dövlət qeydiyyatına alınması zamanı vətəndaşlara göstərilən xidmətlərin səviyyəsinin yüksəldilməsi, eləcə də vətəndaşların rahatlığının təmin edilməsi oktyabr ayı ərzində Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Şərur Rayon İdarəsi tərəfindən diqqət mərkəzində saxlanılıb, torpaqlardan təyinatı üzrə istifadə edilməsinə nəzarət artırılıb.
Ötən ay 7 fərdi yaşayış evinə, 5 mənzilə, 1 qeyri yaşayış binasına məxsus, ümumilikdə 13 daşınmaz əmlak obyektinin texniki pasportu hazırlanıb, 44 torpaq sahəsinin planı və ölçüsü tərtib edilərək hüquq sahiblərinə təqdim edilib. Əmlakın olub olmaması ilə bağlı 14, məhdudiyyət və yüklülüyə dair 53 arayış hazırlanaraq vətəndaşlara təqdim edilib,14 müayinə aktı yazılıb.
Ardını oxu »
Bugün 
