Mətbuat xidməti
ÜMUMMİLLİ LİDERİN 100 İLLİK YUBİLEYİ MÜNASİBƏTİLƏ HEYDƏR ƏLİYEV MUZEYİ ZİYARƏT OLUNUB
03.04.2023
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin və Xidmətin tabeliyində olan “Yerquruluşu, Geodeziya və Kartoqrafiya” Məhdud Məsuliyyətli Cəmiyyətin kollektivləri “Heydər Əliyev İli” ilə əlaqədar Heydər Əliyev Muzeyini ziyarət ediblər.
Əvvəlcə kollektiv ümummilli lider Heydər Əliyevin Naxçıvan şəhərinin baş meydanında əzəmətlə ucalan abidəsini ziyarət edib, abidə önünə gül qoyaraq ulu öndərin əziz xatirəsinə ehtiramlarını bildiriblər.
Kollektivə ümummilli liderin dövlət idarəçiliyindəki misilsiz xidmətləri, dahi rəhbərin adını daşıyan muzeyin yaradılması barədə ətraflı məlumat verilərək bildirilib ki, 1999-cu il 10 may tarixindən fəaliyyət göstərən muzey ümummilli liderin sağlığında yaradılan ilk muzeydir və hazırda muzey fondunda 5 mindən çox eksponat mühafizə olunur.
ORDUBADDA AİLƏ TƏSƏRRÜFATÇILARI ÜÇÜN SEMİNAR-MÜŞAVİRƏ TƏŞKİL OLUNUB
31.03.2023
Naxçıvan Muxtar Respublikası Kənd Təsərrüfatı Nazirliyinin, Daşınmaz Əmlak və Torpaq Məsələləri üzrə Dövlət Xidmətinin, Antiinhisar və İstehlak Bazarına Nəzarət Dövlət Xidmətinin və Ordubad Rayon İcra Hakimiyyətinin birgə təşkilatçılığı ilə Sabirkənddə ailə təsərrüfatçılarının və torpaq mülkiyyətçilərinin iştirak ilə seminar-müşavirə keçirilib.
Ordubad Rayon İcra Hakimiyyətinin əməkdaşı Zamiq Babayev son illər rayonda aqrar sahə ilə bağlı həyata keçirilən tədbirlər və qarşıya qoyulan vəzifələr barədə məlumat verib.
Aid qurumların əməkdaşları muxtar respublikanın digər rayonları kimi meyvəçiliyin və tərəvəzçiliyin inkişaf etdirildiyi Ordubadın da ailə təsərrüfatçıları tərəfindən müxtəlif, çox çeşidli məhsuları hazırladıqlarını diqqətə çatdırıb, bu sahənin inkişafı ilə əlaqədar daim göstərilən dövlət dəstəyindən danışıblar. Seminar-müşavirədə ailə təsərrüfatlarında istehsal olunan məhsulların təbliği və təşviqi, yaz əkinlərinin əkin atlaslarına uyğun aparılması, növbəli əkin sisteminin tətbiqi və torpaqlardan səmərəli istifadə yolları barədə çıxışlar dinlənilib.
CULFA RAYONUNDA TARLA SEMİNAR-MÜŞAVİRƏ KEÇİRİLİB
30.03.2023
Naxçıvan Muxtar Respublikası Kənd Təsərrüfatı Nazirliyinin, Daşınmaz Əmlak və Torpaq Məsələləri üzrə Dövlət Xidmətinin, Antiinhisar və İstehlak Bazarına Nəzarət Dövlət Xidmətinin və Culfa Rayon İcra Hakimiyyətinin birgə təşkilatçılığı ilə rayonun Ərəzin kəndində tarla seminar-müşavirə keçirilib.
Rayonun torpaq mülkiyyətçilərinin və ailə təsərrüfatçılarının iştirak etdiyi tədbiri Culfa Rayon İcra Hakimiyyətinin əməkdaşı Xalid Məmmədov açaraq təsərrüfatçıların aqrar sahəyə artan marağından və dövlətimizin bu istiqamətə göstərdiyi diqqət və qayğıdan danışıb.
Kənd təsərrüfatı bitkilərinin əkin atlaslarına uyğun keçirilməsi, torpaqlardan səmərəli istifadə olunması ilə əlaqədar təşkil olunan tarla seminar-müşavirədə aid təşkilatların nümayəndələri bildiriblər ki, dövlət tərəfindən ailə təsərrüfatlarının inkişafı ilə bağlı atılan mühüm addımlar, bu sahəyə ayrılan güzəştli kreditlər və istehsal etdikləri məhsulların satışına dövlət dəstəyinin göstərilməsi belə təsərrüfatların inkişafını təmin edib.
TORPAQLARDAN TƏYİNATI ÜZRƏ İSTİFADƏ OLUNMASI VƏ MÜHAFİZƏSİ DİQQƏT MƏRKƏZİNDƏ SAXLANILIR
15.03.2023
Daşınmaz əmlak obyektləri üzərində mülkiyyət hüquqlarının dövlət qeydiyyatına alınması və müdafiəsi sahəsində işlərin daha səmərəli təşkil edilməsi, torpaqlardan təyinatı üzrə istifadəyə və onların mühafizəsinə dövlət nəzarəti Daşınmaz Əmlak və Torpaq Məsələləri üzrə Dövlət Xidmətinin Şahbuz Rayon Şöbəsi tərəfindən cari ilin fevral ayında da diqqət mərkəzində saxlanılıb.
Ötən ay rayonda şöbə tərəfindən müraciətlər əsasında 17 fərdi yaşayış evi, 9 qeyri-yaşayış sahəsi olmaqla, ümumilikdə 26 əmlaka məxsus texniki pasport hazırlanaraq vətəndaşlara təqdim edilib. 44 plan-ölçü hazırlanıb, hüquqların dövlət qeydiyyatına alınması üçün 68 müraciətə baxılıb.
Ay ərzində texniki sənədləri hazırlanan əmlaklara baxış keçirilərək 73 müayinə aktı tərtib olunub, 1 bölgü planı hazırlanıb. Məhdudiyyət və yüklülüyə dair 41, əmlakın olub-olmamasına dair isə 9 arayış verilib, 2 dublikat sənəd hazırlanıb.
Bugün 
