“BƏLƏDİYYƏ TORPAQLARININ İDARƏ EDİLMƏSİ” MÖVZUSUNDA SEMİNAR KEÇİRİLİB

27.07.2023

Naxçıvan Muxtar Respublikası Ədliyyə Nazirliyinin, Daşınmaz Əmlak və Torpaq Məsələləri üzrə Dövlət Xidmətinin, Naxçıvan Şəhər İcra Hakimiyyətinin  və Hərracların Təşkili üzrə Auksion Mərkəzinin birgə təşkilatçılığı ilə Qaraçuq kəndində Naxçıvan şəhərində fəaliyyət göstərən bələdiyyə sədrləri və üzvləri üçün seminar keçirilib.

Tədbirdə Naxçıvan Şəhər İcra Hakimiyyətinin əməkdaşı Nail Əliyev bələdiyyələrdə işin səmərəli qurulması məqsədilə görülən tədbirlər və keçirilən maarifləndirici seminarın əhəmiyyəti barədə məlumat verib.

Digər çıxış edənlər diqqətə çatdırıb ki, bələdiyyə mülkiyyətində olan torpaqlardan səmərəli və təyinatı üzrə istifadə olunması bu sahədə müsbət nəticələrin əldə olunmasına zəmin yaradır. Həmin məsələlər aidiyyəti dövlət qurumları tərəfindən diqqətdə saxlanılır və maarifləndirmə tədbirləri həyata keçirilir. Bələdiyyələrin fəaliyyətinə inzibati nəzarətin nəticələri göstərir ki, torpaq sahələrinin mülkiyyətə verilməsi ilə bağlı torpaq münasibətlərini tənzimləyən normativ hüquqi aktların tələblərinə tam şəkildə əməl edilmir. Bu baxımdan bələdiyyələrin fəaliyyəti qanunvericiliyin tələblərinə uyğun qurulmalıdır. Müvafiq tələblərlə bağlı qanunvericiliyin müddəaları tədbir iştirakçılarına hərtərəfli izah olunub.

Ardını oxu »

CARİ İLİN BİRİNCİ YARISINDA 5 MİNƏ YAXIN DAŞINMAZ ƏMLAK OBYEKTİ DÖVLƏT QEYDİYYATINA ALINIB

26.07.2023

Muxtar respublikada daşınmaz əmlakın qeydiyyatı və torpaq münasibətlərinin tənzimlənməsi sahəsində qarşıya qoyulmuş vəzifələrin icrası 2023-cü ilin ilk 6 ayı ərzində Daşınmaz Əmlak və Torpaq Məsələləri üzrə Dövlət Xidməti tərəfindən diqqətdə saxlanılıb, vətəndaş müraciətlərinin operativ cavablandırılması təmin edilib.

Yanvar-iyun ayları ərzində muxtar respublika üzrə 4 min 869 daşınmaz əmlak obyekti üzərində hüquqlar dövlət qeydiyyatına alınıb ki, bu da əvvəlki ilin müvafiq dövrü ilə müqayisədə 36,6% çoxdur. Ümumi göstəricinin 1700-ü və ya 35%-i ilkin,         3 min 169-u və ya 65%-i təkrar qeydiyyatın payına düşüb.

Ardını oxu »

NAXÇIVAN ŞƏHƏRİ ÜZRƏ HAZIRLANAN MÜLKİYYƏT SƏNƏDLƏRİNİN SAYI ARTIB

24.07.2023

Mülkiyyət hüquqlarının dövlət qeydiyyatı Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidməti tərəfindən ötən 6 ay ərzində diqqətdə saxlanılıb. Xidmətin Naxçıvan Şəhər İdarəsinə texniki sənədlərin hazırlanması ilə bağlı daxil olan 754 vətəndaş müraciəti müvafiq qanunvericiliyin tələblərinə uyğun həllini tapıb.

Birinci yarımildə İdarə tərəfindən 477 daşınmaz əmlak obyektinin texniki pasportu hazırlanıb, 277 torpaq sahəsinin planı və ölçüsü tərtib edilərək vətəndaşlara təqdim olunub. Yanvar-iyun aylarında hazırlanan mülkiyyət sənədlərinin sayı 2022-ci ilin müvafiq dövründəki göstəricini71,8 faiz üstələyib.Texniki sənədlərin hazırlanması zamanı 88 bölgü planı, 76 müayinə aktı tərtib edilib və arxiv sənədlərinə əlavə olunub. Bu dövrdə 13 əmlakın qiymətləndirilməsi icra edilib, qiymətləndirilmələrə dair hesabatlar hazırlanıb.

Bələdiyyələrdən daxil olmuş 87 müraciətə əsasən müvafiq torpaq sahələrinə dair rəy və plan-sxemlər hazırlanaraq aidiyyəti üzrə təqdim edilib. 10 şifahi müraciət əsasında hüquq sahibləriilə əmlaklara yerində baxış keçirilib, qanunvericiliyin tələbləri vətəndaşlara izah olunub.

Ardını oxu »

SƏDƏRƏK RAYONUNDA ƏMLAK MƏSƏLƏLƏRİ İLƏ BAĞLI VƏTƏNDAŞ MÜRACİƏTLƏRİ OPERATİV İCRA OLUNUR

19.07.2023

Daşınmaz Əmlak və Torpaq Məsələləri üzrə Dövlət Xidmətinin Sədərək Rayon Şöbəsi tərəfindən vətəndaşların əmlak, torpaq və digər fəaliyyət istiqamətləri üzrə müraciətlərinin operativ şəkildə cavablandırılması, eləcə də vətəndaşlara keyfiyyətli xidmətlər göstərilməsi cari ilin birinci yarımili ərzində də diqqət mərkəzində saxlayıb.

Rayon Şöbəsi tərəfindən ötən 6 ayda tərtib olunan mülkiyyət sənədlərinin sayı 2022-ci ilin müvafiq dövründəki göstəricini 53 faiz üstələyib. Bu dövrdə 16 daşınmaz əmlak obyektinə dair texniki pasport hazırlanıb, 36 torpaq sahəsinin planı və ölçüsü tərtib edilib.

Texniki sənədlərin hazırlanması məqsədilə vətəndaşların əmlaklarına yerində baxış keçirilib, 30 müayinə aktı yazılıb. Daxil olan müraciətlər əsasında 36 sosial, 39 məhdudiyyət və yüklülüyə dair arayış, 14 torpaq sahəsinə dair rəy, 1 bölgü və 1 birləşmə planı hazırlanıb.

Ardını oxu »