KOMİTƏNİN ƏMƏKDAŞLARI SAĞLAMLIQ İMKANLARI MƏHDUD ŞƏXSLƏRİN VƏ İSTEDADLI QADINLARIN RƏSM VƏ ƏL İŞLƏRİNİN SƏRGİ-SATIŞI İLƏ TANIŞ OLUBLAR

 04.10.2018

   Oktyabrın 3-də Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Komitəsinin, Komitənin Naxçıvan Şəhər İdarəsinin və tabeliyində olan Dövlət Yerquruluşu, Geodeziya və Xəritəçəkmə Layihə İnstitutunun kollektivləri Naxçıvan şəhərindəki Heydər Əliyev Sarayında sağlamlıq imkanları məhdud şəxslərin və istedadlı qadınların rəsm və əl işlərinin sərgi-satışı ilə tanış olublar.
    Məlumat verilib ki, muxtar respublikada bütün sahələrdə olduğu kimi, qadınların məşğulluğunun təmin olunması da diqqətdə saxlanılır, onların fəaliyyəti üçün hər cür şərait yaradılır. Bunun da nəticəsində muxtar respublikada xüsusi istedadları ilə seçilən, rəssamlıq, toxuculuq, el sənəti nümunələrini yaşatmağı özünə fəaliyyət sahəsi seçən və asudə vaxtını bu işlərə sərf edən qadınların sayı artır, yeni yaradıcılıq nümunələri yaradılır.
    Qeyd olunub ki, Naxçıvan Muxtar Respublikası Ali Məclisi Sədrinin tapşırığına əsasən, sağlamlıq imkanları məhdud şəxslərin və istedadlı qadınların rəsm və əl işlərinin sərgi-satışının keçirilməsi artıq ənənə halını alıb. Budəfəki sərgi-satışa, ümumilikdə, 188 müəllifin 2427 rəsm əsəri və əl işi çıxarılıb.

SEMİNAR KEÇİRİLİB

 03.10.2018

    “Dövlət qulluqçularının etik davranış qaydaları” mövzusunda keçirilən seminarı Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Komitəsinin aparat rəhbəri Nurlan Fətəliyev açaraq tədbirin mahiyyəti haqqında məlumat verib.
    Komitənin əməkdaşı Tural Cəfərov “Dövlət qulluqçularının əsas hüquq və vəzifələri” mövzusunda çıxış edərək bildirib ki, qanunvericilikdə dövlət qulluqçularının hüquqları ilə yanaşı, vəzifələri də təsbit olunub. Dövlət qulluqçuları vətəndaşların hüquq və azadlıqlarını, onların qanuni mənafelərini təmin etməyə və qorumağa borcludurlar. Vətəndaşların və ictimai birliklərin, habelə müəssisə, idarə və təşkilatların, dövlət və yerli özünüidarəetmə orqanlarının müraciətlərinə öz qulluq vəzifəsi çərçivəsində vaxtında baxmaq və qanunvericiliklə müəyyən olunmuş qaydada müvafiq qərarlar qəbul etmək dövlət qulluqçusunun vəzifə borclarındandır.

Ardını oxu »

TORPAQLARDAN SƏMƏRƏLİ İSTİFADƏ SAHƏSİNDƏ QARŞIYA QOYULMUŞ VƏZİFƏLƏR UĞURLA İCRA OLUNUR

 27.09.2018

    Muxtar respublikamızda əhalinin əsas qida məhsullarına olan tələbatının fasiləsiz və dayanıqlı şəkildə yerli istehsal hesabına ödənilməsini təmin etmək üçün ardıcıl tədbirlər görülür. Həyata keçirilən işlər aqrar istehsalın inkişafında yeni mərhələ olmaqla yanaşı, torpaqdan düzgün və səmərəli istifadəni də günün tələbinə çevirib.
    Naxçıvan Muxtar Respublikası Ali Məclisinin Sədri muxtar respublikada əkinəyararlı torpaqlardan səmərəli istifadə edilməsi, bu məsələyə dövlət nəzarətinin gücləndirilməsi barədə tapşırıqlar verib, aid mərkəzi və yerli icra hakimiyyəti orqanları qarşısında konkret vəzifələr müəyyənləşdirərək deyib: “Bu gün torpaqlardan səmərəli istifadə qarşıda duran əsas vəzifələrdəndir. Əkinəyararlı torpaq sahələrinin məhdudluğu nəzərə alınaraq əkinçiliyin inkişafında intensiv amillərə üstünlük verilməlidir. Kənd təsərrüfatına yararlı torpaqlardan digər məqsədlər üçün istifadənin qarşısı alınmalı, onların əkin dövriyyəsinə cəlb olunması istiqamətində tədbirlər görülməlidir”.
    Verilmiş tapşırıqların və qarşıya qoyulmuş vəzifələrin icrası məqsədilə kənd təsərrüfatına yararlı torpaqların kateqoriyalar üzrə səmərəli istifadə istiqamətlərinin müəyyənləşdirilməsi, əkinəyararlı torpaq sahələrinin əkin

Ardını oxu »

TORPAQLARIN ELEKTRON KADASTR UÇOTU İNFORMASİYA SİSTEMİNİN YARADILMASI İLƏ BAĞLI İŞÇİ QRUPUN NÖVBƏTİ İCLASI KEÇİRİLİB

 22.09.2018

    Sentyabrın 21-də Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Komitəsində torpaqların elektron kadastr uçotu informasiya sisteminin yaradılması ilə bağlı işçi qrupun növbəti iclası keçirilib. İclası Komitənin sədri Müslüm Cabbarzadə açıb.
     Komitənin İnformasiya texnologiyaları və məlumat bazası şöbəsinin müdiri Arzu Məmmədov sistemin fəaliyyətini təmin edəcək proqram təminatının hazırlanması istiqamətində görülmüş işlər barədə məlumat verib. Bildirilib ki, proqram təminatının yaradılması işi yekunlaşmaq üzrədir. Sistemin hazır modulları baxılması üçün Komitəyə təqdim olunub, aid mütəxəssislərlə birlikdə sistemin iş prinsipinə baxılıb, mövcud nöqsanlar qeyd olunaraq aradan qaldırılması üçün müzakirələr aparılıb. Mövcud məlumatlardan nümunələr hazırlanaraq vaxtaşırı proqram təminatını hazırlayan mütəxəssislərə təqdim olunub.

Ardını oxu »