Mətbuat xidməti
NÖVBƏTİ KOLLEGİYA İCLASI KEÇİRİLİB
05.11.2018
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Komitəsində növbəti kollegiya iclası keçirilib. Kollegiya iclasını Komitənin sədri Müslüm Cabbarzadə açıb.
Kollegiyanın gündəliyində duran məsələlərlə bağlı Komitə Aparatının rəhbəri Nurlan Fətəliyevin, Torpaq məsələləri şöbəsinin müdiri İntizar Həziyevin, Daşınmaz əmlak məsələləri şöbəsinin müdiri Əkbər Əliyevin, İnformasiya texnologiyaları və məlumat bazası şöbəsinin müdiri Arzu Məmmədovun çıxışları dinlənilib. Müzakirə olunan məsələlərlə bağlı qərar layihələri oxunaraq səsə qoyulub və qəbul edilib.
Kollegiya iclasına Komitənin sədri Müslüm Cabbarzadə yekun vuraraq Komitədə, tabeliyində olan qurum və struktur bölmələrində işin günün tələbləri səviyyəsində qurulması, vətəndaşların müraciətlərinə operativ baxılması, daşınmaz əmlakın qeydiyyatı, torpaqlardan istifadəyə dövlət nəzarətinin gücləndirilməsi, əhali arasında maarifləndirmə işlərinin aparılması ilə bağlı müvafiq tapşırıqlar verib.
KOMİTƏNİN HAMİLİYİNƏ VERİLMİŞ İXTİSASLARDA TƏHSİL ALAN TƏLƏBƏLƏRLƏ GÖRÜŞ KEÇİRİLİB
17.10.2018
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Komitəsinin əməkdaşları Naxçıvan Dövlət Universitetində Komitənin hamiliyinə verilmiş Torpaqşünaslıq və aqrokimya, Geodeziya və xəritəçəkmə mühəndisliyi ixtisaslarının tələbələri ilə görüşüb. Tədbiri giriş sözü ilə universitetin rektoru Saleh Məhərrəmov açaraq ixtisasların müvafiq təşkilatlara hamiliyə verilməsinin əhəmiyyətindən danışıb.
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Komitəsinin sədri Müslüm Cabbarzadə Naxçıvan Muxtar Respublikasında dövlət torpaq idarəçiliyi sahəsində keçilmiş yol və qarşıda duran vəzifələrdən bəhs edərək bildirib ki, kənd təsərrüfatının inkişafında mühüm əhəmiyyət kəsb edən torpaq islahatının əsası 1992-ci ildə, ulu öndər Heydər Əliyev tərəfindən Naxçıvan Muxtar Respublikası Ali Məclisinin Sədri işlədiyi dövrdə qoyulub. Ümummilli liderin təşəbbüsü və rəhbərliyi ilə ilk dəfə Culfa rayonunun Şurud və Gal kəndlərində torpaq islahatı aparılıb. 2000-ci ilin sonlarında başa çatdırılmış torpaq islahatı nəticəsində muxtar respublikada 70 min 598 ailə aqrar islahatlardan bəhrələnərək torpaq mülkiyyətçisinə çevrilib ki, bu da muxtar respublika əhalisinin ərzaq və digər zəruri kənd təsərrüfatı məhsulları ilə təminatının yüksəlməsinə gətirib çıxarıb.
"ƏMLAK" İNFORMASİYA BÜLLETENİ İŞIQ ÜZÜ GÖRÜB
10.10.2018
Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Komitəsinin “Əmlak” informasiya bülleteninin ilk nömrəsi çapdan çıxıb. İnformasiya bülletenində komitənin maddi-texniki bazası, əməkdaşların fəaliyyəti üçün yaradılan şərait, fəaliyyət istiqamətləri üzrə görülmüş işlər və tətbiq olunan yeniliklər, eləcə də daşınmaz əmlak və torpaq qanunvericiliyinin izahı ilə bağlı yazılar yer alıb.
Jurnalda vətəndaşlar üçün daşınmaz əmlakın qeydiyyatının əhəmiyyəti, qeydiyyatdan keçmiş əmlaklara dövlət tərəfindən verilən təminatlarla bağlı maarifləndirici məlumatlar öz əksini tapıb. İnformasiya bülletenində, həmçinin muxtar respublikada torpaqların elektron uçotunun aparılmasının əhəmiyyəti və bu sahədə görülmüş işlər, torpaq ehtiyatlarından səmərəli istifadə və daşınmaz əmlakın qeydiyyatı ilə bağlı təhlillər, komitə tərəfindən vətəndaşlara göstərilən səyyar və elektron xidmətlər barədə yazılar yer alıb. Vətəndaşlardan daxil olan sorğular əsasında sual-cavab rubrikası hazırlanıb.
MUXTAR RESPUBLIKADA 4030 DAŞINMAZ ƏMLAK OBYEKTI QEYDIYYATA ALINIB
Bugün 
