HAZIRLANAN TEXNİKİ SƏNƏDLƏRİN SAYI ARTIB

 17.01.2020

Daşınmaz Əmlak və Torpaq Məsələləri üzrə Dövlət Xidmətinin Culfa Rayon İdarəsi tərəfindən 2019-cu il ərzində 96 fərdi yaşayış evinə, 47 mənzilə, 2 qeyri-yaşayış sahəsinə, 3 qeyri-yaşayış binasına, 2 əmlak kompleksi kimi müəssisəyə məxsus olmaqla, 150 daşınmaz əmlak obyektinin texniki pasportu hazırlanıb.

180 torpaq sahəsinin plan-ölçüsü tərtib edilərək vətəndaşlara təqdim olunub. Əvvəlki illə müqayisədə hazırlanan texniki sənədlərin sayı 65% artıb. Texniki sənədlərin hazırlanması zamanı 180 müayinə aktı yazılıb, 18 bölünmə və birləşmə planı tərtib edilib.

Dövlət reyestrindən 379 çıxarışın, məhdudiyyət və yüklülüyə dair 352 arayışın verilməsi ilə əlaqədar qəbul edilmiş hüquqi sənədlər ilkin ekspertizadan keçirilib və qanunvericiliyə uyğun icra edilib. 151 sosial arayış hazırlanaraq vətəndaşlara təqdim olunub.

Ardını oxu »

DAŞINMAZ ƏMLAK OBYEKTLƏRİNİN İNVENTARLAŞDIRILMASINA MARAQ YÜKSƏLİB

 17.01.2020

Daşınmaz Əmlak və Torpaq Məsələləri üzrə Dövlət Xidmətinin Kəngərli Rayon İdarəsi tərəfindən vətəndaşlardan daxil olmuş müraciətlər əsasında 2019-cu il ərzində 71 daşınmaz əmlak obyektinin texniki pasportu, 95 torpaq sahəsinin plan-ölçüsü hazırlanaraq hüquq sahiblərinə təqdim edilib. Əvvəlki illə müqayisədə hazırlanan texniki sənədlərin sayı 24,8% artıb. Mülkiyyət sənədlərinin hazırlanması zamanı 72 müayinə aktı tərtib edilib.

Daşınmaz əmlak üzərində hüquqların dövlət qeydiyyatına alınması üçün müraciətlərə operativ baxılması diqqətdə saxlanılıb, il ərzində daşınmaz əmlakın dövlət reyestrindən 192 çıxarış, məhdudiyyət və yüklülüyə dair 155, əmlakın olub-olmamasına dair 96 arayış hazırlanaraq hüquq sahiblərinə təqdim edilib.

Torpaqların elektron uçotunun aparılması və rəqəmsal kadastr xəritəsinin hazırlanması məqsədi ilə rayonun bütün yaşayış məntəqələrində torpaq sahələri plana alınıb.

Ardını oxu »

MÜLKİYYƏT HÜQUQLARININ QEYDİYYATI İLƏ BAĞLI MÜRACİƏTLƏRİN SAYI ARTIB

 17.01.2020

Daşınmaz Əmlak və Torpaq Məsələləri üzrə Dövlət Xidmətinin Babək Rayon İdarəsi tərəfindən ötən il 230 daşınmaz əmlak obyektinə məxsus texniki pasport hazırlanıb, 820 torpaq sahəsinin planı və ölçüsü tərtib edilib. 2018-ci illə müqayisədə hazırlanan texniki sənədlərin sayı 31,3% artıb. 115 bölgü planı hazırlanaraq arxiv sənədlərinə əlavə olunub, 387 müayinə aktı yazılıb.

Hüquqların dövlət qeydiyyatına alınması, dövlət reyestrindən çıxarışın verilməsi üçün 1076 müraciət daxil olub və icra edilib ki, bu da əvvəlki illə müqayisədə 29,6% çoxdur.

İl ərzində məhdudiyyət və yüklülüyə dair 553, əmlakın olub-olmamasına dair 142 arayış verilib.

Nəzərabad, Didivar, Məzrə, Vayxır, Xalxal, Zeynəddin və Sirab kəndlərində torpaqlardan istifadə vəziyyətinə dair monitorinqlər aparılıb, torpaqdan qanunsuz istifadəyə dair 321 fakt aradan qaldırılıb.

Ardını oxu »

DAŞINMAZ ƏMLAKIN QEYDİYYATI VƏ TORPAQLARDAN İSTİFADƏYƏ NƏZARƏT 2019-CU İL ƏRZİNDƏ DİQQƏTDƏ SAXLANILIB

 13.01.2020

Yanvarın 13-də Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətində 2019-cu il ərzində görülmüş işlər və qarşıda duran vəzifələrə dair kollegiya iclası keçirilib. İclası xidmətin rəisi Müslüm Cabbarzadə açaraq bildirib ki, muxtar respublikada torpaqların elektron uçotunun aparılması və təyinatı üzrə istifadə edilməsinə dövlət nəzarətinin gücləndirilməsi, daşınmaz əmlak üzərində mülkiyyət hüquqlarının qeydiyyatı zamanı operativliyin təmin edilməsi il ərzində diqqətdə saxlanılıb.

Göstərilən dövlət qayğısı nəticəsində informasiya infrastrukturu təkmilləşdirilib, yeni server, təhlükəsizlik və şəbəkə avadanlıqları alınaraq quraşdırılıb. Ordubad Rayon İdarəsi müasir iş şəraiti ilə təmin olunmuş inzibati binaya köçürülüb.

Torpaqların elektron kadastr uçotu informasiya sisteminin yaradılması üzrə əsas işlər yekunlaşdırılıb, sistem sınaq rejimində istifadəyə verilib. Kəngərli və Şərur rayonlarında, Şahbuz rayonunun 13, Sədərək rayonunun 1 yaşayış məntəqəsində daşınmaz əmlak obyektlərinin plana alınması başa çatdırılıb, il ərzində 19924 daşınmaz əmlak obyekti plana alınıb.

Ardını oxu »