ƏMLAK MƏSƏLƏLƏRİ DÖVLƏT KOMİTƏSİNİN KOLLEGIYASININ YENİ TƏRKİBİ TƏSDİQ EDİLİB

07.02.2019

    Azərbaycan Respublikasının Nazirlər Kabineti Əmlak Məsələləri Dövlət Komitəsinin kollegiyasının 14 nəfərdən ibarət yeni tərkibini təsdiq edilib.
Bu barədə qərarı Baş nazir Novruz Məmmədov imzalayıb. Qərara əsasən, Əmlak Məsələləri Dövlət Komitəsinin kollegiyasının yeni tərkibi aşağıdakı kimidir:
   Kollegiyanın sədri: Azərbaycan Respublikası Əmlak Məsələləri Dövlət Komitəsinin sədri.
    Kollegiyanın üzvləri:
    - Azərbaycan Respublikasının Əmlak Məsələləri Dövlət Komitəsi sədrinin müavinləri
   - Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Komitəsinin sədri
   - Azərbaycan Respublikası Əmlak Məsələləri Dövlət Komitəsi Aparatının rəhbəri
    - Azərbaycan Respublikasının Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətinin rəisi

Ardını oxu »

2018-Cİ İL ƏRZİNDƏ DAŞINMAZ ƏMLAKIN QEYDİYYATI VƏ TORPAQLARDAN İSTİFADƏYƏ NƏZARƏT DİQQƏT MƏRKƏZİNDƏ SAXLANILIB

01.02.2019

    Muxtar respublikada torpaqların elektron uçotunun aparılması və təyinatı üzrə istifadə edilməsinə dövlət nəzarətinin gücləndirilməsi, daşınmaz əmlak üzərində mülkiyyət hüquqlarının qeydiyyatı zamanı operativliyin təmin edilməsi 2018-ci il ərzində diqqət mərkəzində saxlanılmışdır.
    Qəbul edilmiş dövlət proqramlarına uyğun olaraq Şərur rayonunun 8, Babək rayonunun 5, Şahbuz rayonunun 5, Culfa rayonunun 4, Ordubad rayonunun 3, Kəngərli rayonunun 3 bələdiyyəsinin torpaqların qida maddələri ilə təmin olunmasına dair yeni kartoqramları hazırlanmış, torpaq mülkiyyətçiləri ilə maarifləndirici tədbirlər aparılmışdır.
  Naxçıvan şəhərinin Heydər Əliyev prospektində və 26 küçədə ünvanlar dəqiqləşdirilmiş, Əziz Əliyev, Cəlil Məmmədquluzadə və Atatürk küçələrində yeni ünvan lövhələri və giriş nömrə nişanları quraşdırılmışdır. İl ərzində yeni yaranmış 665 daşınmaz əmlak obyektinə ünvan verilmişdir.

Ardını oxu »

NAXÇIVAN ŞƏHƏRİNDƏ YENİ ÜNVAN LÖVHƏLƏRİNİN QURAŞDIRILMASI DAVAM ETDİRİLİR

28.01.2019

    2018-ci ilin sentyabr ayından etibarən Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Komitəsi tərəfindən Naxçıvan şəhərində yeni ünvan lövhələrinin quraşdırılmasına başlanılıb. Bu məqsədlə indiyədək Naxçıvan şəhərinin Heydər Əliyev prospektində və 29 küçədə ünvanların yenidən dəqiqləşdirilməsi işləri aparılıb. Uyğunsuzluq aşkar edilən küçə və məhəllələrdə daşınmaz əmlak obyektləri yenidən nömrələnib, ünvan lövhələri və giriş nömrə nişanlarının sayı müəyyənləşdirilib. Dəqiqləşmə işləri aparılan küçələrdə daşınmaz əmlak obyektlərinin ünvanlarındakı uyğunsuzluqların aradan qaldırılması üçün kameral şəraitdə ünvan xəritəsi üzərində iş aparılıb. Ünvanlarında düzəliş edilmiş daşınmaz əmlak obyektlərinə dair mülkiyyət sənədlərində müvafiq düzəlişlər edilərək təhvil verilib. Yeni inşa olunan daşınmaz əmlak obyektlərinin sxematik planları dəqiqləşdirilib, Naxçıvan şəhərinin ünvan xəritəsinə yerləşdirilməsi və ünvan reyestrində qeydiyyata alınması təmin olunub. Ünvan lövhələri və giriş nömrə nişanları nəqliyyat infrastrukturu obyektlərinə adların verilməsi, daşınmaz əmlak obyektlərinə ünvan nömrələrinin təyini, ünvan lövhələrinin yerləşdirilməsi qaydalarına uyğun hazırlanıb. 1 prospekt və 9 küçədə yeni ünvan lövhələri və giriş nömrə nişanları quraşdırılıb. Hazırda Naxçıvan şəhərinin Azərbaycan, Həsən Əliyev və Mirzə Ələkbər Sabir küçələrində bu istiqamətdə işlər davam etdirilir.

CƏHRİ KƏND SAKİNLƏRİ İLƏ MAARİFLƏNDİRİCİ GÖRÜŞ OLUB

26.01.2019

    Babək rayon Cəhri Kənd Mərkəzində “Torpaqların elektron kadastr uçotu informasiya sisteminin yaradılması istiqamətində görülmüş işlər və qarşıda duran vəzifələr” mövzusunda kənd sakinləri ilə maarifləndirici tədbir keçirilib.
    Tədbirdə Babək Rayon İcra Hakimiyyəti başçısının müavini Nihal Məmmədov və Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Komitəsinin sədr müavini Nəcəfalı Nəcəfalıyev çıxış edərək keçirilən tədbirin mahiyyəti haqqında məlumat veriblər.
    Daşınmaz Əmlak və Torpaq Məsələləri üzrə Dövlət Komitəsinin Torpaq məsələləri şöbəsinin müdiri İntizar Həziyev çıxışında bildirib ki, hazırda bütün kateqoriyalı torpaqların elektron uçotu, xəritələşməsi və məlumat bankının yaradılması istiqamətində işlər aparılır. Bu sistem muxtar respublika üzrə bir mərkəzdən torpaqların idarə olunması, mühafizəsi və istifadəsi üzrə kompleks tədbirlər həyata keçirməyə imkan yaradacaq.
    Tədbirdə komitənin Dövlət Yerquruluşu, Geodeziya Xəritəçəkmə Layihə İnstitutunun direktoru Cəfər Əliyev torpaqların elektron kadastr uçotu informasiya sisteminin yaradılmasının və rəqəmsal xəritələrin tərtib edilməsi üçün ərazilərin plan və xəritələrinin tam, düzgün tərtib olunmasının əhəmiyyətindən danışıb.

Ardını oxu »