KOMİTƏNİN KOLLEKTİVİ NAXÇIVAN BİZNES MƏRKƏZİNDƏ OLUB

29.04.2019

    Aprelin 27-də Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Komitəsinin və Komitənin tabeliyində olan Dövlət Yerquruluşu, Geodeziya və Xəritəçəkmə Layihə İnstitutunun kollektivləri Naxçıvan Biznes Mərkəzini ziyarət ediblər.
    Tanışlıq zamanı məlumat verilib ki, 2013-cü ildə istifadəyə verilən mərkəzin əsas fəaliyyət istiqamətləri biznesin inkişafı, sahibkarlar arasında işgüzar əlaqələrin gücləndirilməsi, müxtəlif tədbirlərin, beynəlxalq konfransların, forum və seminarların keçirilməsi, yerli istehsal məhsullarının, əl işi və sənət əsərlərinin sərgi-satışının təşkilidir.
    Qeyd olunub ki, mərkəzdə qurulan stendlərdə muxtar respublikada fəaliyyət göstərən iri özəl sektor təmsilçiləri ilə yanaşı

Ardını oxu »

İNNOVASİYALAR VƏ ONLARIN İDARƏ EDİLMƏSI MÖVZUSUNDA TƏLİM KEÇİRİLİB

25.04.2019

  Aprelin 25-də Naxçıvan Dövlət Universitetində Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Komitəsinin hamiliyinə verilmiş “Torpaqşünaslıq və aqrokimya”, “Geodeziya və xəritəçəkmə mühəndisliyi” ixtisaslarında təhsil alan tələbələrə “İnnovasiyalar və onların idarə edilməsi” mövzusunda təlim keçirilib. Tədbiri giriş sözü ilə universitetin rektoru Saleh Məhərrəmov açıb.
    Daşınmaz Əmlak və Torpaq Məsələləri üzrə Dövlət Komitəsinin sədri Müslüm Cabbarzadə Naxçıvan Muxtar Respublikası Ali Məclisi Sədrinin müvafiq sərəncamları ilə hamiliklə bağlı qarşıya qoyulmuş vəzifələrin icrası istiqamətində görülmüş işlərdən və qarşıda duran vəzifələrdən danışıb.

Ardını oxu »

DUZ MUZEYİ ZİYARƏT OLUNUB

20.04.2019

   Aprelin 20-də Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Komitəsinin və Komitənin tabeliyində olan Dövlət Yerquruluşu, Geodeziya və Xəritəçəkmə Layihə İnstitutunun kollektivləri Naxçıvan Duz Muzeyini ziyarət ediblər.
   Məlumat verilib ki, muzey Naxçıvan Muxtar Respublikası Ali Məclisi Sədrinin 12 sentyabr 2017-ci il tarixli Sərəncamına əsasən yaradılıb. Muzeyin yaradılmasında əsas məqsəd Naxçıvan duzunun tarixdə oynadığı mühüm rolu dünyaya çatdırmaq, aparılan elmi tədqiqatların nəticələrinin sistemləşdirilməsini, elmi araşdırmalar zamanı əldə olunmuş maddi-mədəniyyət nümunələrinin qorunub saxlanılmasını və təbliğini təmin etməkdir.
   Qeyd olunub ki, beş min illik tarixə malik Naxçıvanda şəhər mədəniyyətinin əsasını duzçıxarma və duz mədənçiliyi təşkil edib. Naxçıvan duzdağından eramızdan əvvəl V əsrdən mədən üsulu ilə duz çıxarılıb ki, bu da dünyada bu yolla duzun ilk emalı təcrübəsidir. Arxeoloji qazıntılar zamanı burada müxtəlif dövrlərə aid daş alətlərlə yanaşı, Eneolit və İlk Tunc dövrlərinə aid keramika məmulatları da aşkar olunub.

Ardını oxu »

ARXİV İŞİNİN TƏŞKİLİ MÜZAKİRƏ OLUNUB

20.04.2019

  Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Komitəsində komitə arxivinin, şəhər və rayon idarələrinin əmakdaşları üçün “Arxiv işinin təşkilinin əsasları” mövzusunda qısamüddətli təlim keçirilib.
    Təlimi giriş sözü ilə komitənin sədri Müslüm Cabbarzadə açaraq iştirakçıları məlumatlandırıb.
 Naxçıvan Muxtar Respublikası Dövlət Arxivinin direktor müavini Zakir Hacıyev “Arxiv işinin təşkilinin əsasları” mövzusunda çıxış edərək bildirib ki, muxtar respublikada bu sahəyə xüsusi diqqət yetirilir, arxiv sənədlərinin qorunması və saxlanması istiqamətində ardıcıl tədbirlər həyata keçirilir. Bunun nəticəsində muxtar respublikamızda arxiv işi tam formalaşdırılıb, sahənin maddi-texniki bazası möhkəmləndirilib, zəngin arxiv fondları yaradılıb. Bu şərait arxiv fondlarında saxlanılan yüz minlərlə sənədin etibarlı şəkildə mühafizə olunmasına imkan verir.
   Daşınmaz Əmlak və Torpaq Məsələləri üzrə Dövlət Komitəsinin Ümumi işlər və təsərrüfat şöbəsinin müdiri Tural Cəfərovun, İnformasiya texnologiyaları və məlumat bazası şöbəsinin müdiri Arzu Məmmədovun mövzu ilə bağlı çıxışları dinlənilib.
    Sonda iştirkaçıların sualları cavablandırılıb.