KƏNGƏRLİ RAYONUNDA PLANAALMA İŞLƏRİ UĞURLA DAVAM ETDİRİLİR

09.07.2019

  Naxçıvan Muxtar Respublikası Ali Məclisi Sədrinin “Naxçıvan Muxtar Respublikasında torpaq münasibətlərinin tənzimlənməsi sahəsində əlavə tədbirlər haqqında” 2 aprel 2016-cı il tarixli Fərmanı ilə qarşıya qoyulmuş vəzifələrin icrası ilə əlaqədar Daşınmaz Əmlak və Torpaq Məsələləri üzrə Dövlət Komitəsinin tabeliyində olan Dövlət Yerquruluşu, Geodeziya və Xəritəçəkmə Layihə İnstitutunun mütəxəssisləri tərəfindən Kəngərli rayonunda planaalma işləri uğurla davam etdirilir.
  2019-cu ilin may ayından başlanılan planaalma işləri nəticəsində rayonun 6 yaşayış məntəqəsində torpaq sahələrinin konturlarının çöl geodeziya-ölçmə işləri aparılmaqla dəqiqləşdirilməsi başa çatdırılıb. Nəticədə, plana alınmış 5 mindən artıq daşınmaz əmlak obyektinin elektron kadastr məlumatları Komitənin informasiya bazasına daxil edilib, yaşayış məntəqələrinin yeni yerquruluşu xəritələri hazırlanıb.
  Hazırda planaalma işləri başa çatmış yaşayış məntəqələrinin ərazilərində mülkiyyət növündən və təyinatından asılı olmayaraq bütün torpaq sahələrinə dair göstəricilər baza məlumatları ilə müqayisə olunur, uyğunsuzluqların aradan qaldırılması istiqamətində işlər davam etdirilir.

TORPAQLARIN ELEKTRON KADASTR UÇOTU İNFORMASİYA SİSTEMİNİN PROQRAM TƏMİNATININ HAZIRLANMASI İSTİQAMƏTİNDƏ ƏSAS İŞLƏR YEKUNLAŞMAQ ÜZRƏDİR

08.07.2019

  Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Komitəsində torpaqların elektron kadastr uçotu informasiya sisteminin proqram təminatının hazırlanması ilə bağlı növbəti müzakirələr aparılıb. İki gün davam edən müzakirələrdə iştirakçılar sistemin fəaliyyətini təmin edəcək proqram təminatının hazırlanması istiqamətində görülmüş işlər barədə məlumatlandırılıb, Komitənin mütəxəssisləri tərəfindən verilmiş təkliflər əsasında proqram təminatında aparılmış təkmilləşdirmə işləri və yeni funksionallıqlar nümayiş olunub. Sistemin hazır modullarının iş prinsipi sınaq rejimində yoxlanılıb, mövcud nöqsanların aradan qaldırılması və zəruri əlavələrin edilməsi üçün geniş fikir mübadiləsi aparılıb.
  Qeyd edək ki, sistem Naxçıvan Muxtar Respublikası Ali Məclisi Sədrinin “Naxçıvan Muxtar Respublikasında torpaq münasibətlərinin tənzimlənməsi sahəsində əlavə tədbirlər haqqında” 2 aprel 2016-cı il tarixli Fərmanına əsasən yaradılır və 2020-ci ilədək istifadəyə verilməsi nəzərdə tutulur.

BEŞİNCİ ÇAĞIRIŞ NAXÇIVAN MUXTAR RESPUBLİKASI ALİ MƏCLİSİNİN ONUNCU SESSİYASINDAN İRƏLİ GƏLƏN VƏZİFƏLƏR MÜZAKİRƏ OLUNUB

05.07.2019

  Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Komitəsində keçirilən kollegiya iclasını komitənin sədri Müslüm Cabbarzadə açaraq bildirib ki, 2019-cu ilin birinci yarısında muxtar respublikada əmlak və torpaq idarəçiliyinin müasir əsaslarla qurulması istiqamətində qarşıda duran vəzifələrin icrası diqqətdə saxlanılıb. Torpaqların elektron kadastr uçotu informasiya sisteminin yaradılması istiqamətində əsas işlər yekunlaşdırılıb, Şərur və Babək rayonlarında planaalma işləri başa çatdırılıb. Cari ilin ötən dövründə 11 min 428 daşınmaz əmlak obyekti plana alınıb.
 Vurğulanıb ki, ötən dövrdə 113 ailə təsərrüfatına məxsus qeyri-yaşayış obyekti, həyətyanı təsərrüfat binaları və təsərrüfat fəaliyyəti ilə əlaqədar icarəyə götürülmüş torpaq sahələri üzərində hüquqlar dövlət qeydiyyatına alınıb.

  Diqqətə çatdırılıb ki, Naxçıvan Muxtar Respublikası Ali Məclisinin Sədri tərəfindən verilmiş tapşırıqların icrası məqsədilə Ağbulaq Kənd Turizm-İstirahət Bölgəsində daşınmaz əmlak obyektlərinin pasportlaşdırılması başa çatdırılıb, 65 fərdi yaşayış evinin mülkiyyətçisinə hüquqların dövlət qeydiyyatı haqqında daşınmaz ­əmlakın dövlət reyestrindən çıxarış verilib.

Ardını oxu »

KOMİTƏ ƏMƏKDAŞLARI ÜÇÜN QISAMÜDDƏTLİ TƏLİM TƏŞKİL EDİLİB

29.06.2019

  Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Komitəsində “Torpaqların idarə edilməsi, onların istifadəsinə və mühafizəsinə dövlət nəzarəti” mövzusunda təlim keçirilib.
  Təlimdə Daşınmaz Əmlak və Torpaq Məsələləri üzrə Dövlət Komitəsinin rayon, şəhər idarələrinin əməkdaşları iştirak edib.
  Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Komitəsinin sədri Müslüm Cabbarzadə bildirib ki, komitənin bəzi rayon və şəhər idarələrində torpaqların idarə edilməsi ilə bağlı nöqsanlar aşkar edilib. Təlimin keçirilməsində məqsəd bu sahədə çatışmazlıqları aradan qaldırmaq, əməkdaşların bilik və bacarıqlarını inkişaf etdirməkdir.
  Təlimdə komitənin Torpaq məsələləri şöbəsinin müdiri İntizar Həziyev, Yerquruluşu, torpaq ehtiyatından istifadə və geodeziya, xəritəçəkmə işləri sektorunun müdiri Oqtay Məmmədov, Torpaq kadastr və qeydiyyat sektorunun aparıcı məsləhətçisi Samir Əkbərov mövzu ilə bağlı iştirakçılara ətraflı məlumat veriblər. Bildirilib ki, Azərbaycan Respublikası Torpaq Məcəlləsinin 111-ci maddəsinə əsasən, Azərbaycan Respublikasında torpaqların özbaşına tutulması qanunla qadağan olunur.

Ardını oxu »