CARİ İLİN BİRİNCİ YARISINDA KOMİTƏNİN ŞƏRUR RAYON İDARƏSİ TƏRƏFİNDƏN HAZIRLANAN MÜLKİYYƏT SƏNƏDLƏRİNİN SAYI ARTIB

30.07.2019

   Daşınmaz Əmlak və Torpaq Məsələləri üzrə Dövlət Komitəsinin Şərur Rayon İdarəsinə 2019-cu ilin ilk altı ayı ərzində mülkiyyət sənədlərinin hazırlanması üçün 522 müraciət daxil olmuş və icra edilmişdir ki, bu da 2018-ci ilin müvafiq dövrü ilə müqayisədə 19,5% çoxdur. Müraciətlər əsasında 100 daşınmaz əmlak obyektinin texniki pasportu, 272 həyətyanı, 150 kənd təsərrüfatı təyinatlı torpaq sahəsinin plan-ölçüsü hazırlanmışdır. Texniki sənədlərin hazırlanması zamanı 161 müayinə aktı, 11 bölünmə və birləşmə planı tərtib edilərək arxiv sənədlərinə əlavə olunmuşdur.

Ardını oxu »

KOMİTƏNİN BABƏK RAYON İDARƏSİNƏ MÜLKİYYƏT HÜQUQLARININ DÖVLƏT QEYDİYYATI İLƏ BAĞLI MÜRACİƏTLƏRİN SAYI 47% ARTIB

29.07.2019

 Daşınmaz Əmlak və Torpaq Məsələləri üzrə Dövlət Komitəsinin Babək Rayon İdarəsi tərəfindən 2019-cu ilin I yarımili ərzində 120 daşınmaz əmlak obyektinə məxsus texniki pasport hazırlanıb, 390 torpaq sahəsinin planı və ölçüsü tərtib edilib. 2018-ci ilin müvafiq dövrü ilə müqayisədə hazırlanan texniki sənədlərin sayı 41% artıb. 60 bölgü planı hazırlanaraq arxiv sənədlərinə əlavə olunub. 192 müayinə aktı yazılıb.
 6 ay ərzində hüquqların dövlət qeydiyyatına alınması, dövlət reyestrindən çıxarışın verilməsi üçün 516 müraciət daxil olub və icra edilib ki, bu da ötən ilin müvafiq dövrü ilə müqayisədə 47% çoxdur.
 Vətəndaşların müraciətləri əsasında məhdudiyyət və yüklülüyə dair 275, əmlakın olub-olmamasına dair 103 arayış verilib.
 Rayonun 10 yaşayış məntəqəsində vətəndaşlara səyyar xidmət göstərilib, qəbul edilmiş müraciətlər əsasında mülkiyyət sənədləri hazırlanaraq qısa zaman ərzində hüquq sahiblərinə təqdim edilib.

CARİ İLİN 6 AYI ƏRZİNDƏ KOMİTƏNİN CULFA RAYON İDARƏSİ TƏRƏFİNDƏN HAZIRLANAN MÜLKİYYƏT SƏNƏDLƏRİNİN SAYI 55% ARTIB

29.07.2019

  Daşınmaz Əmlak və Torpaq Məsələləri üzrə Dövlət Komitəsinin Culfa Rayon İdarəsi tərəfindən cari ilin 6 ayı ərzində vətəndaşların müraciətləri əsasında mülkiyyət hüquqlarının qeydiyyatı və torpaqlardan təyinatı üzrə istifadəyə nəzarət diqqətdə saxlanılıb. İlin I yarısında 68 daşınmaz əmlak obyektinin texniki pasportu hazırlanıb, 85 torpaq sahəsinin plan-ölçüsü tərtib edilərək vətəndaşlara təqdim olunub. Ötən ilin ilk altı ayı ilə müqayisədə hazırlanan texniki sənədlərin sayı 55% artıb. Texniki sənədlərin hazırlanması zamanı 80 müayinə aktı yazılıb, 8 bölünmə və birləşmə planı tərtib edilib.
  Dövlət reyestrindən 186 çıxarışın, məhdudiyyət və yüklülüyə dair 173 arayışın verilməsi ilə əlaqədar qəbul edilmiş hüquqi sənədlər ilkin olaraq yoxlanılıb və qanunvericiliyə uyğun icra edilib.
  Rayonun 5 yaşayış məntəqəsində vətəndaşlara səyyar xidmət göstərilib, qəbul edilmiş müraciətlər əsasında mülkiyyət sənədləri hazırlanaraq qısa zaman ərzində hüquq sahiblərinə təqdim edilib. Daxil olan 38 şifahi müraciət yerində araşdırılıb və müvafiq qanunvericiliyin tələbləri vətəndaşlara izah olunub.

DAHA BİR RAYONDA TORPAQLARIN ELEKTRON UÇOTUNUN APARILMASI İLƏ BAĞLI İŞLƏR BAŞA ÇATDIRILIB

26.07.2019

  Naxçıvan Muxtar Respublikası Ali Məclisi Sədrinin “Naxçıvan Muxtar Respublikasında torpaq münasibətlərinin tənzimlənməsi sahəsində əlavə tədbirlər haqqında” 2 aprel 2016-cı il tarixli Fərmanı ilə qarşıya qoyulmuş vəzifələrin icrası ilə əlaqədar Daşınmaz Əmlak və Torpaq Məsələləri üzrə Dövlət Komitəsinin tabeliyində olan Dövlət Yerquruluşu, Geodeziya və Xəritəçəkmə Layihə İnstitutunun mütəxəssisləri tərəfindən Kəngərli rayonunda planaalma işləri başa çatdırılıb.
  Planaalma işləri nəticəsində rayonun bütün yaşayış məntəqələrində torpaq sahələrinin konturları çöl geodeziya-ölçmə işləri aparılmaqla dəqiqləşdirilib. Plana alınmış 8 minə yaxın daşınmaz əmlak obyektinin elektron kadastr məlumatları Komitənin informasiya bazasına daxil edilib, yaşayış məntəqələrinin yeni yerquruluşu xəritələri hazırlanıb. Mülkiyyət növündən və təyinatından asılı olmayaraq bütün torpaq sahələrinə dair göstəricilər baza məlumatları ilə müqayisə olunaraq uyğunsuzluqların aradan qaldırılmasına başlanılıb.

Ardını oxu »