ÖTƏN AY 395 DAŞINMAZ ƏMLAK OBYEKTİ QEYDİYYATA ALINIB

08.05.2020

Muxtar respublikada əmlak və torpaq idarəçiliyinin müasir əsaslarla qurulması istiqamətində qarşıda duran vəzifələrin icrası 2020-ci ilin aprel ayında da Daşınmaz Əmlak və Torpaq Məsələləri üzrə Dövlət Xidməti tərəfindən diqqətdə saxlanılmışdır. 

Torpaqların elektron uçotunun aparılması məqsədi ilə Sədərək rayonunun Sədərək kəndində planaalma işləri davam etdirilmiş, ay ərzində 1071 daşınmaz əmlak obyekti plana alınmışdır. 13 ailə təsərrüfatına məxsus qeyri-yaşayış obyekti, həyətyanı təsərrüfat binaları və təsərrüfat fəaliyyəti ilə əlaqədar icarəyə götürülmüş torpaq sahələri üzərində hüquqlar dövlət qeydiyyatına alınmışdır. Şərur rayonunun Kosacan, Xanlıqlar, Ələkli, Çəmənli, Dərvişlər və Siyaqut bələdiyyələrinin torpaqların qida maddələri ilə təmin olunma kartoqramları yenilənərək aidiyyəti üzrə təqdim edilmişdir. 

Ardını oxu »

KOLLEGİYA İCLASI ONLAYN KEÇİRİLİB

05.05.2020

Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətində növbəti kollegiya iclası videokonfrans formatında keçirilib. İclası Xidmətin rəisi Müslüm Cabbarzadə açaraq 2020-ci ilin I rübü ərzində görülən işlərdən danışıb.

Qeyd olunub ki, muxtar respublikada əmlak və torpaq idarəçiliyinin müasir əsaslarla qurulması istiqamətində qarşıda duran vəzifələrin icrası cari ilin ilk üç ayı ərzində də diqqətdə saxlanılıb, daşınmaz əmlakın qeydiyyatı ilə bağlı göstəricilərdə artım müşahidə edilib.

Ardını oxu »

TƏLƏBƏLƏRLƏ ONLAYN GÖRÜŞ KEÇİRİLİB

27.04.2020

Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin hamiliyinə verilmiş Naxçıvan Dövlət Universitetinin “Torpaqşünaslıq və aqrokimya”, “Geodeziya və xəritəçəkmə mühəndisliyi” ixtisaslarında təhsil alan tələbələrlə onlayn görüş keçirilib.

Tədbiri giriş sözü ilə universitetin rektoru Elbrus İsayev açaraq xidmətin təşəbbüsü ilə hamiliklə bağlı ilk onlayn görüşün keçirilməsini təqdirəlayiq hal kimi dəyərləndirib.

Ardını oxu »

BAĞ TƏSƏRRÜFATLARININ YARADILMASI ÜÇÜN TORPAQ SAHƏSİ AYRILIB

17.04.2020

Muxtar respublikamızda əhalinin yaşayış şəraitinin yaxşılaşdırılması, insanların asudə vaxtlarının səmərəli təşkili istiqamətində ardıcıl tədbirlər həyata keçirilir. Yeni parklar, istirahət mərkəzləri yaradılaraq sakinlərin istifadəsinə verilir. Həyata keçirilən tədbirlərin davamı kimi Naxçıvan Muxtar Respublikası Ali Məclisi Sədrinin tapşırığına əsasən Uzunoba Su Anbarı ətrafında yerləşən 20 hektar torpaq sahəsi bağ təsərrüfatlarının yaradılması üçün vətəndaşların istifadəsinə ayrılıb.

Ardını oxu »