SUVARILAN TORPAQ SAHƏLƏRİNİN XƏRİTƏLƏRİ NƏŞR OLUNUB

20.05.2020

Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidməti tərəfindən muxtar respublikanın bütün şəhər və rayonları üzrə suvarılan torpaq sahələrinin xəritələri toplu şəklində nəşr olunub.

Xəritələr üzərində ərazilərin su təminatının yaxşılaşdırılması məqsədi ilə çəkilmiş suvarma xətləri, yeraltı və yerüstü kanallar, eləcə də çaylar, göllər, su anbarları və digər hidroqrafiya elementləri şərti işarələrlə əks olunub. Nasos stansiyaları, drenaj xətləri qeyd edilib, şəhər və rayonlar üzrə suvarılan, qapalı suvarma şəbəkəsi qurulmuş və qapalı suvarma şəbəkəsinin tikintisi aparılan torpaq sahələri göstərilib. Ümumi suvarılan torpaq sahələrinin, mütərəqqi suvarma şəbəkələrinin qurulması ilə əkin dövriyyəsinə qatılmış torpaq sahələrinin əhatə etdiyi ərazilərin rəqəmlərlə ifadəsi verilib.

Ardını oxu »

TORPAQLARDAN QANUNSUZ İSTİFADƏ HALLARININ QARŞISI ALINIR

18.05.2020

Muxtar respublikamızda torpaqlardan təyinatına uyğun, səmərəli istifadənin təmin edilməsi, əkinəyararlı torpaq sahələrindən digər məqsədlər üçün istifadənin qarşısının alınması ilə bağlı vəzifələrin icrası, torpaqlardan istifadəyə dövlət nəzarətinin həyata keçirilməsi məqsədi ilə Daşınmaz Əmlak və Torpaq Məsələləri üzrə Dövlət Xidmətinin torpaq müfəttişləri tərəfindən monitorinqlər davam etdirilir. Hazırda Babək rayonunun Cəhri kəndində bütün mülkiyyət növləri üzrə torpaqlardan istifadə vəziyyəti yoxlanılır, aşkar edilmiş qanunsuz istifadə hallarının aradan qaldırılması üçün müvafiq qanunvericiliyin tələbinə uyğun tədbirlər həyata keçirilir.

2020-ci ilin ötən dövrü ərzində aparılan monitorinqlər zamanı Babək rayonunun Babək qəsəbəsində, Qahab, Naxışnərgiz, Çeşməbasar, Güznüt, Gülşənabad, Payız, Cəhri və Qaraqala kəndlərində 280-dən artıq torpaqdan qanunsuz istifadə faktı aşkar edilərək aradan qaldırılmışdır. 25 ha torpaq sahəsi bələdiyyə mülkiyyətinə qaytarılmışdır.

Ardını oxu »

SƏDƏRƏK RAYONUNDA TORPAQLARIN ELEKTRON KADASTR UÇOTU APARILIR

13.05.2020

Naxçıvan  Muxtar  Respublikası  Ali  Məclisi  Sədrinin “Naxçıvan Muxtar Respublikasında torpaq münasibətlərinin tənzimlənməsi  sahəsində  əlavə  tədbirlər haqqında” 2 aprel 2016-cı il tarixli Fərmanı əsasında muxtar respublikada torpaqların elektron kadastr uçotunun aparılması davam etdirilir. Qarşıya qoyulmuş vəzifələrin icrası ilə əlaqədar Daşınmaz Əmlak və Torpaq Məsələləri üzrə Dövlət Xidmətinin mütəxəssisləri tərəfindən Sədərək rayonunda planaalma işləri aparılır.

Artıq rayonun Heydərabad qəsəbəsində və Qaraağac kəndində torpaq sahələrinin konturlarının çöl geodeziya-ölçmə işləri aparılmaqla dəqiqləşdirilməsi başa çatdırılıb. Plana alınmış 2 minə yaxın daşınmaz əmlak obyektinin elektron kadastr məlumatları Xidmətin informasiya bazasına daxil edilib, yaşayış məntəqələrinin yeni elektron yerquruluşu xəritələri hazırlanıb.

Ardını oxu »

VƏTƏNDAŞLARA SƏYYAR XİDMƏTLƏRİN GÖSTƏRİLMƏSİ DAVAM ETDİRİLİR

13.05.2020

Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidməti vətəndaşlara səyyar xidmətlərin göstərilməsini davam etdirir.

Növbəti dəfə səyyar xidmət qrupu Şərur rayonunun Ərəbyengicə kəndində olub. Xidmət göstərilən kənddə və ətraf yaşayış məntəqələrində yaşayan sakinlərin müraciətlərinə baxılıb. Daşınmaz əmlak üzərində hüquqların təkrar qeydiyyatı üçün 14, məhdudiyyət və yüklülüyə dair arayışın verilməsi üçün 4, ümumilikdə 18 vətəndaşın ərizəsi qəbul olunaraq məlumat bazası ilə dəqiqləşdirilib. Müraciətlərlə əlaqədar qəbul edilmiş sənədlər elektron sistemə daxil edilib.

Qeyd edək ki, səyyar xidmət zamanı vətəndaşlara daşınmaz əmlak üzərində əvvəllər yaranmış hüquqlarla bağlı verilmiş mülkiyyət sənədlərinin - torpağın mülkiyyətə verilməsinə dair şəhadətnamələrin, dövlət aktlarının, qeydiyyat vəsiqələrinin daşınmaz əmlakın dövlət reyestrindən çıxarışla əvəz edilməsi, daşınmaz əmlak barəsində notariat qaydasında təsdiq edilmiş müqavilələr və vərəsəlik hüququ haqqında şəhadətnamələr

Ardını oxu »