DAŞINMAZ ƏMLAKIN QEYDİYYATINA MARAQ ARTIB

28.07.2020

Daşınmaz Əmlak və Torpaq Məsələləri üzrə Dövlət Xidmətinin Babək Rayon İdarəsi tərəfindən 2020-ci ilin I yarımili ərzində 112 daşınmaz əmlak obyektinə məxsus texniki pasport hazırlanmış, 525 torpaq sahəsinin  planı və ölçüsü tərtib edilmişdir. 2019-cu ilin müvafiq dövrü ilə müqayisədə hazırlanan mülkiyyət sənədlərinin sayı 24,9% artmışdır.

Hüquqların dövlət qeydiyyatına alınması və dövlət reyestrindən çıxarışın verilməsi üçün 607 müraciət daxil olmuş, qəbul edilmiş hüquqi sənədlər ilkin olaraq yoxlanılmış və qeydiyyata alınmışdır. Məhdudiyyət və yüklülüyə dair 254, əmlakın olub-olmamasına dair 161 arayış verilmişdir.

Qahab, Naxışnərgiz, Payız, Gülşənabad, Güznüt, Çeşməbasar, Aşağı Buzqov, Yuxarı Buzqov və Qaraqala kəndlərində, Nehrəm və Cəhri qəsəbələrində torpaqlardan istifadə vəziyyətinə dair monitorinqlər aparılmış, aşkar olunan nöqsanların aradan qaldırılması istiqamətində işlər davam etdirilmişdir.

Ardını oxu »

DAŞINMAZ ƏMLAKIN QEYDİYYATI VƏ TORPAQLARDAN İSTİFADƏYƏ NƏZARƏT DİQQƏTDƏ SAXLANILIB

27.07.2020

Daşınmaz Əmlak və Torpaq Məsələləri üzrə Dövlət Xidmətinin Şahbuz Rayon Şöbəsi tərəfindən cari ilin altı ayı ərzində 37 fərdi yaşayış evinə, 4 mənzilə məxsus texniki pasport hazırlanmışdır.

Plan-ölçünün hazırlanması üçün 80, hüquqların dövlət qeydiyyatına alınması üçün 112 müraciətə baxılmışdır. Məhdudiyyət və yüklülüyə dair 72, əmlakın olub-olmamasına dair 109 arayış verilmişdir. 28 vətəndaşın şifahi müraciəti əsasında əmlaklara yerində baxış keçirilmiş, müraciətlər qanunauyğun cavablandırılmışdır.

Rayonun 5 yaşayış məntəqəsində vətəndaşlara səyyar xidmət göstərilmiş, qəbul edilmiş müraciətlər qısa zaman ərzində icra edilmişdir. Mülkiyyət sənədləri hazırlanaraq qısa zaman ərzində yerlərdə vətəndaşlara çatdırılmışdır.

Ardını oxu »

MÜLKİYYƏT HÜQUQLARININ QEYDİYYATI İLƏ BAĞLI MÜRACİƏTLƏRİN SAYI ARTIB

27.07.2020

2020-ci ilin ilk altı ayı ərzində Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Ordubad Rayon İdarəsi tərəfindən daşınmaz əmlak obyektlərinə məxsus texniki sənədlərin hazırlanması və vətəndaşların daşınmaz əmlakla bağlı müraciətlərinin operativ icrası diqqət mərkəzində saxlanılmışdır. I yarımil ərzində 63 daşınmaz əmlak obyektinin texniki pasportu, 70 torpaq sahəsinin plan-ölçüsü tərtib edilərək hüquq sahiblərinə təqdim edilmişdir. 2019-cu ilin müvafiq dövrü ilə müqayisədə hazırlanan mülkiyyət sənədlərinin sayı 52,9% artmışdır.

Hüquqların dövlət qeydiyyatına alınması və dövlət reyestrindən çıxarışın verilməsi ilə bağlı 127 müraciət qəbul edilmiş, məhdudiyyət və yüklülüyə dair 111 arayış, 177 sosial arayış, 13 dublikat sənəd verilmişdir.

Ardını oxu »

DAŞINMAZ ƏMLAKLA BAĞLI ƏMƏLİYYATLARIN SAYI ARTIB

25.07.2020

2020-ci ilin I yarımili ərzində Daşınmaz Əmlak və Torpaq Məsələləri üzrə Dövlət Xidmətinin Naxçıvan Şəhər İdarəsinə mülkiyyət sənədlərinin hazırlanması üçün 363 müraciət daxil olmuşdur. Müraciətlər əsasında 210 daşınmaz əmlak obyektinin texniki pasportu, 153 torpaq sahəsinin plan-ölçüsü hazırlanıb vətəndaşlara təqdim edilmişdir. 2019-cu ilin müvafiq dövrü ilə müqayisədə hazırlanan mülkiyyət sənədlərinin sayı 7,4% artmışdır.

39 əmlakın qiymətləndirilməsi icra edilmiş, müvafiq hesabatlar hazırlanmışdır.

8 vətəndaşın şifahi müraciəti əsasında əmlaklara yerində baxış keçirilmiş, qanunvericiliyin tələbləri vətəndaşlara izah olunmuşdur.

Ardını oxu »