Mətbuat xidməti
ÜNVAN REYESTRİNİN APARILMASI İLƏ BAĞLI TƏLİM KEÇİRİLİB
31.08.2019
Avqustun 31-də Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Komitəsində “Daşınmaz əmlak obyektlərinə ünvanların verilməsi və ünvan reyestrinin aparılması” mövzusunda qısamüddətli təlim keçirilib. Tədbiri Komitənin sədri Müslüm Cabbarzadə açıb. Komitə əməkdaşlarının peşəkarlıq səviyyəsinin yüksəldilməsi məqsədi ilə vaxtaşırı təlim və treninqlərin təşkil olunduğunu qeyd edən Komitə sədri rayon (şəhər) idarələrinin əməkdaşları üçün keçirilən bu təlimin ünvan reyestrinin aparılması sahəsində biliklərinin daha da təkmilləşdirilməsinə xidmət etdiyini vurğulayıb.
Komitənin Daşınmaz əmlak məsələləri şöbəsinin müdiri Əkbər Əliyev ünvan reystrinin aparılması sahəsində Komitənin rayon (şəhər) idarələrinin qarşısında duran vəzifələrlə bağlı məlumat verib.
“ƏMLAK KALKULYATORU” İSTİFADƏYƏ VERİLİB
09.08.2019
Muxtar respublikamızda daşınmaz əmlakın qeydiyyatı sahəsində yeniliklərin tətbiqi daim diqqətdə saxlanılır. Həyata keçirilən tədbirlərin davamı kimi, qeydiyyatla bağlı daha keyfiyyətli xidmətlərin göstərilməsi və vətəndaşların rahatlığının təmin edilməsi məqsədi ilə Daşınmaz Əmlak və Torpaq Məsələləri üzrə Dövlət Komitəsi tərəfindən “əmlak kalkulyatoru” istifadəyə verilib. Vətəndaşlara və hüquqi şəxslərə daşınmaz əmlakla bağlı əməliyyatların aparılması zamanı tələb olunan dövlət rüsumu və xidmət haqqını əvvəlcədən onlayn qaydada hesablamaq imkanı yaradılıb.
“Əmlak kalkulyatoru” Komitənin internet saytı (www.emlak.nakhchivan.az) vasitəsi ilə istifadəçilərə təqdim olunur. Müvafiq məlumatların daxil edilməsi ilə daşınmaz əmlak obyektlərinin qeydiyyatı və çıxarışın alınması, texniki sənədlərin hazırlanması, dövlət reyestrindən arayışların verilməsi, əmlakın qabaqcadan qeydiyyatı, yüklülükdən
DAŞINMAZ ƏMLAK VƏ TORPAQLA BAĞLI MÜRACİƏTLƏR DİQQƏTDƏ SAXLANILIR
08.08.2019
Daşınmaz Əmlak və Torpaq Məsələləri üzrə Dövlət Komitəsinin Şərur Rayon İdarəsi tərəfindən 2019-cu ilin iyul ayında daşınmaz əmlakın qeydiyyatı və torpaqlardan istifadəyə nəzarət diqqətdə saxlanılıb.
Ay ərzində 24 daşınmaz əmlak obyektinin texniki pasportu, 96 torpaq sahəsinin plan-ölçüsü hazırlanıb. Texniki sənədlərin hazırlanması zamanı 40 müayinə aktı, 2 bölünmə və birləşmə planı tərtib edilərək arxiv sənədlərinə əlavə olunub.
Vətəndaşların müraciətləri əsasında 27 sosial arayış, məhdudiyyət və yüklülüyə dair 105 arayış hazırlanaraq təqdim edilib. 15 vətəndaşın şifahi müraciətinə baxılıb və qanunvericiliyin tələblərinə uyğun həll edilib.
Rayonun Çəmənli və Həmzəli kəndlərində vətəndaşlara səyyar xidmət göstərilib, qəbul edilmiş 23 müraciət əsasında mülkiyyət sənədləri hazırlanaraq hüquq sahiblərinə təqdim olunub.
DAŞINMAZ ƏMLAK OBYEKTLƏRİNƏ MÜLKİYYƏT SƏNƏDLƏRİNİN HAZIRLANMASI DAVAM ETDİRİLİR
08.08.2019
Daşınmaz Əmlak və Torpaq Məsələləri üzrə Dövlət Komitəsinin Babək Rayon İdarəsi tərəfindən 2019-cu ilin iyul ayı ərzində 17 fərdi yaşayış evinə məxsus texniki pasport hazırlanıb, 62 torpaq sahəsinin planı və ölçüsü tərtib edilib. Texniki sənədlərin hazırlanması məqsədi ilə əmlaklara yerində baxış keçirilib, 3 bölgü planı tərtib edilib, 29 müayinə aktı yazılaraq arxiv sənədlərinə əlavə olunub.
Hüquqların dövlət qeydiyyatına alınması və dövlət reyestrindən çıxarışın verilməsi üçün 79 müraciət daxil olub, qəbul edilmiş hüquqi sənədlər ilkin olaraq yoxlanılıb və qeydiyyata alınıb. Məhdudiyyət və yüklülüyə dair 41, əmlakın olub-olmamasına dair 9 arayış verilib.
Bugün 
