Mətbuat xidməti
TORPAQLARDAN SƏMƏRƏLİ İSTİFADƏ VƏ ONLARIN MÜHAFİZƏSİNƏ DAİR MONİTORİNQLƏR DAVAM ETDİRİLİR
11.04.2019
Daşınmaz Əmlak və Torpaq Məsələləri üzrə Dövlət Komitəsinin Babək Rayon İdarəsi tərəfindən vətəndaşların müraciətlərinin operativ cavablandırılması və torpaqlardan istifadəyə dövlət nəzarətinin gücləndirilməsi istiqamətində tədbirlər 2019-cu ilin I rübü ərzində də davam etdirilmişdir.
Cari ilin ilk üç ayı ərzində 207 torpaq sahəsinin plan-ölçüsü, 62 daşınmaz əmlak obyektinin texniki pasportu hazırlanaraq hüquq sahiblərinə təqdim edilmişdir. 2018-ci ilin müvafiq dövrü ilə müqayisədə hazırlanan texniki sənədlərin sayı 78% artmışdır. Texniki sənədlərin hazırlanması zamanı 81 müayinə aktı yazılmışdır.
Rüb ərzində əmlakın olub-olmaması barədə 85, məhdudiyyət və yüklülüyə dair 131 arayışın verilməsi üçün qəbul edilmiş hüquqi sənədlər ilkin olaraq yoxlanılmış və qeydiyyata alınmışdır.
Rayonun 5 yaşayış məntəqəsində səyyar xidmət göstərilmiş, 23 vətəndaşın müraciəti qəbul olunaraq icra edilmişdir. Mülkiyyət sənədləri hazırlanaraq yerlərdə vətəndaşlara təqdim olunmuşdur.
2019-CU İLİN İLK ÜÇ AYI ƏRZİNDƏ KOMİTƏNİN ŞƏRUR RAYON İDARƏSİ TƏRƏFİNDƏN 253 MÜLKİYYƏT SƏNƏDİ HAZIRLANIB
11.04.2019
Daşınmaz Əmlak və Torpaq Məsələləri üzrə Dövlət Komitəsinin Şərur Rayon İdarəsi tərəfindən 2019-cu ilin ilk üç ayı ərzində 48 daşınmaz əmlak obyektinin texniki pasportu, 205 torpaq sahəsinin plan-ölçüsü hazırlanmışdır. Texniki sənədlərin hazırlanması zamanı 81 müayinə aktı, 5 bölgü planı tərtib edilərək arxiv sənədlərinə əlavə olunmuşdur. 2018-ci ilin müvafiq dövrü ilə müqayisədə hazırlanan texniki sənədlərin sayı 18% artmışdır.
Vətəndaşların müraciətləri əsasında 100 sosial arayış, məhdudiyyət və yüklülüyə dair 208 arayış hazırlanaraq təqdim olunmuşdur. 58 vətəndaşın şifahi müraciətinə baxılmış və qanunvericiliyin tələblərinə uyğun həll edilmişdir.
Rayonun 6 yaşayış məntəqəsində səyyar xidmət göstərilmiş, 49 vətəndaşın müraciəti qəbul olunaraq icra edilmişdir. Mülkiyyət sənədləri hazırlanaraq yerində vətəndaşlara təqdim edilmişdir.
TİVİ KƏNDİNDƏ VƏTƏNDAŞLARA SƏYYAR XİDMƏT GÖSTƏRİLİB
06.04.2019
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Komitəsinin fəaliyyət istiqamətləri üzrə vətəndaşlara səyyar xidmətlərin göstərilməsi davam etdirilir. Səyyar xidmət zamanı vətəndaşlara daşınmaz əmlak üzərində əvvəllər yaranmış hüquqlarla bağlı verilmiş mülkiyyət sənədlərinin - torpağın mülkiyyətə verilməsinə dair şəhadətnamələrin, dövlət aktlarının, qeydiyyat vəsiqələrinin daşınmaz əmlakın dövlət reyestrindən çıxarışla əvəz edilməsi, daşınmaz əmlak barəsində notariat qaydasında təsdiq edilmiş müqavilələr və vərəsəlik hüququ haqqında şəhadətnamələr əsasında hüquqların qeydiyyata alınması, daşınmaz əmlakın dövlət reyestrində qeydiyyata alınmış əmlaklara məhdudiyyət və yüklülüyə dair arayışların verilməsi, daşınmaz əmlakın texniki pasportunun və torpaq sahəsinin plan-ölçüsünün hazırlanması, ailə təsərrüfatlarına məxsus daşınmaz əmlak obyektlərinin pasportlaşdırılması üçün sənədlərin qəbulu aparılır.
CARİ İLİN İLK ÜÇ AYI ƏRZİNDƏ 1378 DAŞINMAZ ƏMLAK OBYEKTİ DÖVLƏT QEYDİYYATINA ALINIB
06.04.2019
Muxtar respublikada daşınmaz əmlakın kadastrı və reyestrinin təkmilləşdirilməsi sahəsində ardıcıl fəaliyyətin təmin edilməsi, torpaqlardan istifadəyə və onların mühafizəsinə dövlət nəzarətinin gücləndirilməsi 2019-cu ilin I rübü ərzində də Daşınmaz Əmlak və Torpaq Məsələləri üzrə Dövlət Komitəsi tərəfindən diqqətdə saxlanılmışdır.
Naxçıvan Muxtar Respublikası Ali Məclisi Sədrinin 2019-cu il 18 yanvar tarixli Sərəncamı ilə təsdiq edilmiş Naxçıvan Muxtar Respublikasında ailə təsərrüfatlarının inkişafı ilə bağlı Tədbirlər Planına uyğun olaraq 14 ailə təsərrüfatına məxsus qeyri-yaşayış obyekti, 18 ailə təsərrüfatının həyətyanı təsərrüfat binaları və 12 təsərrüfatın icarəyə götürdüyü torpaq sahələri üzərində hüquqlar dövlət qeydiyyatına alınmışdır. Naxçıvan şəhərinin Tumbul və Qaraxanbəyli kəndlərində, Şərur rayonunun Kürkəndində, Şahbuz rayonunun Badamlı qəsəbəsində və Babək rayonunun Yuxarı Uzunoba kəndində ailə təsərrüfatlarına məxsus daşınmaz əmlak obyektlərinin pasportlaşdırılması, əkin atlaslarına uyğun əkinlərin aparılması ilə bağlı maarifləndirici tədbirlər keçirilmişdir. Kürkənd, Kürçülü, Sərxanlı, Qışlaqabbas, Püsyan və Qorçulu bələdiyyələrinin yeni hazırlanmış torpaqların qida maddələri ilə təmin olunma kartoqramları aid bələdiyyələrə təqdim edilmişdir.
Bugün 
