Mətbuat xidməti
DAŞINMAZ ƏMLAK VƏ TORPAQ MƏSƏLƏLƏRİ İLƏ BAĞLI VƏTƏNDAŞLARIN MÜRACİƏTLƏRİ OPERATİV İCRA OLUNUR
16.03.2022
Vətəndaşların daşınmaz əmlak, torpaq və digər fəaliyyət istiqamətləri üzrə müraciətlərinin operativ şəkildə cavablandırılması, eləcə də vətəndaşlara göstərilən xidmətlərin səviyyəsinin yüksəldilməsi fevral ayında da Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətinin Culfa Rayon İdarəsinin qarşısında duran prioritet məsələlərdən biri kimi diqqət mərkəzində saxlanılaraq ardıcıl davam etdirilib.
Ötən ay aparılan məqsədyönlü tədbirlər nəticəsində idarə tərəfindən 14 fərdi yaşayış evinə, 6 mənzilə məxsus texniki pasport hazırlanıb, 21 torpaq sahəsinin planı və ölçüsü tərtib edilərək vətəndaşlara təqdim edilib. Texniki sənədlərin hazırlanması məqsədilə əmlaklara yerində baxış keçirilib, 23 müayinə aktı yazılaraq arxiv sənədlərinə əlavə olunub.
Hüquqların dövlət qeydiyyatına alınması və dövlət reyestrindən çıxarışın verilməsi ilə bağlı 49 müraciət qəbul edilib və icra olunub. Məhdudiyyət və yüklülüyə dair 41, əmlakın olub olmaması ilə bağlı 31 arayış verilib.
Vətəndaşlardan daxil olmuş 12 şifahi müraciətlə əlaqədar operativ olaraq əmlaklara yerində baxış keçirilib, qanunvericiliyin tələbləri vətəndaşlara izah edilərək qanunamüvafiq icra edilib.
HÜQUQLARIN DÖVLƏT QEYDİYYATINA ALINMASI DAVAM ETDİRİLİR
15.03.2022
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Babək Rayon İdarəsi tərəfindən fevral ayı ərzində rayon ərazisində torpaqlardan səmərəli istifadə və onların mühafizəsi, habelə əmlak münasibətlərində qanunvericiliyin tələblərinə əməl olunması və ona uyğun olaraq daşınmaz əmlak subyektlərinin dövlət reyestrinin aparılması diqqətdə saxlanılıb, vətəndaşların daşınmaz əmlakın qeydiyyatı ilə bağlı müraciətləri operativ icra olunub.
Ötən ay 19 fərdi yaşayış evinin, 1 qeyri-yaşayış binasının texniki pasportu hazırlanıb, 56 torpaq sahəsinin planı və ölçüsü tərtib edilərək vətəndaşlara təqdim edilib. Texniki sənədlərin hazırlanması zamanı 16 bölgü planı, 40 müayinə aktı yazılaraq arxiv sənədlərinə əlavə olunub.
Hüquqların dövlət qeydiyyatına alınması və dövlət reyestrindən çıxarışın verilməsi ilə bağlı 92 müraciət icra edilib, məhdudiyyət və yüklülüyə dair 62, əmlakın olub olmamasına dair 19 arayış verilib.
Rayonun Kültəpə kəndində bələdiyyə sədrlərinin, ailə təsərrüfatı başçılarının, torpaq mülkiyyətçilərinin, istifadəçilərinin və icarəçilərinin iştirakı ilə ailə təsərrüfatlarında əkin atlaslarına uyğun olaraq əkinlərin keçirilməsinə nail olunması və torpaqlardan səmərəli istifadə edilməsi barədə maarifləndirici tədbir keçirilib.
ŞƏRUR RAYONUNDA 103 DAŞINMAZ ƏMLAK OBYEKTİ İNVENTARLAŞDIRILIB
14.03.2022
Daşınmaz əmlak üzərində hüquqların dövlət qeydiyyatına alınması zamanı vətəndaşlara göstərilən xidmətlərin səviyyəsinin yüksəldilməsi, eləcə də vətəndaşların rahatlığının təmin edilməsi fevral ayı ərzində Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Şərur Rayon İdarəsi tərəfindən diqqət mərkəzində saxlanılıb, torpaqlardan təyinatı üzrə istifadə edilməsinə nəzarət artırılıb.
Ötən ay 22 daşınmaz əmlak obyektinin texniki pasportu hazırlanıb, 81 torpaq sahəsinin planı və ölçüsü tərtib edilərək hüquq sahiblərinə təqdim edilib. Əmlakın olub olmaması ilə bağlı 24, məhdudiyyət və yüklülüyə dair 104 arayış hazırlanaraq vətəndaşlara təqdim edilib, 40 müayinə aktı yazılıb.
VƏTƏNDAŞLARIN DAŞINMAZ ƏMLAKLA BAĞLI MÜRACİƏTLƏRİ OPERATİV İCRA OLUNUR
11.03.2022
Vətəndaşların daşınmaz əmlakla bağlı müraciətlərinin operativ icrası və daşınmaz əmlak obyektlərinə məxsus texniki sənədlərin hazırlanması Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Naxçıvan Şəhər İdarəsi tərəfindən cari ilin fevral ayında da mütəşəkkil davam etdirilib.
Ötən ay ərzində müraciətlər əsasında 23 fərdi yaşayış evinin, 14 mənzilin olmaqla, ümumilikdə 37 daşınmaz əmlak obyektinin texniki pasportu, 31 torpaq sahəsinin plan-ölçüsü hazırlanıb vətəndaşlara təqdim edilib. Texniki sənədlərin hazırlanması zamanı 10 bölgü planı, 5 müayinə aktı tərtib edilib və arxiv sənədlərinə əlavə olunub.
Daşınmaz əmlakın qiymətləndirilməsi də diqqətdə saxlanılıb. 11 əmlakın qiymətləndirilməsi icra edilib, qiymətləndirilmələrə dair hesabatlar hazırlanıb.
Naxçıvan şəhəri ərazisində olan dövlət və bələdiyyə torpaqlarından, həmçinin xüsusi mülkiyyətdə olan torpaqlardan təyinatı üzrə istifadə vəziyyəti və onların mühafizəsi mütəmadi olaraq nəzarətdə saxlanılıb.
Bugün 
