Mətbuat xidməti
TORPAQLARDAN İSTİFADƏYƏ VƏ ONLARIN MÜHAFİZƏSİNƏ DÖVLƏT NƏZARƏTİNİN HƏYATA KEÇİRİLMƏSİ MƏQSƏDİ İLƏ MONİTORİNQLƏR DAVAM ETDİRİLİB
16.09.2021
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Şərur rayon idarəsi tərəfindən cari ilin avqust ayı ərzində 24 fərdi yaşayış evinin, 6 mənzilin texniki pasportu, 60 həyətyanı, 29 kənd təsərrüfatı təyinatlı torpaq sahəsinin planı və ölçüsü tərtib edilərək vətəndaşlara təqdim olunub. Bir torpaq sahəsinə dair bölünmə, iki torpaq sahəsinə dair birləşmə planları hazırlanaraq arxiv sənədlərinə daxil edilib. Texniki sənədlərin hazırlanması zamanı 41 müayinə aktı yazılıb.
Torpaqlardan istifadəyə və onların mühafizəsinə dövlət nəzarətinin həyata keçirilməsi məqsədi ilə rayonunun Muğancıq Müslüm, Muğancıq Mehrab və Kosacan kəndlərinin ərazisində aparılan monitorinqlər başa çatdırlaraq müəyyən edilmiş qanun pozuntularının aradan qaldırılması istiqamətində işlər davam etdirilib.
Ötən ay ərzində məhdudiyyət və yüklülüyə dair 97, əmlakın olub olmaması ilə bağlı 15 arayış hazırlanaraq vətəndaşlara təqdim olunub.
Vətəndaşlardan daxil olmuş 13 şifahi müraciətlə əlaqədar əmlaklara yerində baxış keçirilib, torpaq sahələrinin sərhədləri dəqiqləşdirilib, müvafiq qanunvericiliyin tələbləri vətəndaşlara izah edilib.
DAŞINMAZ ƏMLAKLA BAĞLI VƏZİFƏLƏR UĞURLA İCRA OLUNUR
14.09.2021
Torpaqların idarəçiliyi sahəsində yeni yanaşmaların tətbiqi, əmlak münasibətlərində qanunvericiliyin tələblərinə uyğun olaraq daşınmaz əmlak subyektlərinin dövlət reyestrinin aparılması, eləcə də, qarşıya qoyulmuş mühüm vəzifə və tapşırıqların həlli istiqamətində görülən işlər Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Ordubad rayon idarəsi tərəfindən cari ilin avqust ayında da diqqət mərkəzində saxlanılaraq mütəşəkkil davam etdirilib.
Ötən ay idarə tərəfindən 11 daşınmaz əmlak obyektinin texniki pasportu hazırlanıb, 30 torpaq sahəsinin planı və ölçüsü tərtib edilərək hüquq sahiblərinə təqdim edilib. Texniki sənədlərin hazırlanması məqsədilə əmlaklara yerində baxış keçirilib, 22 müayinə aktı yazılaraq arxiv sənədlərinə əlavə olunub.
Hüquqların dövlət qeydiyyatına alınması və dövlət reyestrindən çıxarışın verilməsi ilə bağlı 45 müraciət qəbul edilib və icra olunub. Məhdudiyyət və yüklülüyə dair 33 arayış verilib.
Vətəndaşlardan daxil olmuş 13 şifahi müraciətlə əlaqədar operativ olaraq əmlaklara yerində baxış keçirilib, qanunamüvafiq icra edilib və qanunvericiliyin tələbləri vətəndaşlara izah edilib.
Rayonun Pəzməri və Yuxarı Əndəmic kənd yaşayış məntəqələrində səyyar xidmət göstərilib, qəbul edilmiş müraciət əsasında mülkiyyət sənədləri hazırlanaraq vətəndaşlara təqdim olunub.
CULFA RAYONUNDA TARLA-SEMİNAR MÜŞAVİRƏ KEÇİRİLİB
09.09.2021
Daşınmaz Əmlak və Torpaq Məsələləri üzrə Dövlət Xidmətinin, Kənd Təsərrüfatı Nazirliyinin, Antiinhisar və İstehlak Bazarına Nəzarət Dövlət Xidmətinin, Culfa Rayon İcra Hakimiyyətinin birgə təşkilatçılığı ilə rayonunun Ərəzin kəndində torpaq mülkiyyətçiləri və ailə təsərrüfatçıları ilə tarla-seminar müşavirə keçirilib.
Seminar-müşavirəni giriş sözü ilə Culfa Rayon İcra Hakimiyyətinin əməkdaşı Mustafa Cəlilov açaraq Rayonda aqrar sahədə həyata keçirilən tədbirlərdən, qarşıda duran vəzifələrdən, muxtar respublikamızda ailə təsərrüfatlarının inkişafına göstərilən dövlət qayğısından danışıb.
Ailə təsərrüfatlarının inkişafı ilə bağlı Naxçıvan Muxtar Respublikası Ali Məclisi Sədrinin 2019-cu il 18 yanvar tarixli Sərəncamı ilə təsdiq edilmiş Tədbirlər Planına uyğun olaraq aid təşkilatların nümayəndələri tərəfindən ailə təsərrüfatlarında kənd təsərrüfatı bitkilərinin əkin atlaslarına uyğun keçirilməsi, torpaqlardan səmərəli istifadə olunması və payız şumunun keyfiyyətlə aparılması, istehsal olunan məhsulların təbliği və təşviqi, qablaşdırılması və etiketlənməsi, necə realizə olunması, habelə muxtar respublikada aqrar bölmənin inkişafı ilə əlaqədar qəbul olunmuş digər “Dövlət Proqramları”nın əhəmiyyəti və qarşıya qoyulan vəzifələrin uğurla icra edilməsi barədə geniş məlumat torpaq mülkiyyətçiləri və ailə təsərrüfatçılarının diqqətinə çatdırılıb.
ÖTƏN AY BABƏK RAYONU ÜZRƏ 125 ƏMLAK DÖVLƏT QEYDİYYATINA ALINIB
07.09.2021
Vətəndaşlara göstərilən xidmətlərin səviyyəsinin yüksəldilməsi, vətəndaş müraciətlərinin operativ şəkildə cavablandırılması Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətinin Babək Rayon İdarəsinin qarşısında duran prioritet məsələlərdən biri kimi diqqət mərkəzində saxlanılıb, daşınmaz əmlak, torpaq və digər fəaliyyət istiqamətləri üzrə görülən işlər avqust ayında da mütəşəkkilliklə davam etdirilib.
Ötən ay idarə tərəfindən 20 fərdi yaşayış evinin texniki pasportu hazırlanıb, 100 torpaq sahəsinin planı və ölçüsü tərtib edilərək vətəndaşlara təqdim edilib. Texniki sənədlərin hazırlanması məqsədilə əmlaklara yerində baxış keçirilib, 30 müayinə aktı yazılaraq arxiv sənədlərinə əlavə olunub.
Hüquqların dövlət qeydiyyatına alınması və dövlət reyestrindən çıxarışın verilməsi ilə bağlı 125 müraciət daxil olub, qəbul edilmiş hüquqi sənədlər ilkin olaraq yoxlanılıb və qeydiyyata alınıb. Məhdudiyyət və yüklülüyə dair 44 arayış verilib.
Xəlilli və Vayxır kəndlərində vətəndaşlara səyyar xidmət göstərilib, qəbul edilmiş müraciətlər əsasında mülkiyyət sənədləri hazırlanaraq vətəndaşlara təqdim edilib.
Bugün 
