Mətbuat xidməti
ÖTƏN İL ƏRZİNDƏ NAXÇIVAN ŞƏHƏRİNDƏ MÜLKİYYƏT HÜQUQLARININ QEYDİYYATI UĞURLA DAVAM EDİB
25.01.2022
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Naxçıvan Şəhər İdarəsi tərəfindən ötən il ərzində 585 daşınmaz əmlak obyektinin texniki pasportu, 462 torpaq sahəsinin plan-ölçüsü hazırlanaraq hüquq sahiblərinə təqdim edilib. 2020-ci illə müqayisədə hazırlanan texniki sənədlərin sayı 30,4% artıb.
Texniki sənədlərin hazırlanması zamanı 170 bölgü planı, 201 müayinə aktı tərtib edilib və arxiv sənədlərinə əlavə olunub. Hüquq sahiblərinin müraciəti əsasında əmlaklara yerində baxış keçirilib, qanunvericiliyin tələbləri vətəndaşlara izah olunub. 191 əmlakın qiymətləndirilməsi icra edilib.
Naxçıvan şəhəri ərazisində dövlət, bələdiyyə və xüsusi mülkiyyətdə olan torpaqlardan təyinatı üzrə istifadə vəziyyəti və onların mühafizəsi mütəmadi olaraq nəzarətdə saxlanılıb, torpaqdan qanunsuz istifadəyə dair aşkarlanmış faktlar aradan qaldırılıb.
ÖTƏN İL CULFA RAYONUNDA 533 ƏMLAK DÖVLƏT QEYDİYYATINA ALINIB
24.01.2022
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Culfa Rayon İdarəsi tərəfindən ötən il ərzində vətəndaşların daşınmaz əmlakın qeydiyyatı ilə bağlı müraciətləri operativ icra olunub, rayon ərazisində torpaqlardan səmərəli istifadə və onların mühafizəsi sahəsində qanunvericiliyin tələblərinə əməl olunması diqqətdə saxlanılıb.
Müraciətlər əsasında 194 daşınmaz əmlak obyektinə məxsus texniki pasport hazırlanıb, 212 torpaq sahəsinin planı və ölçüsü tərtib edilərək hüquq sahiblərinə təqdim olunub. 2020-ci ilin müvafiq dövrü ilə müqayisədə hazırlanan texniki sənədlərin sayı 36,2% artıb. Texniki sənədlərin hazırlanması üçün əmlaklara yerində baxış keçirilib, 276 müayinə aktı yazılıb, 23 bölünmə və birləşmə planı hazırlanaraq arxiv sənədlərinə əlavə edilib.
Hüquqların dövlət qeydiyyatına alınması və dövlət reyestrindən çıxarışın verilməsi ilə bağlı 533 müraciət daxil olub və icrası təmin edilib. Əmlaka sahibliklə bağlı 197, məhdudiyyət və yüklülüyə dair 506 arayış verilib. Ötən müddət ərzində əmlakın qiymətləndirilməsi ilə bağlı müraciətlər diqqətdə saxlanılıb, 44 əmlakın qiymətləndirilməsi icra edilib, müvafiq hesabatlar hazırlanıb.
DAŞINMAZ ƏMLAKLA BAĞLI XİDMƏTLƏR MÜTƏŞƏKKİL TƏŞKİL OLUNUB
21.01.2022
Vətəndaşlara göstərilən xidmətlərin səviyyəsinin yüksəldilməsi, vətəndaş müraciətlərinin operativ şəkildə cavablandırılması Daşınmaz Əmlak və Torpaq Məsələləri üzrə Dövlət Xidmətinin Şahbuz Rayon İdarəsi tərəfindən diqqət mərkəzində saxlanılıb, daşınmaz əmlak, torpaq və digər fəaliyyət istiqamətləri üzrə görülən işlər ötən il ərzində mütəşəkkil davam etdirilib.
Müraciətlər əsasında 83 fərdi yaşayış evinin, 18 mənzilin, 2 qeyri-yaşayış binasının, 1 qeyri-yaşayış sahəsinin texniki pasportu hazırlanıb, 236 torpaq sahəsinin planı və ölçüsü tərtib edilərək hüquq sahiblərinə təqdim edilib. Əvvəlki illə müqayisədə hazırlanan texniki sənədlərin sayı 31,8 % yüksəlib.
Ötən dövr ərzində hüquqların dövlət qeydiyyatına alınması üçün 373 müraciətə baxılıb və icra edilib. Məhdudiyyət və yüklülüyə dair 281, əmlakın olub olmaması ilə bağlı 122 arayış hazırlanaraq vətəndaşlara təqdim olunub.
ƏMLAK VƏ TORPAQ MÜNASİBƏTLƏRİNİN TƏNZİMLƏNMƏSİ SAHƏSİNDƏ VƏZİFƏLƏR UĞURLA İCRA OLUNUB
21.01.2022
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Ordubad Rayon İdarəsi tərəfindən daşınmaz əmlak üzərində hüquqların əmələ gəlməsi, başqasına keçməsi, məhdudlaşdırılması və xitam verilməsinin dövlət qeydiyyatı, texniki pasport və plan ölçülərin hazırlanması il ərzində davam etdirilib, əmlak və torpaq münasibətlərinin tənzimlənməsi prioritet məsələ kimi diqqətdə saxlanılıb.
Ötən il vətəndaşların müraciətləri əsasında 176 texniki pasport hazırlanıb, 260 torpaq sahəsinin planı və ölçüsü tərtib edilərək təqdim edilib. 2020-ci illə müqayisədə hazırlanan texniki sənədlərin sayı 46,8% artıb. Texniki sənədlərin hazırlanması üçün əmlaklara yerində baxış keçirilib, ümumilikdə 248 müayinə aktı yazılaraq arxiv sənədlərinə əlavə edilib.
Bu dövrdə hüquqların dövlət qeydiyyatına alınması barədə dövlət reyestrindən 437 çıxarış, məhdudiyyət və yüklülüyə dair 353 arayış hazırlanıb. Əmlaka sahibliklə bağlı 124 arayış qanunvericiliyə uyğun hazırlanaraq vətəndaşlara təqdim edilib.
Bugün 
