BABƏK RAYONUNDA BƏLƏDİYYƏ TORPAQLARININ İDARƏ EDİLMƏSİ İLƏ BAĞLI SEMİNAR KEÇİRİLİB

20.10.2021

Oktyabrın 20-də Naxçıvan Muxtar Respublikasının Ədliyyə Nazirliyi, Daşınmaz Əmlak və Torpaq Məsələləri üzrə Dövlət Xidmətinin birgə təşkilatçılığı ilə “Bələdiyyə torpaqlarının idarə olunmasında səmərəliliyin artırılması” mövzusunda Babək rayonunun Şəkərabad kəndində bələdiyyə sədrlərinin iştirakı ilə seminar keçirilib.

Bələdiyyə mülkiyyətində olan torpaqların icarə hüququ ilə fiziki və hüquqi şəxslərə verilməsinin xüsusiyyətləri mövzusunda çıxış edən Ədliyyə Nazirliyinin bələdiyyələrlə iş mərkəzinin rəisi Xəyal Eyvazov bildirib ki, bələdiyyə mülkiyyətində olan torpaqların hüquqi və fiziki şəxslərə icarəyə verilməsi bələdiyyələrin qərarı və tərəflər arasında bağlanmış müqavilə əsasında həyata keçirilməlidir. Bağlanmış müqavilədə tərəflərin hüquqları, vəzifələri və digər şərtlər də nəzərdə tutulmalı, daxil olmuş müraciətlərə qanunla müəyyən olunmuş qaydada vaxtında baxılmalıdır.

Ardını oxu »

KƏNGƏRLİ RAYONUNDA HAZIRLANAN MÜLKİYYƏT SƏNƏDLƏRİNİN SAYI ARTIB

15.10.2021

Daşınmaz əmlak üzərində hüquqların dövlət qeydiyyatına alınması, vətəndaşlara göstərilən xidmətlərin səviyyəsinin yüksəldilməsi, eləcə də vətəndaşların rahatlığının təmin edilməsi 2021-ci ilin 9 ayı ərzində Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Kəngərli Rayon Şöbəsi tərəfindən diqqət mərkəzində saxlanılıb.

9 ay ərzində şöbə tərəfindən 71 fərdi yaşayış evinin, 3 qeyri-yaşayış binasının olmaqla, ümumilikdə 74 daşınmaz əmlak obyektinin texniki pasportu hazırlanıb, 84 torpaq sahəsinin planı-ölçüsü tərtib edilərək vətəndaşlara təqdim edilib. 2020-ci ilin müvafiq dövrü ilə müqayisədə hazırlanan texniki sənədlərin sayı 37,4% artıb. Texniki sənədlərin hazırlanması məqsədilə əmlaklara yerində baxış keçirilib, 72 müayinə aktı yazılaraq arxiv sənədlərinə əlavə olunub.

Hüquqların dövlət qeydiyyatına alınması və dövlət reyestrindən çıxarışın verilməsi ilə bağlı 172 müraciət qəbul edilib və icra olunub. Məhdudiyyət və yüklülüyə dair 145 arayış verilib.

Ardını oxu »

DAŞINMAZ ƏMLAKIN QEYDİYYATI VƏ TORPAQLARDAN İSTİFADƏYƏ NƏZARƏT DİQQƏTDƏ SAXLANILIB

12.10.2021

Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətinin Şahbuz Rayon Şöbəsi tərəfindən 2021-ci ilin 9 ayı ərzində daşınmaz əmlakın qeydiyyatı və torpaqlardan istifadəyə nəzarət diqqətdə saxlanılıb, vətəndaşların müraciətləri əsasında 56 fərdi yaşayış evinə, 13 mənzilə, 1 qeyri-yaşayış binasına, 1 qeyri-yaşayış sahəsinə məxsus olmaqla, ümumilikdə 71 daşınmaz əmlak obyektinin texniki pasport hazırlanıb.

Plan-ölçünün hazırlanması üçün 180, hüquqların dövlət qeydiyyatına alınması üçün 271 müraciətə baxılıb. 2020-ci ilin müvafiq dövrü ilə müqayisədə hazırlanan texniki sənədlərin sayı 21,8% artıb. Məhdudiyyət və yüklülüyə dair 211, əmlakın olub olmamasına dair 112 arayış verilib, 8 bölgü planı, 10 dublikat sənəd hazırlanıb hüquq sahiblərinə təqdim olunub.

Ötən dövr ərzində vətəndaşlardan daxil olmuş 7 yazılı, 39 şifahi müraciət əsasında əmlaklara yerində baxış keçirilib, müraciətlər qanunauyğun cavablandırılıb.

Ardını oxu »

103 NƏQLİYYAT İNFRASTRUKTURU OBYEKTİNDƏ ÜNVAN LÖVHƏLƏRİNİN VƏ GİRİŞ NÖMRƏ NİŞANLARININ QURAŞDIRILMASI YEKUNLAŞIB

11.10.2021

Müasir əmlak idarəçiliyində daşınmaz əmlakın vahid kadastrının tərkib hissəsi olan ünvan reyestri məlumatları mühüm əhəmiyyət kəsb edir. Naxçıvan şəhərində və muxtar respublikanın əhalisi beş mindən yuxarı olan digər yaşayış məntəqələrində nəqliyyat infrastrukturu və daşınmaz əmlak obyektlərinə ünvanların verilməsi, eləcə də ünvan reyestrində müvafiq düzəliş və dəqiqləşmə işlərinin aparılması diqqət mərkəzində saxlanılır.

Cari ilin 9 ayı ərzində Naxçıvan şəhəri üzrə 43 nəqliyyat infrastrukturu obyektində 5265 yeni, müasir dizaynlı ünvan lövhələri və giriş nömrə nişanlarının quraşdırılması işləri aparılmışdır. Layihənin həyata keçirildiyi gündən ümumilikdə Naxçıvan şəhərinin 1 prospekt, 71 küçə, 30 məhəllə və 1 kəndi olmaqla 103 nəqliyyat infrastrukturu obyektində 10 minə yaxın ünvan lövhəsi və giriş nömrə nişanları quraşdırılmışdır.

Ardını oxu »