ƏMLAK VƏ TORPAQ MÜNASİBƏTLƏRİNİN TƏNZİMLƏNMƏSİ SAHƏSİNDƏ VƏZİFƏLƏR UĞURLA İCRA OLUNUB

21.01.2022

Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Ordubad Rayon İdarəsi tərəfindən daşınmaz əmlak üzərində hüquqların əmələ gəlməsi, başqasına keçməsi, məhdudlaşdırılması və xitam verilməsinin dövlət qeydiyyatı, texniki pasport və plan ölçülərin hazırlanması il ərzində davam etdirilib, əmlak və torpaq münasibətlərinin tənzimlənməsi prioritet məsələ kimi diqqətdə saxlanılıb.

Ötən il vətəndaşların müraciətləri əsasında 176 texniki pasport hazırlanıb, 260 torpaq sahəsinin planı və ölçüsü tərtib edilərək təqdim edilib. 2020-ci illə müqayisədə hazırlanan texniki sənədlərin sayı 46,8% artıb. Texniki sənədlərin hazırlanması üçün əmlaklara yerində baxış keçirilib, ümumilikdə 248 müayinə aktı yazılaraq arxiv sənədlərinə əlavə edilib.

Bu dövrdə hüquqların dövlət qeydiyyatına alınması barədə dövlət reyestrindən 437 çıxarış, məhdudiyyət və yüklülüyə dair 353 arayış hazırlanıb. Əmlaka sahibliklə bağlı 124 arayış qanunvericiliyə uyğun hazırlanaraq vətəndaşlara təqdim edilib.

Ardını oxu »

2021-Cİ İL ƏRZİNDƏ DÖVLƏT QEYDİYYATINA ALINMIŞ DAŞINMAZ ƏMLAKLARIN SAYI 20,6% ARTIB

19.01.2022

Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidməti tərəfindən tətbiq edilən yeniliklər, göstərilən xidmətlərin müasirləşdirilməsi daşınmaz əmlakın qeydiyyatını sadələşdirib. Ötən illə müqayisədə dövlət reyestrində qeydiyyata alınan daşınmaz əmlak sayı 20,6% artıb.

2021-ci il ərzində Naxçıvan şəhəri üzrə 3216, Şərur rayonu üzrə 1346,  Babək rayonu üzrə 1247, Ordubad rayonu üzrə 487, Culfa rayonu üzrə 525, Şahbuz rayonu üzrə 373, Kəngərli rayonu üzrə 231, Sədərək rayonu üzrə 78, ümumilikdə muxtar respublika üzrə 7503 daşınmaz əmlak obyekti qeydiyyata alınıb.

Ardını oxu »

ÖTƏN İLİN YEKUNLARI MÜZAKİRƏ OLUNUB

18.01.2022

Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətində keçirilən kollegiya  iclasında xidmətin rəisi Müslüm Cabbarzadə  bildirib ki, torpaqların elektron uçotunun aparılması və təyinatı üzrə istifadə edilməsinə dövlət nəzarətinin gücləndirilməsi, daşınmaz əmlak üzərində mülkiyyət hüquqlarının qeydiyyatı zamanı operativliyin təmin edilməsi 2021-ci il ərzində də davam etdirilib.

Qeyd olunub ki, Araz Su Anbarı üzərində qurulacaq yeni nasos stansiyasından qidalanması nəzərdə tutulan suvarma şəbəkəsinin əhatə etdiyi ərazilərdə topoqrafik planaalma işləri aparılıb, torpaq sahələrinin eksplikasiyası tərtib edilib. Dövlət Proqramına uyğun olaraq muxtar respublika üzrə 2004 hektar meyvə bağı, 355 hektar üzümlük, 888 hektar meşə zolağı plana alınaraq xəritələşdirilib, əkin atlaslarına uyğun əkinlərin aparılması, torpaqların səmərəli istifadə edilməsi, münbitliyinin qorunması və artırılması barədə maarifləndirmə işləri aparılıb. Həmçinin ümumilikdə, muxtar respublika  üzrə  eroziyaya uğramış, şoranlaşmış, şorakətləşmiş və digər səbəblərdən deqradasiyaya məruz qalmış  8583 hektar  torpaq sahəsi xəritələşdirilib.

Ardını oxu »

ÖTƏN İL ŞƏRUR RAYONUNDA HAZIRLANAN MÜLKİYYƏT SƏNƏDLƏRİNİN SAYI 2,6 FAİZ ARTIB

18.01.2022

Daşınmaz əmlak üzərində hüquqların dövlət qeydiyyatına alınması, vətəndaşlara göstərilən xidmətlərin səviyyəsinin yüksəldilməsi 2021-ci ildə də Daşınmaz Əmlak və Torpaq Məsələləri üzrə Dövlət Xidmətinin Şərur Rayon İdarəsi tərəfindən diqqət mərkəzində saxlanılıb, torpaqlardan təyinatı üzrə istifadə edilməsinə nəzarət artırılıb.

Ötən il 237 daşınmaz əmlak obyektinin texniki pasportu hazırlanıb, 966 torpaq sahəsinin planı və ölçüsü tərtib edilərək hüquq sahiblərinə təqdim edilib. 2020-ci illə müqayisədə hazırlanan texniki sənədlərin sayı 2,6% artıb. Əmlaka sahibliklə ilə bağlı 273, məhdudiyyət və yüklülüyə dair 1066 arayış hazırlanaraq vətəndaşlara təqdim edilib. Texniki sənədlərin hazırlanması zamanı 399 müayinə aktı yazılıb, 39 bölünmə və birləşmə planı tərtib edilərək arxiv sənədlərinə əlavə olunub.

172 vətəndaşın müraciəti ilə əlaqədar əmlaklara yerində baxış keçirilib, torpaq sahələrinin sərhədləri dəqiqləşdirilib, müvafiq qanunvericiliyin tələbləri vətəndaşlara izah edilib.

Torpaqlardan istifadəyə və onların mühafizəsinə dövlət nəzarətinin həyata keçirilməsi məqsədilə rayonun 28 yaşayış məntəqəsində monitorinqlər aparılıb, torpaqlardan qanunsuz istifadəyə dair aşkar edilmiş faktlar  aradan qaldırılıb.

Ardını oxu »