ÖTƏN RÜB ŞƏRUR RAYONUNDA DAŞINMAZ ƏMLAKLA BAĞLI VƏZİFƏLƏR UĞURLA İCRA OLUNUB

14.04.2022

Şərur Rayonunda daşınmaz əmlak obyektləri üzərində mülkiyyət hüquqlarının qeydiyyata alınması və müdafiəsi sahəsində işlərin daha səmərəli təşkil edilməsi, torpaqlardan təyinatı üzrə istifadəyə və onların mühafizəsinə nəzarətin həyata keçirilməsi Daşınmaz Əmlak və Torpaq Məsələləri üzrə Dövlət Xidmətinin Şərur Rayon İdarəsi tərəfindən ilin ilk rübü ərzində diqqət mərkəzində saxlanılıb, operativliyin artırılması istiqamətində işlər mütəşəkkil davam etdirilib.

İdarə tərəfindən müraciətlər əsasında 68 texniki pasport, 243 torpaq sahəsinin plan-ölçüsü hazırlanıb vətəndaşlara təqdim edilib. 2021-ci ilin müvafiq dövrü ilə müqayisədə hazırlanan mülkiyyət sənədlərinin sayı 20,1% artmışdır.  

Rüb ərzində 96 sosial arayış, məhdudiyyət və yüklülüyə dair 276 arayış hazırlanaraq vətəndaşlara təqdim olunub, texniki sənədlərin hazırlanması zamanı 106 müayinə aktı yazılıb. 44 vətəndaşın şifahi müraciəti ilə əlaqədar əmlaklara yerində baxış keçirilib, müvafiq qanunvericiliyin tələbləri vətəndaşlara izah edilib.

Ardını oxu »

NAXÇIVAN ŞƏHƏRİNDƏ HAZIRLANAN MÜLKİYYƏT SƏNƏDLƏRİNİN SAYI ARTIB

14.04.2022

Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Naxçıvan Şəhər İdarəsi tərəfindən mülkiyyət hüquqlarının dövlət qeydiyyatına alınması cari ilin ilk rübü ərzində diqqətdə saxlanılıb, texniki sənədlərin hazırlanması ilə bağlı daxil olmuş 216 müraciət qanunvericiliyin tələblərinə uyğun icra edilib.

Müraciətlər əsasında 110 daşınmaz əmlak obyektinin texniki pasportu hazırlanıb, 106 torpaq sahəsinin plan-ölçüsü tərtib edilərək vətəndaşlara təqdim olunub. 2021-ci ilin müvafiq dövrü ilə müqayisədə hazırlanan mülkiyyət sənədlərinin sayı 1,9% artıb. Texniki sənədlərin hazırlanması zamanı 29 bölgü planı, 13 müayinə aktı tərtib edilib və arxiv sənədlərinə əlavə olunub. Bu dövrdə 45 əmlakın qiymətləndirilməsi icra edilib, qiymətləndirilmələrə dair hesabatlar hazırlanıb.

Ardını oxu »

KƏNGƏRLİ RAYONUNDA 57 ƏMLAK DÖVLƏT QEYDİYYATINA ALINIB

13.04.2022

Daşınmaz Əmlak və Torpaq Məsələləri üzrə Dövlət Xidmətinin Kəngərli rayon şöbəsi tərəfindən torpaq və digər daşınmaz əmlak obyektləri üzərində mülkiyyət hüquqlarının qeydiyyata alınması və müdafiəsi sahəsində işlərin daha səmərəli təşkil edilməsi 2022-ci ilin ilk üç ayı ərzində diqqət mərkəzində saxlanılıb, daxil olan müraciətlər operativ icra edilib.

Rüb ərzində idarə tərəfindən 34 torpaq sahəsinin planı və ölçüsü tərtib edilib, 12 texniki pasport hazırlanaraq vətəndaşlara təqdim olunub. 2021-ci ilin müvafiq dövrü ilə müqayisədə hazırlanan texniki sənədlərin sayı 4,5% artıb. Texniki sənədlərin hazırlanması məqsədilə əmlaklara yerində baxış keçirilib, 64 sosial arayış, 9 müayinə aktı yazılaraq arxiv sənədlərinə əlavə olunub.

Hüquqların dövlət qeydiyyatına alınması və dövlət reyestrindən çıxarışın verilməsi ilə bağlı 57 müraciət qəbul edilib və icra olunub. Məhdudiyyət və yüklülüyə dair 43 arayış verilib.

Ardını oxu »

CARİ İLİN BİRİNCİ RÜBÜNDƏ DAŞINMAZ ƏMLAKIN QEYDİYYATI YÜKSƏLİB

08.04.2022

Cari ilin ilk üç ayı ərzində daşınmaz əmlak üzərində hüquqların dövlət reyestrində qeydiyyatı üzrə vətəndaşlara keyfiyyətli xidmət göstərilməsi diqqətdə saxlanılıb.

Rüb ərzində Naxçıvan şəhəri üzrə 738, Şərur rayonu üzrə 337, Babək rayonu üzrə 282, Culfa rayonu üzrə 116, Ordubad rayonu üzrə 106, Şahbuz rayonu üzrə 92, Kəngərli rayonu üzrə 65, Sədərək rayonu üzrə 28 daşınmaz əmlak obyekti, ümumilikdə muxtar respublika üzrə 1764 daşınmaz əmlak obyekti qeydiyyata alınıb. Bunun 581 ilkin, 1183 təkrar qeydiyyatdır. 2021-ci ilin müvafiq dövrü ilə müqayisədə qeydiyyata alınan daşınmaz əmlak obyektlərinin sayı 15,8% artıb.

Qeydiyyata alınan daşınmaz əmlak bölmələr üzrə 628 torpaq sahəsi, 388 mənzil, 682 fərdi yaşayış evi, 35 qeyri-yaşayış binası, 24 qeyri-yaşayış sahəsi, 3 əmlak kompleksi kimi müəssisə, 4 bağ evindən ibarət olub. Daxil olmuş müraciətlər əsasında 507 əmlaka dair texniki pasport, 739 torpaq sahələsinə dair plan-ölçü olmaqla, 1246 texniki sənəd hazırlanıb. 2021-ci ilin müvafiq dövrü ilə müqayisədə hazırlanan texniki sənədlərin sayı 4,7% artıb.

Ardını oxu »