HAZIRLANAN MÜLKİYYƏT SƏNƏDLƏRİNİN SAYI 17,2% ARTIB

09.04.2021

Daşınmaz əmlak üzərində hüquqların dövlət qeydiyyatına alınması, vətəndaşlara göstərilən xidmətlərin səviyyəsinin yüksəldilməsi 2021-ci ilin I rübü ərzində Daşınmaz Əmlak və Torpaq Məsələləri üzrə Dövlət Xidmətinin Ordubad Rayon İdarəsi tərəfindən diqqət mərkəzində saxlanılıb, torpaqlardan təyinatı üzrə istifadə edilməsinə nəzarət artırılıb.

Rüb ərzində 32 daşınmaz əmlakın texniki pasportu hazırlanıb, 36 torpaq sahəsinin planı və ölçüsü tərtib edilərək hüquq sahiblərinə təqdim edilib. 2020-ci ilin müvafiq dövrü ilə müqayisədə hazırlanan mülkiyyət sənədlərinin sayı 17,2% artıb.

Ardını oxu »

BABƏK RAYONUNDA DAŞINMAZ ƏMLAKLA BAĞLI 275 TEXNİKİ SƏNƏD HAZIRLANIB

08.04.2021

Daşınmaz Əmlak və Torpaq Məsələləri üzrə Dövlət Xidmətinin Babək Rayon İdarəsi tərəfindən 2021-ci ilin I rübü ərzində 55 daşınmaz əmlak obyektinə məxsus texniki pasport hazırlanmış, 220 torpaq sahəsinin planı və ölçüsü tərtib edilmiş, 29 bölgü planı hazırlanaraq arxiv sənədlərinə əlavə olunmuş, 106 müayinə aktı yazılmışdır.

Hüquqların dövlət qeydiyyatına alınması və dövlət reyestrindən çıxarışın verilməsi üçün 295 müraciət daxil olmuş, qəbul edilmiş hüquqi sənədlər ilkin olaraq yoxlanılmış və qeydiyyata alınmışdır. Məhdudiyyət və yüklülüyə dair 178 arayış yazılmışdır.

Ardını oxu »

TORPAQLARDAN İSTİFADƏYƏ DÖVLƏT NƏZARƏTİ TƏDBİRLƏRİ DAVAM ETDİRİLİR

07.04.2021

Muxtar respublikada əmlak və torpaq idarəçiliyinin müasir əsaslarla qurulması Daşınmaz Əmlak və Torpaq Məsələləri üzrə Dövlət Xidməti tərəfindən mart ayında da diqqətdə saxlanılmışdır.

“Naxçıvan Muxtar Respublikasının Şərur və Sədərək rayonlarının inzibati ərazi bölgüsündə qismən dəyişikliklər edilməsi ilə bağlı əlavə tədbirlər haqqında” Naxçıvan Muxtar Respublikası Ali Məclisi Sədrinin 15 mart 2021-ci il tarixli Sərəncamına uyğun olaraq Şərur və Sədərək rayon inzibati ərazi vahidlərinin təsdiq olunmuş yeni sərhədlərinin döngə nöqtələrinin koordinatları naturaya köçürülmüşdür.

“Naxçıvan Muxtar Respublikasının 2019-2023-cü illərdə sosial-iqtisadi inkişafı Dövlət Proqramı”na, “2021-2025-ci illərdə Naxçıvan Muxtar Respublikasında kənd təsərrüfatı təyinatlı torpaqların münbitliyinin artırılmasına dair Tədbirlər Planı”na və Naxçıvan Muxtar Respublikasında ailə təsərrüfatlarının inkişafı ilə bağlı Tədbirlər Planına uyğun olaraq Şərur, Kəngərli və Ordubad rayonlarında torpaqların münbitliyinin artırılması, əkin atlaslarına uyğun əkinlərin aparılması ilə bağlı maarifləndirici seminar-müşavirələr keçirilmişdir.

Ardını oxu »

FÖVQƏLADƏ HALLARA HAZIRLIQLA BAĞLI MААRİFLƏNDİRİCİ TƏDBİR KEÇİRİLİB

18.03.2021

Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətində Fövqəladə Hallar Nazirliyi ilə birgə “Mülki müdafiə, fövqəladə hallardan qorunma və yanğın təhlükəsizliyinin təmin olunması günümüzün zəruri tələbidir” mövzusunda maarifləndirici tədbir keçirilib.

Tədbiri giriş sözü ilə Daşınmaz Əmlak və Torpaq Məsələləri üzrə Dövlət Xidmətinin Ümumi şöbəsinin müdiri Tural Cəfərov açaraq fövqəladə vəziyyətlərdə davranış qaydalarının mənimsənilməsinin vacibliyini vurğulayıb və bu tədbirin əhəmiyyətindən danışıb.

Fövqəladə Hallar Nazirliyinin Aparatının Mülki müdafiə işinin təşkili şöbəsinin baş məsləhətçisi Əbülfəz Qafarov və Yanğın nəzarəti və yanğından mühafizə işinin təşkili bölməsinin baş zabiti, daxili xidmət kapitanı Turan Şahhüseynov təbii və texnogen qəzalar zamanı davranış və fəaliyyəti, məişətdə qaz təsərrüfatı və elektrik təsərrüfatından istifadə,  müəssisələrdə yanğın təhlükəsizliyi qaydaları haqqında iştirakçılara məlumat veriblər.

Ardını oxu »