Mətbuat xidməti
DAŞINMAZ ƏMLAKIN QEYDİYYATI VƏ TORPAQLARDAN İSTİFADƏYƏ DÖVLƏT NƏZARƏTİ SAHƏSİNDƏ İŞLƏR DAVAM ETDİRİLİR
17.08.2021
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Ordubad Rayon İdarəsi tərəfindən 2021-ci ilin iyul ayı ərzində vətəndaşların daşınmaz əmlakın qeydiyyatı ilə bağlı müraciətləri operativ icra olunmuş, rayon ərazisində torpaqlardan səmərəli istifadə və onların mühafizəsi sahəsində qanunvericiliyin tələblərinə əməl olunması diqqətdə saxlanılmışdır. 8 fərdi yaşayış evinin, 1 mənzilin, 2 qeyri-yaşayış binasının, 2 əmlak kompleksi kimi müəssisənin, ümumilikdə, 13 daşınmaz əmlak obyektinin texniki pasportu hazırlanmış, 17 torpaq sahəsinin planı və ölçüsü tərtib edilərək vətəndaşlara təqdim edilmişdir. Texniki sənədlərin hazırlanması zamanı 16 müayinə aktı yazılaraq arxiv sənədlərinə əlavə olunmuşdur. Hüquqların dövlət qeydiyyatına alınması və dövlət reyestrindən çıxarışın verilməsi ilə bağlı 30 müraciət icra edilmiş, məhdudiyyət və yüklülüyə dair 29 arayış, 4 sosial arayış verilmişdir.
ÖTƏN AY ŞƏRUR RAYONUNDA 88 DAŞINMAZ ƏMLAK OBYEKTİ İNVENTARLAŞDIRILIB
17.08.2021
Daşınmaz Əmlak və Torpaq Məsələləri üzrə Dövlət Xidmətinin Şərur Rayon İdarəsi tərəfindən 2021-ci ilin iyul ayı ərzində vətəndaşların daşınmaz əmlak və torpaqla bağlı müraciətləri diqqətdə saxlanılmışdır. Daxil olan müraciətlər əsasında 19 daşınmaz əmlak obyektinin texniki pasportu, 34 həyətyanı, 35 kənd təsərrüfatı təyinatlı torpaq sahəsinin plan-ölçüsü hazırlanmışdır. Texniki sənədlərin hazırlanması zamanı 33 müayinə aktı yazılmış, 5 bölünmə və birləşmə planı tərtib edilərək arxiv sənədlərinə əlavə olunmuşdur. 11 sosial arayış, məhdudiyyət və yüklülüyə dair 81 arayış hazırlanaraq vətəndaşlara təqdim olunmuşdur. 16 vətəndaşın şifahi müraciəti ilə əlaqədar əmlaklara yerində baxış keçirilmiş, torpaq sahələrinin sərhədləri dəqiqləşdirilmiş, müvafiq qanunvericiliyin tələbləri vətəndaşlara izah edilmişdir.
NÖVBƏTİ SEMİNAR-MÜŞAVİRƏ ƏBRƏQUNUS KƏNDİNDƏ KEÇİRİLİB
16.08.2021
Naxçıvan Muxtar Respublikası Ali Məclisi Sədrinin 2020-ci il 27 noyabr tarixli Sərəncamı ilə təsdiq edilmiş “2021-2025-ci illərdə Naxçıvan Muxtar Respublikasında kənd təsərrüfatı təyinatlı torpaqların münbitliyinin artırılmasına dair Tədbirlər Planı”na uyğun olaraq avqustun 16-da Daşınmaz Əmlak və Torpaq Məsələləri üzrə Dövlət Xidmətinin, Kənd Təsərrüfatı, Ekologiya və Təbii Sərvətlər nazirliklərinin, Meliorasiya və Su Təsərrüfatı Açıq Səhmdar Cəmiyyətinin, Culfa Rayon İcra Hakimiyyətinin birgə təşkilatçılığı ilə rayonun Əbrəqunus kəndində torpaq mülkiyyətçiləri, bələdiyyələr və sahibkarların iştirakı ilə seminar-müşavirə keçirilib.
Seminar-müşavirədə aid təşkilatların nümayəndələri tərəfindən kənd təsərrüfatına yararlı torpaqların əkin dövriyyəsinə cəlb olunması və xəritələşdirilməsi, əkin atlaslarına uyğun əkinlərin aparılması, torpaqların mühafizəsi istiqamətində həyata keçirilən tədbirlər, torpaq-iqlim xüsusiyyətləri və rayonlaşma nəzərə alınmaqla meyvəçiliyin və tərəvəzçiliyin inkişaf etdirilməsi, ailə təsərrüfatlarında istehsal olunan məhsulların təbliği və təşviqi, qablaşdırılması, etiketlənməsi, meyvə-tərəvəzlərin, o cümlədən bostan məhsullarının qurudulması və qablaşdırılması barədə iştirakçılara məlumat verilib.
Sonda iştirakçıları maraqlandıran suallar ətrafında müzakirələr aparılıb, maarifləndirici bukletlər təqdim olunub.
DAŞINMAZ ƏMLAKLA BAĞLI 77 TEXNİKİ SƏNƏD HAZIRLANIB
09.08.2021
Daşınmaz əmlak üzərində hüquqların dövlət qeydiyyatına alınması zamanı vətəndaşlara göstərilən xidmətlərin səviyyəsinin yüksəldilməsi iyul ayında da Daşınmaz Əmlak və Torpaq Məsələləri üzrə Dövlət Xidmətinin Babək Rayon İdarəsi tərəfindən diqqət mərkəzində saxlanılıb.
Ay ərzində 17 daşınmaz əmlak obyektinin texniki pasportu hazırlanıb, 60 torpaq sahəsinin planı və ölçüsü tərtib edilərək hüquq sahiblərinə təqdim edilib. Texniki sənədlərin hazırlanması zamanı 37 müayinə aktı yazılıb, 7 bölgü planı tərtib edilərək arxiv sənədlərinə əlavə olunub. Əmlakın olub olmaması ilə bağlı 7, məhdudiyyət və yüklülüyə dair 59 arayış hazırlanaraq vətəndaşlara təqdim edilib.
Hüquqların dövlət qeydiyyatına alınması və dövlət reyestrindən çıxarışın verilməsi ilə bağlı 89 müraciət daxil olub, qəbul edilmiş hüquqi sənədlər ilkin olaraq yoxlanılıb və qeydiyyata alınıb.
Rayonun Zeynəddin və Çeşməbasar kəndlərində vətəndaşlara səyyar xidmət göstərilib, qəbul edilmiş müraciətlər müvafiq qanunvericiliyin tələblərinə uyğun icra edilərək mülkiyyət sənədləri hüquq sahiblərinə təqdim olunub.
Bugün 
