MÜLKİYYƏT HÜQUQLARININ QEYDİYYATI UĞURLA DAVAM EDİB

18.01.2021

Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Naxçıvan Şəhər İdarəsi tərəfindən ötən il ərzində texniki sənədlərin hazırlanması ilə bağlı daxil olmuş 1211 müraciət operativ baxılaraq icra edilib.

Müraciətlər əsasında 456 daşınmaz əmlak obyektinin texniki pasportu hazırlanıb, 347 torpaq sahəsinin plan-ölçüsü tərtib edilərək vətəndaşlara təqdim olunub. 2019-cu illə müqayisədə hazırlanan texniki sənədlərin sayı 1,3% artıb. Texniki sənədlərin hazırlanması zamanı 160 bölgü planı, 233 müayinə aktı tərtib edilib və arxiv sənədlərinə əlavə olunub. Hüquq sahiblərinin müraciəti əsasında əmlaklara yerində baxış keçirilib, qanunvericiliyin tələbləri vətəndaşlara izah olunub.

Ardını oxu »

ÖTƏN İL 279 ƏMLAK DÖVLƏT QEYDİYYATINA ALINIB

18.01.2021

Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Ordubad Rayon İdarəsi tərəfindən daşınmaz əmlak üzərində hüquqların əmələ gəlməsi, başqasına keçməsi, məhdudlaşdırılması (yüklülüyü) və xitam verilməsinin dövlət qeydiyyatı, texniki pasport və plan ölçülərin hazırlanması il ərzində davam etdirilib, əmlak və torpaq münasibətlərinin tənzimlənməsi prioritet məsələ kimi diqqətdə saxlanılıb.

Ötən il vətəndaşların müraciətləri əsasında 130 texniki pasport hazırlanıb, 167 torpaq sahəsinin planı və ölçüsü tərtib edilərək təqdim edilib. 2019-cu illə müqayisədə hazırlanan texniki sənədlərin sayı 8% artıb. Texniki sənədlərin hazırlanması üçün əmlaklara yerində baxış keçirilib, ümumilikdə 157 müayinə aktı yazılaraq arxiv sənədlərinə əlavə edilib.

Ardını oxu »

DAŞINMAZ ƏMLAKLA BAĞLI XİDMƏTLƏR MÜTƏŞƏKKİL TƏŞKİL OLUNUB

15.01.2021

Daşınmaz Əmlak və Torpaq Məsələləri üzrə Dövlət Xidmətinin Şahbuz Rayon Şöbəsi tərəfindən 2020-ci il ərzində 67 fərdi yaşayış evinin və 10 mənzin texniki pasportu hazırlanıb, 181 torpaq sahəsinin planı və ölçüsü tərtib edilərək hüquq sahiblərinə təqdim edilib. Əvvəlki ilin müvafiq dövrü ilə müqayisədə hazırlanan texniki sənədlərin sayı 4 faiz çoxdur.

Ötən dövr ərzində daşınmaz əmlaka dair 133 arayış, məhdudiyyət və yüklülüyə dair 169 arayış hazırlanaraq vətəndaşlara təqdim olunub.

59 vətəndaşın müraciəti ilə əlaqədar əmlaklara yerində baxış keçirilib, torpaq sahələrinin sərhədləri dəqiqləşdirilib, müvafiq qanunvericiliyin tələbləri vətəndaşlara izah edilib.

Ardını oxu »

ÖTƏN İL BABƏK RAYONUNDA 1322 DAŞINMAZ ƏMLAK OBYEKTİ İNVENTARLAŞDIRILIB

15.01.2021

Daşınmaz Əmlak və Torpaq Məsələləri üzrə Dövlət Xidmətinin Babək Rayon İdarəsi tərəfindən 2020-ci il ərzində daşınmaz əmlakın qeydiyyatı və torpaqlardan istifadəyə dövlət nəzarətinin həyata keçirilməsi diqqətdə saxlanılıb. İl ərzində 242 daşınmaz əmlak obyektinə məxsus texniki pasport hazırlanıb, 1080 torpaq sahəsinin planı və ölçüsü tərtib edilib. 2019-cu illə müqayisədə hazırlanan texniki sənədlərin sayı 26% artıb. 104 bölgü planı hazırlanaraq arxiv sənədlərinə əlavə olunub, 429 müayinə aktı yazılıb.

Hüquqların dövlət qeydiyyatına alınması, dövlət reyestrindən çıxarışın verilməsi üçün 1287 müraciət daxil olub və icra edilib ki, bu da əvvəlki illə müqayisədə 19,6% çoxdur.

İl ərzində məhdudiyyət və yüklülüyə dair 510, əmlakın olub-olmamasına dair 232 arayış verilib.

Torpaqlardan səmərəli istifadənin təmin edilməsi diqqətdə saxlanılıb, qanunsuz istifadə faktları aradan qaldırılıb.

Ardını oxu »