Mətbuat xidməti
CULFA RAYONUNDA HAZIRLANMIŞ TEXNİKİ SƏNƏDLƏRİN SAYI ARTIB
16.07.2021
Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətinin Culfa Rayon İdarəsi tərəfindən 2021-ci ilin I yarımili ərzində 85 daşınmaz əmlak obyektinə məxsus texniki pasport hazırlanıb, 103 torpaq sahəsinin planı və ölçüsü tərtib edilərək hüquq sahiblərinə təqdim olunub. 2020-ci ilin müvafiq dövrü ilə müqayisədə hazırlanan texniki sənədlərin sayı 34,3% artım olub. Texniki sənədlərin hazırlanması üçün əmlaklara yerində baxış keçirilib, 173 müayinə aktı yazılıb, 13 bölünmə və birləşmə planı hazırlanaraq arxiv sənədlərinə əlavə edilib.
I yarımil ərzində hüquqların dövlət qeydiyyatına alınması və dövlət reyestrindən çıxarışın verilməsi ilə bağlı 230 müraciət daxil olub. 138 sosial arayış, məhdudiyyət və yüklülüyə dair 267 arayış verilib.
Ötən dövr ərzində rayonun 6 yaşayış məntəqəsində vətəndaşlara səyyar xidmət göstərilib, qəbul edilmiş 30 müraciət müvafiq qanunvericiliyin tələblərinə uyğun icra edilərək mülkiyyət sənədləri hüquq sahiblərinə təqdim olunub.
DAŞINMAZ ƏMLAK VƏ TORPAQ MƏSƏLƏLƏRİ ÜZRƏ DÖVLƏT XİDMƏTİNDƏ KOLLEGİYA İCLASI KEÇİRİLİB
15.07.2021
15 İyul 2021-ci il tarixdə Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətində Naxçıvan Muxtar Respublikası Ali Məclisinin altıncı çağırış beşinci sessiyasında qarşıya qoyulan vəzifələrə və 2021-ci ilin birinci yarsında görülən işlərə həsr olunmuş kollegiya iclası keçirilib. Xidmətin rəisi Müslüm Cabbarzadə çıxış edərək bilidirib ki, bəhs olunan dövrdə muxtar respublikada daşınmaz əmlakın qeydiyyatı və torpaq münasibətlərinin tənzimlənməsi sahəsində qarşıya qoyulmuş vəzifələrin icrası diqqətdə saxlanılıb.
Naxçıvan Muxtar Respublikası Ali Məclisi Sədrinin qəbul etdiyi qərar, fərman və sərəncamlarda qarşıya qoyulmuş tapşırıqlar və qəbul edilmiş dövlət proqramlarında Xidmətə tapşırılmış vəzifələr uğurla icra edilib.
67 ailə təsərrüfatına məxsus qeyri-yaşayış obyekti, həyətyanı təsərrüfat binaları və təsərrüfat fəaliyyəti ilə əlaqədar icarəyə götürülmüş torpaq sahələri üzərində hüquqlar dövlət qeydiyyatına alınıb.
KƏNGƏRLİ RAYONUNDA TORPAQ MÜLKİYYƏTÇİLƏRİ İLƏ GÖRÜŞ KEÇİRİLİB
14.07.2021
Kəngərli rayonunun Qıvraq qəsəbəsində Naxçıvan Muxtar Respublikası Ali Məclisi Sədrinin 2020-ci il 27 noyabr tarixli Sərəncamı ilə təsdiq edilmiş “2021-2025-ci illərdə Naxçıvan Muxtar Respublikasında kənd təsərrüfatı təyinatlı torpaqların münbitliyinin artırılmasına dair Tədbirlər Planı”na uyğun olaraq Kənd Təsərrüfatı, Ekologiya və Təbii Sərvətlər nazirliklərinin, Daşınmaz Əmlak və Torpaq Məsələləri üzrə Dövlət Xidmətinin, Meliorasiya və Su Təsərrüfatı Açıq Səhmdar Cəmiyyətinin, Kəngərli Rayon İcra Hakimiyyətinin birgə təşkilatçılığı ilə torpaq mülkiyyətçiləri və sahibkarların iştirakı ilə seminar-müşavirə keçirilib.
Seminar-müşavirədə aid təşkilatların nümayəndələri tərəfindən torpaqların münbitliyinin azalmasının qarşısını almaq üçün ilk növbədə suvarmanın düzgün təşkil olunması, taxıl əkinində şırım üsulu ilə əkinə diqqət yetirilməsi, aqro texniki tədbirlərin düzgün aparılması, üzvi və mineral gübrələrin vaxtında və normada verilməsinə xüsusi diqqət yetirilməsi, növbəli əkin sisteminin tətbiq olunmasının vacibliyi, eyni zamanda torpaqların məişət və kimyəvi tullantılarla çirkləndirilməsi, yay otlaqlarında heyvanların normadan artıq otarılması və hava şəraitinin nəzərə alınmaması səbəbindən səhralaşmaya gətirib çıxarması kimi halların nəticədə, torpaqların münbitliyinin azalmasına səbəb olması barədə torpaq mülkiyyətçiləri və sahibkarlara məlumat verilib.
114 DAŞINMAZ ƏMLAK OBYEKTİ İNVENTARLAŞDIRILIB
13.07.2021
Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətinin Kəngərli Rayon Şöbəsi tərəfindən 2021-ci ilin I yarımili ərzində 43 daşınmaz əmlak obyektinə məxsus texniki pasport, 71 torpaq sahəsinin planı və ölçüsü olmaqla, ümumilikdə 114 daşınmaz əmlak obyekti inventarlaşdırılıb. İnventarlaşdırılan mülkiyyət sənədlərinin sayı 2020-ci ilin müvafiq dövrü ilə müqayisədə 58,3% artıb. Mülkiyyət sənədlərinin hazırlanması zamanı əmlaklara yerində baxış keçirilib, 43 müayinə aktı tərtib edilib.
Qeyd edək ki, daşınmaz əmlak üzərində hüquqların dövlət qeydiyyatına alınması üçün müraciətlərə operativ baxılması diqqətdə saxlanılıb, 6 ay ərzində daşınmaz əmlakın dövlət reyestrindən 117 çıxarış, məhdudiyyət və yüklülüyə dair 92, əmlakın olub olmamasına dair 77 arayış hazırlanaraq hüquq sahiblərinə təqdim edilib.
Ötən dövr ərzində torpaqlardan istifadəyə və onların mühafizəsinə dövlət nəzarətinin həyata keçirilməsi məqsədilə rayonunun Qarabağlar və Şahtaxtı kəndlərinin ərazisində monitorinqlər başa çatdırılıb, müəyyən edilmiş qanun pozuntularının aradan qaldırılması istiqamətində iş aparılıb.
Bugün 
