DAŞINMAZ ƏMLAKIN QEYDİYYATI VƏ TORPAQLARDAN İSTİFADƏYƏ NƏZARƏT 2019-CU İL ƏRZİNDƏ DİQQƏTDƏ SAXLANILIB

 13.01.2020

Yanvarın 13-də Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətində 2019-cu il ərzində görülmüş işlər və qarşıda duran vəzifələrə dair kollegiya iclası keçirilib. İclası xidmətin rəisi Müslüm Cabbarzadə açaraq bildirib ki, muxtar respublikada torpaqların elektron uçotunun aparılması və təyinatı üzrə istifadə edilməsinə dövlət nəzarətinin gücləndirilməsi, daşınmaz əmlak üzərində mülkiyyət hüquqlarının qeydiyyatı zamanı operativliyin təmin edilməsi il ərzində diqqətdə saxlanılıb.

Göstərilən dövlət qayğısı nəticəsində informasiya infrastrukturu təkmilləşdirilib, yeni server, təhlükəsizlik və şəbəkə avadanlıqları alınaraq quraşdırılıb. Ordubad Rayon İdarəsi müasir iş şəraiti ilə təmin olunmuş inzibati binaya köçürülüb.

Torpaqların elektron kadastr uçotu informasiya sisteminin yaradılması üzrə əsas işlər yekunlaşdırılıb, sistem sınaq rejimində istifadəyə verilib. Kəngərli və Şərur rayonlarında, Şahbuz rayonunun 13, Sədərək rayonunun 1 yaşayış məntəqəsində daşınmaz əmlak obyektlərinin plana alınması başa çatdırılıb, il ərzində 19924 daşınmaz əmlak obyekti plana alınıb.

Ardını oxu »

ƏSGƏRLƏRƏ BAYRAM SOVQATI APARILIB

 28.12.2019

Dekabrın 28-də Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Komitəsinin kollektivi 31 Dekabr – Dünya Azərbaycanlılarının Həmrəylik Günü və Yeni il münasibəti ilə Naxçıvan şəhərində yerləşən hərbi hissədə xidmət edən əsgərlərə bayram sovqatı aparıb.

Əsgərlərlə görüşdə Komitənin sədri Müslüm Cabbarzadə bildirib ki, Naxçıvan Muxtar Respublikası Ali Məclisi Sədrinin qayğısı ilə hərbi hissələrin maddi-texniki təminatı ildən-ilə daha da möhkəmləndirilir, yeni əsgəri-məişət kompleksləri tikilib istifadəyə verilir. Zabit və əsgərlər üçün lazımi xidmət şəraiti yaradılır, şəxsi heyətin döyüş və mənəvi hazırlığının artırılması istiqamətində ardıcıl tədbirlər görülür. Bu gün muxtar respublikadakı ordu, birləşmə və hissələr hərtərəfli təminata, ən müasir silah-sursata və peşəkar şəxsi heyətə malikdir. 2018-ci ildə həyata keçirilən uğurlu Günnüt əməliyyatı da bir daha göstərdi ki, ordumuz qarşıya qoyulan istənilən tapşırığı yüksək səviyyədə yerinə yetirmək əzmindədir.

Qeyd edilib ki, muxtar respublikamızda əlamətdar günlərdə əsgərlərlə görüşlərin keçirilməsi artıq ənənə halını alıb, sarsılmaz xalq-ordu birliyi formalaşıb.

Ardını oxu »

TƏTBİQ EDİLƏN YENİLİKLƏRİN TƏQDİMATI OLUB

 19.12.2019

Dekabrın 18-də Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Komitəsində daşınmaz əmlakın qeydiyyatı sahəsində tətbiq edilən yeniliklərin təqdimatı olub. Tədbiri giriş sözü ilə Komitənin sədri Müslüm Cabbarzadə açaraq bu istiqamətdə görülmüş işlərdən danışıb.

Qeyd edilib ki, göstərilən dövlət qayğısı sayəsində Komitənin fəaliyyətində müasir texnoloji yeniliklər tətbiq edilib, informasiya infrastrukturu təkmilləşdirilib. Məlumatların təhlükəsizliyinin təmin edilməsi, informasiya bazasının arxivləşdirilməsi üçün xüsusi serverlər, məlumat mübadiləsinin daha səmərəli təşkili məqsədi ilə yeni şəbəkə avadanlıqları alınaraq quraşdırılıb. Mövcud serverlərin daxili qurğuları yenilənərək texniki imkanları artırılıb. Torpaqların elektron uçotunun aparılması və rəqəmsal kadastr xəritəsinin tərtib edilməsi məqsədi ilə xüsusi proqram təminatı hazırlanıb. Yüksək dəqiqlikli geodeziya-ölçü cihazları alınaraq komitə əməkdaşlarının istifadəsinə verilib.

Ardını oxu »

DAŞINMAZ ƏMLAKIN QEYDİYYATI SAHƏSİNDƏ YENİLİKLƏR TƏTBİQ OLUNUR

  18.12.2019

Muxtar respublikada torpaqlardan səmərəli istifadə sahəsində qarşıya qoyulmuş vəzifələrin icrası, torpaqların elektron uçotunun aparılması, vətəndaşların daşınmaz əmlak üzərindəki hüquqlarının dövlət reyestrində qeydiyyata alınması zamanı operativliyin təmin edilməsi 2019-cu ilin noyabr ayında da Daşınmaz Əmlak və Torpaq Məsələləri üzrə Dövlət Komitəsi tərəfindən diqqətdə saxlanılmışdır.

Ötən ay 12 ailə təsərrüfatına məxsus qeyri-yaşayış obyekti, həyətyanı təsərrüfat binaları və təsərrüfat fəaliyyəti ilə əlaqədar icarəyə götürülmüş torpaq sahələri üzərində hüquqlar qeydiyyata alınmışdır. Torpaqların elektron uçotunun aparılması məqsədilə Şahbuz rayonunun Şahbuzkənd, Külüs və Nursu kəndlərində, Sədərək rayonunun Heydərabad qəsəbəsində 1782 daşınmaz əmlak obyekti plana alınmışdır. Həmçinin Şahbuz şəhər və Badamlı qəsəbə bələdiyyələrinin sərhəd xəritələrinə dair müvafiq yerquruluşu sənədləri elektron variantda hazırlanmış və torpaqların növləri üzrə uçotu aparılmışdır.

Ardını oxu »