YENİ ÜNVAN LÖVHƏLƏRİNİN QURAŞDIRILMASI DAVAM ETDİRİLİR

26.01.2021

Muxtar respublikanın yaşayış məntəqələrində nəqliyyat infrastrukturu və daşınmaz əmlak obyektlərinə ünvanların verilməsi, eləcə də ünvan reyestrində müvafiq düzəliş və dəqiqləşmə işlərinin aparılması diqqət mərkəzində saxlanılır.

Naxçıvan şəhərinin prospekt və küçələrində yeni, müasir dizaynlı ünvan lövhələri və giriş nömrə nişanları quraşdırılır. 1 prospekt, 55 küçə, 3 məhəllə və 1 kənd olmaqla, 60 nəqliyyat infrastrukturu obyektində ünvan lövhələri və giriş nömrə nişanlarının quraşdırılması yekunlaşıb. 20 nəqliyyat infrastrukturu obyektində isə lövhələrin quraşdırılması davam etdirilir.

Qeyd edək ki, ünvan lövhələri və giriş nömrə nişanları nəqliyyat infrastrukturu obyektlərinə adların verilməsi, daşınmaz əmlak obyektlərinə ünvan nömrələrinin təyini, ünvan lövhələrinin yerləşdirilməsi qaydalarına uyğun hazırlanıb.

Baxılıb: 373