Mətbuat xidməti
NAXÇIVAN MUXTAR RESPUBLİKASININ QARS MÜQAVİLƏSİ İLƏ TƏSBİT OLUNMUŞ ƏRAZİSİNİN XƏRİTƏSİ HAZIRLANIR
17.06.2021
2021-ci il fevralın 8-də Naxçıvan Muxtar Respublikası Ali Məclisinin Sədri tərəfindən mühüm tarixi-siyasi əhəmiyyətə malik olan və Naxçıvanın muxtariyyət statusuna təminat verən Qars müqaviləsinin 100 illiyinin keçirilməsi haqqında Sərəncam imzalanmışdır. Həmin Sərəncamla təsdiq olunmuş “Qars müqaviləsinin 100 illiyinin Naxçıvan Muxtar Respublikasında keçirilməsi ilə əlaqədar Tədbirlər Planı”nda Naxçıvan Muxtar Respublikasının Qars müqaviləsi ilə təsbit olunmuş ərazisinin xəritəsinin hazırlanması ilə bağlı vəzifələr müəyyənləşdirilmişdir.
Tədbirlər Planının müvafiq bəndinin icrası ilə əlaqədar olaraq Daşınmaz Əmlak və Torpaq Məsələləri üzrə Dövlət Xidməti tərəfindən müqavilənin 5-ci maddəsinə və 3-cü əlavəsinə uyğun olaraq Naxçıvan Muxtar Respublikasının təsbit olunmuş sərhədlərini əhatə edən ərazilərdə coğrafi obyektlər müəyyənləşdirilmişdir.
DAŞINMAZ ƏMLAKLA BAĞLI VƏTƏNDAŞ MÜRACİƏTLƏRİ OPERATİV İCRA OLUNUR
16.06.2021
Daşınmaz əmlak obyektlərinə məxsus texniki sənədlərin hazırlanması və vətəndaşların daşınmaz əmlakla bağlı müraciətlərinin operativ icrası Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Babək Rayon İdarəsi tərəfindən cari ilin may ayında da mütəşəkkil davam etdirilmiş, 18 texniki pasport hazırlanmış, 79 torpaq sahəsinin planı-ölçüsü tərtib edilərək hüquq sahiblərinə təqdim olunmuşdur.
Ötən dövrdə hüquqların dövlət qeydiyyatına alınması və dövlət reyestrindən çıxarışın verilməsi ilə bağlı 81 müraciət daxil olmuş, qəbul edilmiş hüquqi sənədlər ilkin olaraq yoxlanılmış və qeydiyyata alınmışdır. Məhdudiyyət və yüklülüyə dair 43, əmlakın olub olmaması ilə bağlı 22 arayış verilmişdir.
Naxçıvan Muxtar Respublikası Ali Məclisi Sədrinin 2019-cu il 18 yanvar tarixli Sərəncamı ilə təsdiq edilmiş Naxçıvan Muxtar Respublikasında ailə təsərrüfatlarının inkişafı ilə bağlı Tədbirlər Planının icrası ilə əlaqədar ailə təsərrüfatlarında əkin atlaslarına uyğun əkinlərin keçirilməsinə nail olunması və torpaqlardan səmərəli istifadə edilməsi məqsədilə Babək şəhərində bələdiyyə sədrlərinin, ailə təsərrüfatı başçılarının, torpaq mülkiyyətçilərinin, istifadəçilərinin və icarəçilərinin iştirakı ilə seminar-müşavirə keçirilmişdir.
DAŞINMAZ ƏMLAKLA BAĞLI 97 TEXNİKİ SƏNƏD HAZIRLANIB
16.06.2021
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Şərur Rayon İdarəsi tərəfindən 2021-ci ilin may ayı ərzində 15 fərdi yaşayış evinin, 2 mənzilin, 1 qeyri-yaşayış sahəsinin texniki pasportu, 49 həyətyanı, 30 kənd təsərrüfatı təyinatlı torpaq sahəsinin plan-ölçüsü hazırlanıb vətəndaşlara təqdim edilib. Texniki sənədlərin hazırlanması məqsədi ilə 30 müayinə aktı yazılaraq arxiv sənədlərinə əlavə olunub.
Ötən ay ərzində 42 sosial arayış, məhdudiyyət və yüklülüyə dair 87 arayış hazırlanaraq vətəndaşlara təqdim olunub, 15 vətəndaşın şifahi müraciəti ilə əlaqədar əmlaklara yerində baxış keçirilib, müvafiq qanunvericiliyin tələbləri vətəndaşlara izah edilib.
“2021-2025-ci illərdə Naxçıvan Muxtar Respublikasında meyvəçiliyin və tərəvəzçiliyin inkişafı üzrə Dövlət Proqramı”nın icrası ilə əlaqədar olaraq rayon ərazisində 474,6 hektar meyvə bağı və 100,71 hektar meşə zolağı plana alınaraq xəritələşdirilib.
VƏTƏNDAŞLARIN DAŞINMAZ ƏMLAKLA BAĞLI MÜRACİƏTLƏRİ OPERATİV İCRA OLUNUR
10.06.2021
Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətinin Naxçıvan Şəhər İdarəsi tərəfindən vətəndaşlara göstərilən xidmətlərin səviyyəsinin yüksəldilməsi, vətəndaş müraciətlərinin operativ şəkildə cavablandırılması diqqət mərkəzində saxlanılıb. Daşınmaz əmlakın qeydiyyatı və texniki inventarlaşdırılma üzrə görülən işlər may ayında da mütəşəkkil davam etdirilmiş, 53 texniki pasport hazırlanmış, 40 torpaq sahəsinin plan-ölçüsü tərtib edilərək hüquq sahiblərinə təqdim olunmuşdur.
Bələdiyyələrdən daxil olan 12 müraciət əsasında müvafiq torpaq sahələrinə dair rəy və plan-sxemlər hazırlanaraq aidiyyəti üzrə təqdim olunmuş, vətəndaşların şifahi müraciəti əsasında əmlaklara yerində baxış keçirilmiş, qanunvericiliyin tələbləri izah olunmuşdur.
Ötən dövr ərzində Naxçıvan şəhəri ərazisində olan dövlət və bələdiyyə torpaqlarından, həmçinin xüsusi mülkiyyətdə olan torpaqlardan təyinatı üzrə istifadə vəziyyəti və onların mühafizəsi mütəmadi olaraq nəzarətdə saxlanılmış, torpaqdan qanunsuz istifadəyə dair aşkarlanmış faktlar aradan qaldırılmışdır.
Bugün 
