Mətbuat xidməti
ŞƏRUR RAYONUNDA AİLƏ TƏSƏRRÜFATLARI İLƏ SEMİNAR-MÜŞAVİRƏ KEÇİRİLİB
08.07.2021
Şərur rayonunun Məmmədsabir kəndinin icra nümayəndəliyində Naxçıvan Muxtar Respublikasının İqtisadiyyat, Kənd Təsərrüfatı nazirliklərinin, Daşınmaz Əmlak və Torpaq Məsələləri üzrə Dövlət Xidmətinin, Antiinhisar və İstehlak Bazarına Nəzarət Dövlət Xidmətinin, AMEA Naxçıvan Bölməsinin və Şərur Rayon İcra Hakimiyyətinin birgə təşkilatçılığı ilə rayon ərazisində fəaliyyət göstərən ailə təsərrüfatları və torpaq mülkiyyətçiləri ilə seminar-müşavirə keçirilib.
Tədbiri giriş sözü ilə Şərur Rayon İcra Hakimiyyətinin əməkdaşı Osman Cəlil açaraq Rayonda aqrar sahədə həyata keçirilən tədbirlərdən, qarşıda duran vəzifələrdən, muxtar respublikamızda ailə təsərrüfatlarının inkişafına göstərilən dövlət qayğısından danışıb.
Ailə təsərrüfatlarının inkişafı ilə bağlı Naxçıvan Muxtar Respublikası Ali Məclisi Sədrinin 2019-cu il 18 yanvar tarixli Sərəncamı ilə təsdiq edilmiş Tədbirlər Planına uyğun olaraq Naxçıvan Muxtar Respublikasında aid təşkilatların nümayəndələri tərəfindən nəzərdə tutulan vəzifələrin icrası məqsədilə müvafiq mütəxəssis məsləhətləri – ailə təsərrüfatlarında istehsal olunan məhsulların təbliği və təşviqi, qablaşdırılması və etiketlənməsi, yaz əkinlərinin əkin atlaslarına uyğun aparılması və növbəli əkin sisteminin tətbiqi, ailə təsərrüfatçılarının kiçik sahibkarlıq subyektlərinə çevrilmələri, meyvə və tərəvəzlərin eyni zamanda bostan məhsullarının qurudulması və qablaşdırılması, habelə necə realizə olunması barədə geniş məlumat ailə təsərrüfatları nümayəndələrinin diqqətinə çatdırılıb.
ÖTƏN AY 721 DAŞINMAZ ƏMLAK OBYEKTİ ÜZƏRİNDƏ HÜQUQLAR DÖVLƏT QEYDİYYATINA ALINMIŞDIR
08.07.2021
Naxçıvan Muxtar Respublikasında əmlak və torpaq idarəçiliyinin müasir əsaslarla qurulması iyun ayında da Daşınmaz Əmlak və Torpaq Məsələləri üzrə Dövlət Xidməti tərəfindən diqqətdə saxlanılmış, Xidmətin fəaliyyət sahələri üzrə işlər uğurla icra edilmişdir.
“2021-2025-ci illərdə Naxçıvan Muxtar Respublikasında kənd təsərrüfatı təyinatlı torpaqların münbitliyinin artırılmasına dair Tədbirlər Planı”na uyğun olaraq Kəngərli rayonu ərazisində 16380 metr kanal, 20 min 450 metr kollektor-drenaj şəbəkəsi plana alınmışdır.
“2021-2025-ci illərdə Naxçıvan Muxtar Respublikasında meyvəçiliyin və tərəvəzçiliyin inkişafı üzrə Dövlət Proqramı”nın icrası ilə əlaqədar olaraq muxtar respublikanın Kəngərli rayonu ərazisində 307,4 hektar meyvə bağı, 71,5 hektar meşə zolağı plana alınaraq xəritələşdirilmişdir.
Muxtar respublikada kənd təsərrüfatı təyinatlı torpaqların münbitliyinin artırılmasına məqsədilə Sədərək rayonunun Sədərək, Ordubad rayonunun Sabirkənd kəndlərində, muxtar respublikada ailə təsərrüfatlarının inkişafı ilə əlaqədar olaraq Kəngərli rayonunun Yurdçu kəndində torpaq mülkiyyətçilərinin, istifadəçilərinin və icarəçilərinin, o cümlədən ailə təsərrüfatlarının nümayəndələrinin iştirakı ilə maarifləndirici tədbirlər keçirilmişdir.
NAXÇIVAN ŞƏHƏRİNDƏ HAZIRLANAN MÜLKİYYƏT SƏNƏDLƏRİNİN SAYI ARTIB
06.07.2021
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Naxçıvan Şəhər İdarəsi tərəfindən mülkiyyət hüquqlarının dövlət qeydiyyatına alınması cari ilin ilk altı ayı ərzində diqqətdə saxlanılıb, texniki sənədlərin hazırlanması ilə bağlı daxil olmuş 526 müraciət qanunvericiliyin tələblərinə uyğun icra olunub.
Müraciətlər əsasında 290 daşınmaz əmlak obyektinin texniki pasportu hazırlanıb, 236 torpaq sahəsinin plan-ölçüsü tərtib edilərək vətəndaşlara təqdim edilib. 2020-ci ilin müvafiq dövrü ilə müqayisədə hazırlanan mülkiyyət sənədlərinin sayı 45% artıb. Texniki sənədlərin hazırlanması zamanı 80 bölgü planı, 128 müayinə aktı tərtib edilib və arxiv sənədlərinə əlavə olunub. Bu dövrdə
73 əmlakın qiymətləndirilməsi icra edilib, qiymətləndirilmələrə dair hesabatlar hazırlanıb.
Bələdiyyələrdən daxil olan 67 müraciət əsasında müvafiq torpaq sahələrinə dair rəy və plan-sxemlər hazırlanaraq aidiyyəti üzrə təqdim olunub. Hüquq sahiblərinin müraciəti əsasında əmlaklara yerində baxış keçirilib, qanunvericiliyin tələbləri vətəndaşlara izah olunub.
Ötən dövr ərzində Naxçıvan şəhəri ərazisində dövlət və bələdiyyə torpaqlarından, həmçinin xüsusi mülkiyyətdə olan torpaqlardan təyinatı üzrə istifadə vəziyyəti və onların mühafizəsi mütəmadi olaraq nəzarətdə saxlanılıb, torpaqdan qanunsuz istifadəyə dair aşkarlanmış faktlar aradan qaldırılıb.
ALTI AY ƏRZİNDƏ ŞƏRUR RAYONUNDA 516 TEXNİKİ SƏNƏD HAZIRLANIB
05.07.2021
Daşınmaz əmlak üzərində hüquqların dövlət qeydiyyatına alınması, vətəndaşlara göstərilən xidmətlərin səviyyəsinin yüksəldilməsi, eləcə də vətəndaşların rahatlığının təmin edilməsi 2021-ci ilin I yarımili ərzində Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Şərur Rayon İdarəsi tərəfindən diqqət mərkəzində saxlanılıb.
İdarə tərəfindən 6 ay ərzində 101 daşınmaz əmlak obyektinin texniki pasportu hazırlanıb, 238 həyətyanı, 177 kənd təsərrüfatı təyinatlı torpaq sahəsinin planı və ölçüsü tərtib edilərək hüquq sahiblərinə təqdim edilib. Texniki sənədlərin hazırlanması zamanı 178 müayinə aktı yazılıb, 13 bölünmə və birləşmə planı tərtib edilərək arxiv sənədlərinə əlavə olunub.
Əmlakın olub olmaması ilə bağlı 185, məhdudiyyət və yüklülüyə dair 503 arayış hazırlanaraq vətəndaşlara təqdim olunub. 192 vətəndaşın şifahi müraciəti ilə əlaqədar əmlaklara yerində baxış keçirilib, torpaq sahələrinin sərhədləri dəqiqləşdirilib, müvafiq qanunvericiliyin tələbləri vətəndaşlara izah edilib.
Torpaqlardan istifadəyə və onların mühafizəsinə dövlət nəzarətinin həyata keçirilməsi məqsədilə rayonun Yengicə, Şəhriyar, Arbatan, Çərçiboğan, Çomaxtur, Ələkli, Çəmənli, Arpaçay, Qarxun və Məmmədsabir kəndlərinin ərazisində monitorinqlər başa çatdırılıb, aşkar olunmuş qanun pozuntularının aradan qaldırılması istiqamətində iş aparılıb.
Bugün 
