114 DAŞINMAZ ƏMLAK OBYEKTİ İNVENTARLAŞDIRILIB

13.07.2021

Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətinin Kəngərli Rayon Şöbəsi tərəfindən 2021-ci ilin I yarımili ərzində 43 daşınmaz əmlak obyektinə məxsus texniki pasport, 71 torpaq sahəsinin planı və ölçüsü olmaqla, ümumilikdə 114 daşınmaz əmlak obyekti inventarlaşdırılıb. İnventarlaşdırılan mülkiyyət sənədlərinin sayı 2020-ci ilin müvafiq dövrü ilə müqayisədə 58,3% artıb. Mülkiyyət sənədlərinin hazırlanması zamanı əmlaklara yerində baxış keçirilib, 43 müayinə aktı tərtib edilib.

Qeyd edək ki, daşınmaz əmlak üzərində hüquqların dövlət qeydiyyatına alınması üçün müraciətlərə operativ baxılması diqqətdə saxlanılıb, 6 ay ərzində daşınmaz əmlakın dövlət reyestrindən 117 çıxarış, məhdudiyyət və yüklülüyə dair 92, əmlakın olub olmamasına dair 77 arayış hazırlanaraq hüquq sahiblərinə təqdim edilib.

Ötən dövr ərzində torpaqlardan istifadəyə və onların mühafizəsinə dövlət nəzarətinin həyata keçirilməsi məqsədilə rayonunun Qarabağlar və Şahtaxtı kəndlərinin ərazisində monitorinqlər başa çatdırılıb, müəyyən edilmiş qanun pozuntularının aradan qaldırılması istiqamətində iş aparılıb.

Ardını oxu »

VƏTƏNDAŞLARIN MÜRACİƏTLƏRİ DİQQƏTDƏ SAXLANILIB

13.07.2021

Naxçıvan  Muxtar Respublikası Daşınmaz Əmlak və Torpaq Məsələləri üzrə Dövlət Xidmətinin Sədərək Rayon Şöbəsi tərəfindən 2021-ci ilin I yarısı ərzində hüquqi və fiziki şəxslərin daşınmaz əmlak və torpaqla bağlı müraciətləri diqqətdə saxlanılıb.

Daşınmaz əmlak obyektlərinin inventarlaşdırılması ilə bağlı idarəyə daxil olan müraciətlər əsasında I yarımil ərzində 8 daşınmaz əmlak obyektinin texniki pasportu, 29 torpaq sahəsinin planı və ölçüsü hazırlanaraq hüquq sahiblərinə təqdim edilib. Məhdudiyyət və yüklülüyə dair 35, əmlakın olub olmamasına dair 15 arayış verilib.

Vətəndaşlardan 26 şifahi müraciət daxil olub, müraciətlərlə əlaqədar əmlaklara yerində baxış keçirilib və müvafiq qanunvericiliyin tələbləri vətəndaşlara izah edilib.

Ötən dövr ərzində rayon ərazisində torpaqlardan təyinatı üzrə istifadə vəziyyəti və onların mühafizəsi mütəmadi olaraq nəzarətdə saxlanılıb, torpaqdan qanunsuz istifadəyə dair aşkarlanmış faktlar aradan qaldırılıb.

Ardını oxu »

BABƏK RAYONUNDA CARİ İLİN BİRİNCİ YARSINDA 624 ƏMLAK DÖVLƏT QEYDİYYATINA ALINMIŞDIR

12.07.2021

Naxçıvan  Muxtar Respublikası Daşınmaz Əmlak və Torpaq Məsələləri üzrə Dövlət Xidmətinin Babək Rayon İdarəsi tərəfindən 2021-ci ilin I yarımili ərzində 109 daşınmaz əmlak obyektinə məxsus texniki pasport, 499 torpaq sahəsinin planı və ölçüsü tərtib edilərək hüquq sahiblərinə təqdim edilmişdir. 55 bölgü planı hazırlanaraq arxiv sənədlərinə əlavə olunmuş, 228 müayinə aktı yazılmışdır.

6 ay ərzində hüquqların dövlət qeydiyyatına alınması və dövlət reyestrindən çıxarışın verilməsi ilə bağlı 624 müraciət daxil olmuş, qəbul edilmiş hüquqi sənədlər ilkin olaraq yoxlanılmış və qeydiyyata alınmışdır.

Vətəndaşların müraciətləri əsasında məhdudiyyət və yüklülüyə dair 362, əmlakın olub-olmamasına dair 139 arayış, 187 torpaq sahəsinə dair rəy verilmişdir.

Ötən dövr ərzində rayonun 11 yaşayış məntəqəsində vətəndaşlara səyyar xidmət göstərilmiş, qəbul edilmiş 29 müraciət müvafiq qanunvericiliyin tələblərinə uyğun icra edilərək mülkiyyət sənədləri hüquq sahiblərinə təqdim olunmuşdur.

Ardını oxu »

DAŞINMAZ ƏMLAKLA BAĞLI MÜRACİƏTLƏR DİQQƏT MƏRKƏZİNDƏ SAXLANILIR

09.07.2021

Vətəndaşlara göstərilən xidmətlərin səviyyəsinin yüksəldilməsi, vətəndaş müraciətlərinin operativ şəkildə cavablandırılması Naxçıvan  Muxtar Respublikası Daşınmaz Əmlak və Torpaq Məsələləri üzrə Dövlət Xidmətinin Ordubad Rayon İdarəsi tərəfindən diqqət mərkəzində saxlanılmış, daşınmaz əmlak, torpaq və digər fəaliyyət istiqamətləri üzrə görülən işlər 2021-ci ilin I yarımili ərzində də mütəşəkkil davam etdirilmişdir.

6 ay ərzində müraciətlər əsasında 74 daşınmaz əmlak obyektinin texniki pasportu, 100 torpaq sahəsinin planı və ölçüsü tərtib edilərək vətəndaşlara təqdim edilmişdir. 2020-ci ilin müvafiq dövrü ilə müqayisədə hazırlanan texniki sənədlərin sayı 31% artmışdır. Texniki sənədlərin hazırlanması üçün əmlaklara yerində baxış keçirilmiş, 94 müayinə aktı yazılaraq arxiv sənədlərinə əlavə olunmuşdur.

Bu dövrdə hüquqların dövlət qeydiyyatına alınması və dövlət reyestrindən çıxarışın verilməsi ilə bağlı 177 müraciət qəbul edilərək icra edilmiş, müraciətlər əsasında məhdudiyyət və yüklülüyə dair 160, əmlakın olub olmaması ilə bağlı 109 arayış qanunvericiliyə uyğun hazırlanaraq vətəndaşlara təqdim edilmişdir.

98 şifahi müraciətlə əlaqədar əmlaklara yerində baxış keçirilmiş, qanuna müvafiq qanunvericiliyin tələbləri vətəndaşlara izah olunmuşdur.

Rayonun 10 yaşayış məntəqəsində vətəndaşlara səyyar xidmət göstərilmiş, qəbul edilmiş 33 müraciət operativ icra edilərək hazırlanmış mülkiyyət sənədləri hüquq sahiblərinə təqdim edilmişdir.

Ardını oxu »