VƏTƏNDAŞLARA 9 AY ƏRZİNDƏ NÜMUNƏVİ XİDMƏT GÖSTƏRİLİB

20.10.2023

Muxtar respublikada daşınmaz əmlak və torpaq münasibətlərinin tənzimlənməsi sahəsində vətəndaşlara operativ xidmət göstərilir, qarşıya qoyulan vəzifələr uğurla yerinə yetirilir. Daşınmaz Əmlak və Torpaq Məsələləri üzrə Dövlət Xidmətinin Sədərək Rayon Şöbəsi ötən 9 ayda texniki sənədlərin sayı ilə bağlı göstəricini 2022-ci ilin müvafiq dövrü ilə müqayisədə 59,6% üstələyərək buna nail olub.

Şöbə yanvar-sentyabr ayları ərzində 24 daşınmaz əmlak obyektinin texniki pasportunu hazırlayıb, 67 torpaq sahəsinin planı və ölçüsünü tərtib edib.

Rayon sakinləri tərəfindən daxil olan müraciətlərə əsasən mülkiyyət sənədlərinin hazırlanması zamanı əmlaklara yerində baxış keçirilib, nəticədə 39 müayinə aktı yazılıb. 9 ayda ümumilikdə, 452 sosial, 49 məhdudiyyət və yüklülüyə dair arayış verilib, 31 torpaq sahəsinə dair rəy, 1 bölgü və 1 birləşmə planı hazırlanaraq vətəndaşlara təqdim edilib.

Hesabat dövründə şöbəyə sakinlər tərəfindən edilən müraciətlərin də sayında artım müşahidə olunub. Belə ki, bu dövrdə 100 şifahi müraciət daxil olub. Müraciətlərlə əlaqədar əmlaklara yerində baxış keçirilib, torpaq sahələrinin sərhədləri dəqiqləşdirilib, qanunvericilikdə nəzərdə tutulan tələblər vətəndaşlara ətraflı izah edilib.

Ardını oxu »

CULFADA HAZIRLANAN MÜLKİYYƏT SƏNƏDLƏRİ ÖTƏN İLİN GÖSTƏRİCİSİNİ 94,2% ÜSTƏLƏYİB

19.10.2023

Rayonda torpaqlardan təyinatı üzrə istifadəyə dövlət nəzarətinin artırılması, əmlakların qeydiyyatının vaxtlı-vaxtında aparılması Daşınmaz Əmlak və Torpaq Məsələləri üzrə Dövlət Xidmətinin Culfa Rayon İdarəsi tərəfindən cari ilin yanvar-sentyabr ayları ərzində əsas məqsəd kimi qarşıya qoyulub. 

İdarənin 9 aylıq fəaliyyətinin təhlili zamanı əvvəlki ilin müvafiq dövrü ilə müqayisədə hazırlanan texniki sənədlərin sayında 94,2% artım olduğunu müşahidə etdik. Hesabat dövründə idarə tərəfindən 153 fərdi yaşayış evinə, 70 mənzilə, 14 qeyri-yaşayış binasına, 21 qeyri-yaşayış sahəsinə məxsus ümumilikdə, 258 daşınmaz əmlak obyektinin texniki pasportu tərtib olunub. Həmçinin, 216 torpaq sahəsinin plan-ölçüsü hazırlanaraq vətəndaşlara təqdim edilib. 36 bölünmə və birləşmə planı tərtib edilərək arxiv sənədlərinə əlavə olunub, texniki sənədlərin hazırlanması zamanı 203 müayinə aktı yazılıb.

Bu aylar ərzində dövlət reyestrindən 583 çıxarışın, 398 sosial, 213 məhdudiyyət və yüklülüyə dair  arayışın verilməsi ilə əlaqədar qəbul edilmiş hüquqi sənədlər ilkin olaraq yoxlanılıb və qanunvericiliklə nəzərdə tutulmuş qaydada icra olunub, 79 rəy hazırlanaraq aidiyyəti üzrə verilib.

Ardını oxu »

9 AYDA NAXÇIVAN ŞƏHƏRİ ÜZRƏ 1277 MÜLKİYYƏT SƏNƏDİ QEYDİYYATA ALINIB

18.10.2023

Yanvar-sentyabr ayları üzrə aparılan təhlillər göstərir ki, Naxçıvan şəhərində daşınmaz əmlak üzərində mülkiyyət hüquqlarının dövlət reyestrində qeydiyyata alınmasına sakinlərin marağı olduqca artıb. Belə ki, ötən ilin müvafiq dövrü ilə müqayisədə Daşınmaz Əmlak və Torpaq Məsələləri üzrə Dövlət Xidmətinin Naxçıvan Şəhər İdarəsi tərəfindən hazırlanan mülkiyyət sənədlərinin sayında 85% artım qeydə alınıb. 

İdarə 9 ayda mülkiyyət sənədlərinin hazırlanması üçün daxil olan 1277 müraciəti qeydə alaraq icra edib. Müraciətlərə əsasən ümumilikdə, 826 daşınmaz əmlak obyektinin texniki pasportu vətəndaşlara təqdim edilib ki, bunlardan 573-ü fərdi yaşayış evinə, 228-i mənzilə, 20-si qeyri-yaşayış sahəsinə, 5-i qeyri-yaşayış binasına məxsus olub. Həmçinin, 451 torpaq sahəsinə dair plan və ölçü hazırlanıb, 159 bölgü planı, 119 müayinə aktı tərtib olunaraq arxiv sənədlərinə əlavə edilib.

Bu dövr ərzində qiymətləndirilməsi icra edilən 14 əmlaka dair hesabatlar hazırlanıb. Bələdiyyələrdən daxil olan müraciət əsasında 95 torpaq sahəsinə dair rəy və plan-sxemlər hazırlanaraq aidiyyəti üzrə təqdim edilib. 11 vətəndaşın şifahi müraciəti əsasında əmlaklara yerində baxış keçirilib, qanunvericilikdə nəzərdə tutulan tələblər vətəndaşlara izah olunub.

Ardını oxu »

ŞAHBUZDA HAZIRLANMIŞ MÜLKİYYƏT SƏNƏDLƏRİNİN SAYI 2,1 DƏFƏ ARTIB

17.10.2023

Daşınmaz Əmlak və Torpaq Məsələləri üzrə Dövlət Xidmətinin Şahbuz Rayon İdarəsi yanvar-sentyabr ayları ərzində müraciətlərin operativ cavablandırılmasını, rayon ərazisindəki bütün mülkiyyət növləri üzrə torpaqlardan səmərəli və təyinatına uyğun istifadə vəziyyətini nəzarətdə saxlayıb. Ötən ilin müvafiq dövrü ilə müqayisədə idarə tərəfindən hazırlanan texniki sənədlərin sayı 2,1 dəfə artıb.

Şöbə tərəfindən 9 ay ərzində 134 fərdi yaşayış evinə, 15 mənzilə, 2 qeyri-yaşayış binasına, 16 qeyri-yaşayış sahəsinə məxsus 167 daşınmaz əmlak obyektinə dair texniki pasport hazırlanıb, 311 torpaq sahəsinə dair plan-ölçü tərtib edilib. Hüquqların dövlət qeydiyyatına alınması üçün ümumilikdə, 470 müraciətə baxılıb.

Hesabatı aparılan müvafiq dövrdə texniki sənədlərin hazırlanması zamanı yerində baxış keçirilən əmlaklara 333 müayinə aktı yazılıb. Məhdudiyyət və yüklülüyə dair 159, əmlakın olub-olmamasına dair 170 arayış verilib, 5 bölgü planı hazırlanıb. 12 dublikat sənəd hazırlanaraq hüquq sahiblərinə təqdim olunub. 2 əmlakın bazar dəyərinə uyğun qiymətləndirilməsi icra edilib, müvafiq hesabatlar hazırlanıb. Vətəndaşlardan daxil olan 21 şifahi müraciətə əsasən əmlaklara yerində baxış keçirilib və qanunvericiliyin tələbləri hüquq sahiblərinə ətraflı izah edilib.

Ardını oxu »