Mətbuat xidməti
MUXTAR RESPUBLİKADA ÖTƏN İL ƏRZİNDƏ 10 MİN 880 DAŞINMAZ ƏMLAK OBYEKTİ DÖVLƏT QEYDİYYATINA ALINIB
07.01.2024
Muxtar respublikada daşınmaz əmlak obyektləri üzərində mülkiyyət hüquqlarının qeydiyyata alınması, torpaq münasibətlərinin tənzimlənməsi sahəsində qarşıya qoyulmuş vəzifələrin uğurlu icrası Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidməti tərəfindən 2023-cü il ərzində diqqətdə saxlanılıb, vətəndaşlara keyfiyyətli xidmət göstərilməsi və müraciətlərin operativ cavablandırılması təmin edilib.
Ötən il ərzində muxtar respublika üzrə 10 min 880 daşınmaz əmlak obyekti üzərində hüquqlar dövlət qeydiyyatına alınıb ki, bu da əvvəlki ilin müvafiq dövrü ilə müqayisədə 43,6% çoxdur. Ümumi göstəricinin 3 min 684-ü ilkin, 7 min 196-sı təkrar qeydiyyatın payına düşüb.
Bəhs olunan dövrdə dövlət qeydiyyatına alınan daşınmaz əmlak obyektlərinin 4 min 249-u fərdi yaşayış evi, 4 min 28-i torpaq sahəsi,1902-si mənzil, 332-si qeyri-yaşayış sahəsi, 264-ü qeyri-yaşayış binası, 101-i əmlak kompleksi kimi müəssisə, 4-ü isə çoxmərtəbəli yaşayış binası olub. Hesabat ilində təkcə Naxçıvan şəhəri üzrə 4 min 971 əmlak qeydiyyata alınıb ki, bu da ümumi göstəricinin 45,6%-ini təşkil edir, qalan 54,4% isə muxtar respublikanın rayonlarının payına düşür.
ORDUBAD RAYONUNDA MÜLKİYYƏT HÜQUQLARININ DÖVLƏT REYESTRİNDƏ QEYDİYYATA ALINMASI ZAMANI OPERATİVLİYİN TƏMİN EDİLMƏSİ DİQQƏTDƏ SAXLANILIR
19.12.2023
Rayon ərazisindəki torpaqlardan təyinatı üzrə istifadə edilməsinə dövlət nəzarəti və mülkiyyət hüquqlarının dövlət reyestrində qeydiyyata alınması zamanı operativliyin təmin edilməsi Daşınmaz Əmlak və Torpaq Məsələləri üzrə Dövlət Xidmətinin Ordubad Rayon İdarəsi tərəfindən noyabr ayı ərzində də diqqətdə saxlanılıb.
İdarə tərəfindən əmlaklara dair texniki sənədlərin hazırlanması üzrə sakinlərə nümunəvi xidmət göstərilib, ümumilikdə, 13 daşınmaz əmlak obyektinə texniki pasport, 32 torpaq sahəsinə plan və ölçü tərtib edilərək hüquq sahiblərinə təqdim edilib. Ay ərzində texniki sənədlər hazırlanan zaman 20 müayinə aktı yazılaraq arxiv sənədlərinə əlavə edilib, 1 bölgü planı hazırlanıb.
Göstərilən müvafiq xidmətlər üzrə vətəndaşların etdiyi müraciətlər vaxtlı-vaxtında cavablandırılıb, əmlak üzərində hüquqların dövlət qeydiyyatına alınması və dövlət reyestrindən çıxarışın verilməsi ilə bağlı 45 müraciət qəbul edilərək həllini tapıb, məhdudiyyət və yüklülüyə dair 23 arayış verilib. Həmçinin, 8 sosial, 2 ünvan arayışı aidiyyəti üzrə təqdim edilib.
KƏNGƏRLİ RAYONUNDA HÜQUQLARIN DÖVLƏT QEYDİYYATI DAVAM ETDİRİLİR
12.12.2023
Daşınmaz əmlak obyektlərinə məxsus texniki sənədlərin hazırlanması və vətəndaşların daşınmaz əmlakla bağlı müraciətlərinin operativ icrası Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Kəngərli Rayon Şöbəsi tərəfindən mütəşəkkil davam etdirilir.
Noyabr ayı ərzində vətəndaşlardan daxil olan müraciətlərə əsasən şöbə tərəfindən 10 daşınmaz əmlak obyektinə məxsus texniki pasport, 11 torpaq sahəsinə məxsus plan-ölçü hazırlanaraq hüquq sahiblərinə təqdim olunub.
Hesabat dövründə daşınmaz əmlak üzərində hüquqların dövlət reyestrində qeydiyyata alınması ilə bağlı müraciətlərə vaxtında baxılıb, dövlət reyestrindən 24 çıxarış, məhdudiyyət və yüklülüyə dair 6, əmlakın olub-olmaması ilə bağlı 11 arayış və 1 rəy verilib. Texniki sənədlərin hazırlanması məqsədilə əmlaklara yerində baxış keçirilib və nəticədə 6 müayinə aktı yazılıb, 1 bölgü planı tərtib edilib.
ÖTƏN AY ƏRZİNDƏ NAXÇIVAN ŞƏHƏRİ ÜZRƏ 179 TEXNİKİ SƏNƏD HAZIRLANIB
11.12.2023
Torpaqların idarəçiliyi sahəsində yeni yanaşmaların tətbiqi, əmlak münasibətlərində qanunvericiliyin tələblərinə uyğun olaraq daşınmaz əmlak subyektlərinin dövlət reyestrinin aparılması, eləcə də, qarşıya qoyulmuş mühüm vəzifə və tapşırıqların həlli istiqamətində görülən işlər Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Naxçıvan Şəhərİdarəsi tərəfindən cari ilin noyabr ayında da diqqət mərkəzində saxlanılaraq mütəşəkkil davam etdirilib.
Ötən ay idarə tərəfindən 36 fərdi yaşayış evinə, 67 mənzilə məxsus, ümumilikdə, 103 daşınmaz əmlak obyektinin texniki pasportu hazırlanıb, 76 torpaq sahəsinə dair plan və ölçü tərtib olunaraq hüquq sahiblərinə verilib. Texniki sənədlərin hazırlanması zamanı 16 bölgü planı və 11 müayinə aktı tərtib olunub. Şəhər üzrə əmlakların qiymətləndirilməsi prosesi də davam etdirilib, müraciət əsasında 3 əmlak qiymətləndirilib.
Dövlət və bələdiyyə torpaqlarından, həmçinin xüsusi mülkiyyətdə olan torpaqlardan təyinatı üzrə istifadə vəziyyəti və onların mühafizəsi mütəmadi olaraq nəzarətdə saxlanılıb.
Bugün 
