Mətbuat xidməti
2023-CÜ İL ÜZRƏ SƏDƏRƏK RAYONUNDA QEYDİYYATA ALINMIŞ ƏMLAKLARIN SAYINDA 20% ARTIM MÜŞAHİDƏ OLUNUB
29.01.2024
Yanvar-dekabr ayları üzrə aparılan təhlillərin nəticəsi göstərir ki, Sədərək rayonunda daşınmaz əmlak üzərində hüquqlarının dövlət reyestrində qeydiyyata alınmasına sakinlərin marağı yüksək olub. Sədərək rayonunda əvvəlki illə müqayisədə ötən il hazırlanan mülkiyyət sənədlərinin sayında 20 faiz artım qeydə alınıb.
İl ərzində mülkiyyət sənədlərinin hazırlanması üçün daxil olan 132 müraciət qeydə alınaraq vaxtlı-vaxtında icra edilib. Müraciətlərə əsasən ümumilikdə, 34 daşınmaz əmlak obyektinin texniki pasportu vətəndaşlara təqdim edilib, 98 torpaq sahəsinə dair plan və ölçü hazırlanıb.
Mülkiyyət sənədlərinin hazırlanması zamanı əmlaklara yerində baxış keçirilərək ümumilikdə, 55 müayinə aktı tərtib olunub. Daxil olan müraciətlər əsasında 459 sosial arayış, 54 məhdudiyyət və yüklülüyə dair arayış verilib, 2 bölgü və 1 birləşmə planı hazırlanaraq aidiyyəti üzrə təqdim edilib.
CULFA RAYONUNDA HAZIRLANAN MÜLKİYYƏT SƏNƏDLƏRİNİN SAYI 86% ARTIB
19.01.2024
Culfa rayonunda daşınmaz əmlak obyektləri üzərində mülkiyyət hüquqlarının qeydiyyata alınması və müdafiəsi sahəsində işlərin daha səmərəli təşkil edilməsi, torpaqlardan təyinatı üzrə istifadəyə və onların mühafizəsinə nəzarətin həyata keçirilməsi diqqətdə saxlanılıb.
Ötən il ərzində daxil olan müraciətlərə əsasən 194 fərdi yaşayış evinə, 88 mənzilə, 15 qeyri-yaşayış binasına, 30 qeyri-yaşayış sahəsinə məxsus olan 327 daşınmaz əmlak obyektinin texniki pasportu hazırlanıb, 346 torpaq sahəsinin plan-ölçüsünü tərtib edərək vətəndaşlara təqdim edib. 2023-cü ildə rayon üzrə hazırlanmış texniki sənədlərin sayı 86 faiz artıb.
2023-cü ildə texniki sənədlərin tərtibi zamanı 252 müayinə aktı yazılıb, 43 bölünmə və birləşmə planı hazırlanaraq arxiv sənədlərinə əlavə edilib. Dövlət reyestrindən 806 çıxarışın, məhdudiyyət və yüklülüyə dair 294 arayışın verilməsi ilə əlaqədar qəbul edilən hüquqi sənədlər ilkin olaraq yoxlanılıb və qanunvericiliyə uyğun icra edilib. 409 sosial arayış hazırlanaraq aidiyyəti üzrə təqdim olunub.
ÖTƏN İL ŞAHBUZ RAYONUNDA ƏMLAKLARIN TEXNİKİ İNVENTARLAŞDIRILMASI 73% ARTIMLA YERİNƏ YETİRİLİB
16.01.2024
Muxtar respublika sakinlərinin əmlak və torpaq məsələləri ilə bağlı müraciətlərinə 2023-cü ildə də operativ şəkildə baxılıb, müvafiq məsələlər qanunvericiliyin tələblərinə uyğun olaraq öz həllini tapıb. Əmlak Məsələləri Dövlət Xidmətinin Şahbuz Rayon Şöbəsi hesabat ili ərzində rayonda 578 vətəndaşın müraciətini qəbul edib.
Rayon şöbəsi tərəfindən hazırlanan mülkiyyət sənədlərinin sayı əvvəlki ilin göstəricilərini 73 faiz üstələyib. Daxil olan müraciətlərə əsasən 369 torpaq sahəsinə dair plan-ölçü, 176 fərdi yaşayış evinə, 15 mənzilə, 4 qeyri-yaşayış binasına, 17 qeyri-yaşayış sahəsinə məxsus 212 daşınmaz əmlak obyektinə dair texniki pasport hazırlanaraq hüquq sahiblərinə təqdim edilib.
İl ərzində 5 əmlakın bazar dəyərinə uyğun qiymətləndirilməsi icra edilib. Texniki sənədlərin hazırlanması zamanı rayonun yaşayış məntəqələrindəki əmlaklara yerində baxış keçirilib və nəticədə 402 müayinə aktı tərtib edilib. Məhdudiyyət və yüklülüyə dair 168, əmlakın olub-olmamasına dair 180 arayış verilib, 5 bölgü planı, 30 dublikat sənəd hazırlanaraq vətəndaşlara təqdim olunub.
NAXÇIVAN ŞƏHƏRİNDƏ HAZIRLANAN MÜLKİYYƏT SƏNƏDLƏRİNİN SAYI ARTIB
15.01.2024
Vətəndaşların daşınmaz əmlakla bağlı müraciətlərinə operativ baxılması və daşınmaz əmlaka məxsus texniki sənədlərin hazırlanması Əmlak Məsələləri Dövlət Xidmətinin Naxçıvan Şəhər İdarəsi tərəfindən 2023-cü ildə mütəşəkkil həyata keçirilib. Əvvəlki ilin müvafiq dövrü ilə müqayisədə şəhər üzrə hazırlanan texniki sənədlərin sayında 72 faiz artım müşahidə olunub.
Ötən dövrdə daxil olan müraciətlərə əsasən İdarə 706 fərdi yaşayış evinə, 352 mənzilə, 5 qeyri-yaşayış binasına, 25 qeyri-yaşayış sahəsinə məxsus ümumilikdə 1088 daşınmaz əmlak obyektinin texniki pasportunu hazırlayıb, 632 torpaq sahəsinin plan-ölçüsünü tərtib edərək vətəndaşlara təqdim edilib.
Hesabat dövründə texniki sənədlərin tərtibi zamanı 213 bölgü planı, 157 müayinə aktı tərtib edilərək arxiv sənədlərinə əlavə olunub. 22 əmlakın bazar dəyərinə uyğun qiymətləndirilməsi icra olunub, müvafiq hesabatlar hazırlanıb.
Təhlil olunan 2023-cü il ərzində vətəndaşlardan daxil olan şifahi və yazılı müraciətlər yerində araşdırılıb, əmlaklara baxış keçirilib və qanunvericiliyin tələbləri onlara izah edilib. Yaşayış məntəqələrində dövlət və bələdiyyə, həmçinin xüsusi mülkiyyətdə olan torpaqlardan təyinatı üzrə istifadə vəziyyəti və onların mühafizəsi mütəmadi olaraq nəzarətdə saxlanılıb.
Bugün 
