Mətbuat xidməti
ŞƏRUR RAYONUNDA BƏLƏDİYYƏ SƏDRLƏRİ ÜÇÜN MAARİFLƏNDİRİCİ SEMİNAR KEÇİRİLİB
06.06.2023
Rayonun bələdiyyə sədrləri və qulluqçularının iştirakı ilə keçirilən maarifləndirici seminar “Bələdiyyə torpaqlarının idarə olunmasında qanunvericiliyin tələbləri” mövzusuna həsr olunub.
Şərur Rayon İcra Hakimiyyətinin əməkdaşı Sahib Qurbanov seminarı giriş sözü ilə açaraq maarifləndirici tədbirin əhəmiyyətindən danışıb, bələdiyyə orqanlarında işin səmərəli qurulması istiqamətində görüləcək işlərdən bəhs edib.
Seminarda aid təşkilatların nümayəndələri çıxış edərək torpaqlardan, o cümlədən bələdiyyə torpaqlarından təyinatına uyğun istifadə olunması, bələdiyyə torpaqlarının mülkiyyətə və icarəyə verilməsinin ümumi qaydaları, istifadəsi və mühafizəsi sahəsində qanunvericilikdə nəzərdə tutulan əsas məqamları diqqətə çatdırıblar. Bildirib ki, bələdiyyə mülkiyyətinə aid torpaqları mülkiyyətə və ya icarəyə vermək hüququ yerli özünüidarəetmə orqanlarının səlahiyyətinə aiddir.
Təşkil olunan tədbirdə “Şəhərsalma və tikinti fəaliyyətinin hüquqi əsasları, bələdiyyələrin bu sahədə hüquq və vəzifələri”, “Torpaqayırma sənədlərinin hazırlanması və bələdiyyə tərəfindən xüsusi mülkiyyətə ayrılan torpaq sahəsinin bazar qiyməti əsasında müəyyən edilməsi” və digər mövzulara toxunulub, mövzular ətrafında müzakirələr aparılıb.
MAY AYINDA BABƏK RAYONU ÜZRƏ 100-DƏN ARTIQ TEXNİKİ SƏNƏD HAZIRLANIB
06.06.2023
Daşınmaz əmlak və torpağın dövlət reyestrində qeydiyyatının qanunvericiliyin tələblərinə uyğun həyata keçirilməsi, yaradılan hərtərəfli şəraitdən geniş istifadə etməklə vətəndaşlara nümunəvi xidmətlərin göstərilməsi əsas məqsəd kimi qarşıya qoyulub. Bu sahədə uğurlu fəaliyyətin göstərilməsi Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətinin Babək Rayon İdarəsi tərəfindən may ayında da davam etdirilib.
Ötən ay ərzində idarə tərəfindən 26 fərdi yaşayış evinə, 1 qeyri-yaşayış binasına, 1 mənzilə məxsus ümumilikdə, 28 texniki pasport hazırlanıb, 75 torpaq sahəsinə dair plan və ölçü tərtib edilərək vətəndaşlara təqdim olunub. 21 bölgü planı hazırlanaraq arxiv sənədlərinə əlavə edilib, 43 müayinə aktı yazılıb.
Hesabat dövründə hüquqların dövlət qeydiyyatına alınması və dövlət reyestrindən çıxarışın verilməsi üçün idarəyə vətəndaşlar tərəfindən 118 müraciət daxil olub, qəbul edilən sənədlər ilkin olaraq yoxlanıldıqdan sonra qeydiyyata alınıb. 47 məhdudiyyət və yüklülüyə, 27 əmlakın olub-olmamasına dair arayış hüquq sahiblərinə təqdim edilib. 8 vətəndaşın şifahi müraciətinə uyğun olaraq qanunvericiliyin tələbləri izah olunub.
May ayında rayonun Şəkərabad və Kültəpə kəndlərində vətəndaşlara səyyar xidmət göstərilib, Yuxarı Uzunoba kəndində ailə təsərrüfatlarının inkişafı ilə bağlı bələdiyyə sədrləri, ailə təsərrüfatı başçıları və torpaq mülkiyyətçiləri maarifləndiriliblər.
ŞƏRUR RAYON SAKİNLƏRİNİN ƏMLAK VƏ TORPAQ MƏSƏLƏLƏRİ OPERATİV HƏLL EDİLİB
05.06.2023
Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətinin Şərur Rayon İdarəsi tərəfindən ötən ay ərzində daxil olan müraciətlərə vaxtında baxılıb, yaşayış məntəqələrinə səyyar xidmət təşkil edilib, daşınmaz əmlakın dövlət qeydiyyatı diqqətdə saxlanılıb.
May ayında rayon üzrə görülən işlər çərçivəsində 14 fərdi yaşayış evinin, 5 mənzilin, 4 qeyri-yaşayış binasının, 1 qeyri-yaşayış sahəsinin, 2 əmlak kompleksi kimi müəssisənin, ümumilikdə 26 daşınmaz əmlak obyektinin texniki pasportu hazırlanıb. Həmçinin, 57 həyətyanı, 62 kənd təsərrüfatı təyinatlı torpaq sahəsinin planı və ölçüsü tərtib edilərək hüquq sahiblərinə təqdim olunub. Texniki sənədlərin hazırlanması zamanı 7 birləşmə planı tərtib edilib, 43 müayinə aktı yazılıb.
Müvafiq dövrdə rayon sakinlərinin müraciətləri əsasında 128 sosial arayış, 58 məhdudiyyət və yüklülüyə dair arayış verilib. 12 vətəndaşın şifahi müraciətinə baxılaraq qanunvericiliyin tələblərinə uyğun həll edilib.
“Naxçıvan Muxtar Respublikasında ailə təsərrüfatlarının inkişafı ilə bağlı Tədbirlər Planı”na uyğun olaraq ailə təsərrüfatlarında əkinlərin əkin atlaslarına uyğun olaraq keçirilməsi və torpaqlardan səmərəli istifadə edilməsi məqsədilə rayonun Yengicə kəndində maarifləndirici tədbir keçirilib.
ÖTƏN AY 1000-Ə YAXIN DAŞINMAZ ƏMLAK OBYEKTİ DÖVLƏT QEYDİYYATINA ALINIB
02.06.2023
Muxtar respublikada torpaqlardan səmərəli, təyinatına uyğun istifadəyə və onların mühafizəsinə dövlət nəzarəti, daşınmaz əmlakın kadastrı və reyestrinin təkmilləşdirilməsi sahəsində ardıcıl fəaliyyətin təmin edilməsi cari ilin may ayında da Daşınmaz Əmlak və Torpaq Məsələləri üzrə Dövlət Xidməti tərəfindən diqqətdə saxlanılıb, Xidmətin bütün fəaliyyət istiqamətləri üzrə işlər uğurla yerinə yetirilib. Hesabat ayında daxil olan müraciətlər əsasında ümumilikdə 998 daşınmaz əmlak obyekti üzərində mülkiyyət hüquqları dövlət qeydiyyatına alınıb.
Müvafiq dövr ərzində “Naxçıvan Muxtar Respublikasında ailə təsərrüfatlarının inkişafı ilə bağlı Tədbirlər Planı”na uyğun olaraq aid təşkilatların nümayəndələri ilə birgə Şərur rayonunun Yengicə və Babək rayonunun Yuxarı Uzunoba kəndlərində bələdiyyə sədrlərinin, ailə təsərrüfatı başçılarının, torpaq mülkiyyətçilərinin, istifadəçilərinin və icarəçilərinin iştirakı ilə maarifləndirici tədbirlər keçirilib.
2023-cü ilin may ayında vətəndaşlar tərəfindən Xidmətə daxil olan müraciətlər əsasında ümumilikdə 695 texniki sənəd hazırlanıb. Muxtar respublika üzrə ilkin qeydiyyat, bölünmə və birləşmə nəticəsində yeni yaranan 74 daşınmaz əmlak obyektinə ünvan verilib. Məhdudiyyət və yüklülüyə dair 371 arayış vətəndaşlara təqdim edilib, elektron informasiya sistemi vasitəsilə 414 əmlaka dair məhdudiyyət və yüklülük haqqında məlumat notariat ofislərinə göndərilib.
Xidmətin fəaliyyət istiqamətləri üzrə təqdim etdiyi elektron xidmətlərə hüquqi və fiziki şəxslər tərəfindən daxil olan 114 müraciət qəbul edilərək icra olunması üçün aidiyyəti üzrə yönəldilib. Həmçinin, may ayında istifadəyə verilən “ASAN xidmət” Mərkəzində müvafiq xidmət növləri üzrə ümumilikdə 136 vətəndaş müraciəti qəbul edilib.
Bugün 
