ÖTƏN AY ƏRZİNDƏ 876 DAŞINMAZ ƏMLAK OBYEKTİ ÜZƏRİNDƏ MÜLKİYYƏT HÜQUQLARI DÖVLƏT REYESTRİNDƏ QEYDİYYATA ALINIB

05.12.2023

Naxçıvan Muxtar Respublikasında əmlak və torpaq münasibətlərinin qanunvericiliklə tənzimlənməsi, vətəndaşların mülkiyyət hüquqlarının dövlət qeydiyyatının operativ yerinə yetirilməsi, torpaqların mühafizəsinə və onlardan təyinatı üzrə istifadəyə dövlət nəzarəti Daşınmaz Əmlak və Torpaq Məsələləri üzrə Dövlət Xidməti tərəfindən 2023-cü ilin noyabr ayında da prioritet istiqamət kimi müəyyənləşdirilib, göstərilən xidmətlər mütəşəkkil qaydada həyata keçirilib.

Vətəndaş müraciətlərinə əsasən cari ilin noyabr ayı ərzində ümumilikdə 876 daşınmaz əmlak obyekti üzərində mülkiyyət hüquqları dövlət reyestrində qeydiyyata alınıb. Bu dövrdə 689 texniki sənəd hazırlanıb.

Ardını oxu »

KƏNGƏRLİ RAYONUNDA BƏLƏDİYYƏLƏR ÜÇÜN NÖVBƏTİ TƏDBİR KEÇİRİLİB

29.11.2023

Naxçıvan Muxtar Respublikası Ədliyyə Nazirliyi və Daşınmaz Əmlak və Torpaq Məsələləri üzrə Dövlət Xidmətinin birgə təşkilatçılığı ilə Kəngərli rayonunda fəaliyyət göstərən bələdiyyə sədrləri və üzvləri üçün maarifləndirici tədbir keçirilib.

“Bələdiyyə mülkiyyətində olan torpaqların icarəyə verilməsinin xüsusiyyətləri” mövzusuna həsr olunan tədbirdə bələdiyyə mülkiyyətində olan torpaqların icarəyə verilməsini tənzimləyən qanunvericiliyin tələbləri və digər vacib məlumatlar diqqətə çatdırılıb.

Çıxış edənlər bildirib ki, ölkəmizdə aparılan torpaq islahatları nəticəsində yerli özünüidarəetmə orqanlarına torpaq sahələri ayrılıb və bu torpaq sahələri ərzaq bolluğunun yaradılmasında mühüm yer tutur. Bələdiyyələrin mülkiyyətlərində olan ehtiyat fondu torpaqlarının hüquqi və fiziki şəxslərin icarəsinə verilməsi isə sakinlərin kənd təsərrüfatı məhsullarına olan tələbatının ödənilməsində xüsusi rol oynayır.  

Ardını oxu »

CARİ İLİN DOQQUZ AYINDA GÖRÜLƏN İŞLƏRƏ HƏSR OLUNMUŞ KOLLEGİYA İCLASI KEÇİRİLİB

27.11.2023

Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətində növbəti kollegiya iclası keçirilib. İclası Xidmətin rəisi Müslüm Cabbarzadə açıb.

Xidmət aparatının rəhbəri Ayaz Cabbarov Xidmətin Babək, Ordubad və Culfa rayon idarələrinin fəaliyyətinin yoxlanılması və əməli köməklik göstərilməsi, Xidmətin şöbə müdiri Arzu Məmmədov Xidmətin fəaliyyət istiqamətləri üzrə göstərilən səyyar və elektron xidmətlər, şöbə müdiri Əkbər Əliyev yeni yaranmış daşınmaz əmlak obyektlərinin ünvan elementlərinin naturada müəyyənləşdirilməsi və elektron xəritələr üzərində müvafiq qeydiyyatın aparılması, şöbə müdiri İntizar Həziyev isə rəqəmli kartoqrafiya məlumatı bankının, elektron xəritələr, geodeziya məlumatları və coğrafi adlar üzrə kataloqların yaradılması ilə əlaqədar çıxış edərək 2023-cü ilin ötən dövrü ərzində müvafiq sahələrdə görülən işləri diqqətə çatdırıblar. Müzakirə olunan məsələlərə dair qərar layihələri oxunaraq səsə qoyulub və qəbul edilib.

Ardını oxu »

“RƏQƏMSAL DÜNYAMIZ – GEO DATA” MÖVZUSUNDA ELMİ-PRAKTİKİ KONFRANS KEÇİRİLİB

23.11.2023

Azərbaycan Respublikası Naxçıvan Muxtar Respublikası Rəqəmsal İnkişaf və Nəqliyyat Nazirliyinin və Daşınmaz Əmlak və Torpaq Məsələləri üzrə Dövlət Xidmətinin birgə təşkilatçılığı ilə “Heydər Əliyev İli” çərçivəsində Naxçıvan Biznes Mərkəzində “Rəqəmsal dünyamız – GEO Data” mövzusunda elmi-praktiki konfrans keçirilib.

Konfransı giriş sözü ilə açan Naxçıvan Muxtar Respublikası Rəqəmsal İnkişaf və Nəqliyyat nazirinin müavini, nazir vəzifəsini müvəqqəti icra edən Rahid Ələkbərli konfransın əhəmiyyətinə toxunaraq vurğulayıb ki, dövrümüzdə coğrafi obyektlərin təsvirinin verilməsi və yaxud onların canlı xəritələrə köçürülməsinin bir sıra üstünlükləri mövcuddur. Hazırlanmış rəqəmsal xəritələrdə muxtar respublikanın inzibati ərazi vahidləri ilə yanaşı bir sıra infrastruktur, kommunikasiya və digər xəritə səviyyələrinin yaradılması və mütəmadi işlənməsi mümkündür. Bu da nəticə etibarı ilə vətəndaşlara keyfiyyətli xidmət göstərilməsi və onların rahatlığının təmin edilməsinə, bu sahədə əhəmiyyətli uğurların qazanılmasına şərait yaradacaqdır.

Ardını oxu »