XİDMƏTİN ƏMƏKDAŞLARI ARASINDA “XƏMSƏ” MİLLİ İNTELLEKTUAL OYUNU KEÇİRİLİB

19.06.2023

Naxçıvan şəhərindəki Gənclər Mərkəzində təşkil olunan “Xəmsə” Milli İntellektual Oyunu ümummilli lider Heydər Əliyevin 100 illik yubileyinə həsr olunub. İntellekt yarışında Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidməti aparatının, şəhər, rayon idarə və şöbələrinin, həmçinin Xidmətin tabeliyində olan “Yerquruluşu, Geodeziya və Kartoqrafiya” Məhdud Məsuliyyətli Cəmiyyətinin əməkdaşları iştirak edib. Oyunda iştirak edən gənclər ümumilikdə 4 komanda şəklində rəqabət aparıblar.

Oyun proqrama uyğun olaraq 5 raunddan - “Bəlli”, “Şərtli”, “Sirli”, “Fərdi” və “Xəmsə” raundlarından ibarət olub. Hər raunda uyğun olaraq iştirakçılar müxtəlif mövzularla bağlı səsləndirilən sualları cavablandırmağa çalışıblar.

Ardını oxu »

CULFA RAYONUNDA BƏLƏDİYYƏ ÜZVLƏRİ ÜÇÜN SEMİNAR KEÇİRİLİB

13.06.2023

Rayonun bələdiyyə sədrlərinin və üzvlərinin iştirakı ilə keçirilən seminarda “Bələdiyyə torpaqlarının idarə olunmasında qanunvericiliyin tələbləri” mövzusuna toxunulub, məsələ ilə bağlı maarifləndirmə aparılıb. Naxçıvan Muxtar Respublikası Ədliyyə Nazirliyinin, Daşınmaz Əmlak və Torpaq Məsələləri üzrə Dövlət Xidmətinin və digər aidiyyəti qurumların birgə təşkil etdiyi tədbirdə Culfa Rayon İcra Hakimiyyətinin şöbə müdiri İlqar Novruzov bələdiyyə torpaqlarının səmərəli idarə olunmasının perspektivlərindən danışıb.

Aid qurumların əməkdaşları təşkil olunan maarifləndirici seminarın əsas mahiyyətini diqqətə çatdırıb, bələdiyyə mülkiyyətindəki torpaqlardan təyinatına uyğun, səmərəli, qanunvericiliklə nəzərdə tutulmuş qaydada və müddətdə istifadə olunması, “Bələdiyyə torpaqlarının idarə edilməsi haqqında” Azərbaycan Respublikasının Qanunu ilə müəyyən olunan bu kateqoriya torpaqların mülkiyyətə və icarəyə verilməsinin ümumi qaydaları, istifadəsi və mühafizəsi barədə ətraflı məlumat veriblər.

Ardını oxu »

KƏNGƏRLİ RAYONUNDA DAŞINMAZ ƏMLAKIN QEYDİYYATI MƏSƏLƏSİ DİQQƏT MƏRKƏZİNDƏDİR

08.06.2023

Daşınmaz əmlak üzərində hüquqların əmələ gəlməsi, başqasına keçməsi, məhdudlaşdırılması və xitam verilməsinin dövlət qeydiyyatı, əmlak və torpaq münasibətlərinin tənzimlənməsi ötən ay ərzində də Daşınmaz Əmlak və Torpaq Məsələləri üzrə Dövlət Xidmətinin Kəngərli Rayon Şöbəsi tərəfindən diqqətdə saxlanılıb. Müvafiq dövrdə rayon ərazisindəki dövlət və bələdiyyə torpaqlarından, həmçinin xüsusi mülkiyyətdə olan torpaqlardan səmərəli və təyinatına uyğun istifadə vəziyyəti mütəmadi olaraq nəzarətdə saxlanılıb.

Sakinlər tərəfindən şöbəyə daxil olan müraciətlərlə əlaqədar 8 fərdi yaşayış evinin, 1 qeyri-yaşayış binasının texniki pasportu hazırlanıb, 10 torpaq sahəsinin plan və ölçüsü hüquq sahibi olan sakinlərə təqdib edilib. May ayında texniki sənədlərin hazırlanması məqsədilə əmlaklara yerində baxış keçirilib, 7 müayinə aktı yazılıb.

Ardını oxu »

MÜLKİYYƏT HÜQUQLARININ DÖVLƏT QEYDİYYATI DAVAM ETDİRİLİR

07.06.2023

Əmlakın dövlət qeydiyyatı sahəsində həyata keçirilən məqsədyönlü tədbirlər nəticəsində əhaliyə göstərilən xidmətlərin keyfiyyəti yüksəldilib, Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinə daxil olan müraciətlər operativ şəkildə həllini tapıb. Cari ilin may ayında Xidmətin Sədərək Rayon Şöbəsi də qarşıya qoyulan vəzifə və tapşırıqlar üzrə mütəşəkkil qaydada xidmət göstərib. 

Hesabat dövründə şöbə tərəfindən 5 daşınmaz əmlak obyektinin texniki pasportu, 6 torpaq sahəsinin plan-ölçüsü hazırlanaraq sakinlərə təqdim edilib. Həmçinin, məhdudiyyət və yüklülüyə dair 5, əmlakın olub-olmaması ilə bağlı 6 arayış tərtib edilərək hüquq sahiblərinə təqdim edilib. Mülkiyyət sənədlərinin hazırlanması zamanı 6 müayinə aktı yazılaraq arxiv sənədlərinə əlavə olunub. 6 torpaq sahəsinə dair rəy verilib.

Vətəndaşlardan şöbəyə daxil olan 12 şifahi müraciət üzrə sözügedən əmlaklar yerində ilkin baxışdan keçirilib və qanunvericiliyin tələbləri vətəndaşlara izah edilib.

Ardını oxu »