Mətbuat xidməti
ŞAHBUZ RAYONUNDA TORPAQLARDAN QANUNSUZ İSTİFADƏ HALLARININ QARŞISI ALINIR
05.08.2022
Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidməti tərəfindən torpaqlardan istifadəyə və onların mühafizəsinə dövlət nəzarətinin həyata keçirilməsi məqsədilə Şahbuz rayonunda monitorinqlər aparılır.
Cari ilin ötən dövrü ərzində aparılmış yoxlamalar nəticəsində bələdiyyə mülkiyyətində olan torpaq sahələrinin, eyni zamanda yol, kanal və arxların mühafizə zonalarının zəbt edilməsi aşkar edilib, həmin vətəndaşlarla yerli icra nümayəndələri ilə birlikdə fərdi qaydada maarifləndirici söhbətlər aparılıb, vətəndaşlara Azərbaycan Respublikasının Torpaq Məcəlləsinin 111-ci maddəsinin tələbləri, yəni torpaq sahələrinin özbaşına tutulması, zəbt olunmasının qadağan olunduğu izah edilib.
Monitorinq zamanı rayonun Şahbuz şəhəri və Keçili, Şahbuzkənd, Türkeş, Sələsüz, Daylaqlı, Mərəlik, Kiçikoba, Külüs kəndlərinin ərazisində 500-ə yaxın fiziki şəxs tərəfindən bələdiyyə mülkiyyətinə aid torpaq sahəsinin zəbt olunması faktı aşkar olunub. Sakinlər tərəfindən qanunsuz istifadə edilən torpaq sahələrinin metal çəpərləri sökülərək əvvəlki vəziyyətinə, yəni bələdiyyə mülkiyyətinə qaytarılıb.
NÖVBƏTİ SEMİNAR-MÜŞAVİRƏ ORDUBAD RAYONUNDA KEÇİRİLİB
29.07.2022
Naxçıvan Muxtar Respublikasının Kənd Təsərrüfat Nazirliyi, Daşınmaz Əmlak və Torpaq Məsələləri üzrə Dövlət Xidməti, Antiinhisar və İstehlak bazarına Nəzarət Dövlət Xidməti və Ordubad Rayon İcra Hakimiyyətinin birgə təşkilatçılığı ilə 28 iyul 2022-ci il tarixdə Ordubad rayonunun Azadkəndində rayon ərazisində fəaliyyət göstərən ailə təsərrüfatları və torpaq mülkiyyətçiləri ilə seminar-müşavirə keçirilib.
Tədbiri giriş sözü ilə Ordubad Rayon İcra Hakimiyyətinin əməkdaşı Zamiq Babayev açaraq rayonda aqrar sahədə həyata keçirilən tədbirlərdən, qarşıda duran vəzifələrdən, muxtar respublikamızda ailə təsərrüfatlarının inkişafına göstərilən dövlət qayğısından danışıb.
Aid təşkilatların nümayəndələri tərəfindən ailə təsərrüfatlarında istehsal olunan məhsulların təbliği və təşviqi, əkinlərinin əkin atlaslarına uyğun aparılmasının əhəmiyyəti, torpaqlardan səmərəli istifadə sahəsində qanunvericiliyin tələbləri, növbəli əkin sisteminin əhəmiyyəti və şırım üsulunun üstünlükləri, ailə təsərrüfatlarının kiçik sahibkarlıq subyektlərinə çevrilməsi barədə məlumatlar ailə təsərrüfatları nümayəndələrinin və torpaq mülkiyyətçilərinin diqqətinə çatdırılıb.
DAŞINMAZ ƏMLAK VƏ TORPAQ MƏSƏLƏLƏRİ ÜZRƏ DÖVLƏT XİDMƏTİNDƏ YARIM İLİN YEKUNLARI VƏ QARŞIDA DURAN VƏZİFƏLƏR MÜZAKİRƏ EDİLİB
27.07.2022
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətində Naxçıvan Muxtar Respublikası Ali Məclisinin altıncı çağırış yeddinci sessiyasında qarşıya qoyulan vəzifələr və 2022-ci ilin birinci yarım ilində görülmüş işlərlə bağlı kollegiya iclası keçirilib.
Xidmətin rəisi Müslüm Cabbarzadə çıxış edərək bilidirib ki, muxtar respublikada daşınmaz əmlakın qeydiyyatı və torpaq münasibətlərinin tənzimlənməsi sahəsində qarşıya qoyulmuş vəzifələrin icrası diqqətdə saxlanılıb. Naxçıvan Muxtar Respublikası Ali Məclisi Sədrinin qəbul etdiyi qərar, fərman və sərəncamlarda qarşıya qoyulmuş tapşırıqlar və qəbul edilmiş dövlət proqramlarında Xidmətə tapşırılmış vəzifələr uğurla icra edilib.
Şərur, Kəngərli və Şahbuz rayonlarında torpaqlardan istifadə vəziyyətinə dair monitorinqlər aparılıb, torpaqların qanunsuz istifadəsinin aradan qaldırılması üçün müvafiq tədbirlər görülüb. Muxtar respublikanın bütün ərazi vahidləri üzrə dövlət, bələdiyyə və xüsusi mülkiyyətdə əkin dövriyyəsindən kənarda qalan, istifadə olunmayan əkinəyararlı torpaq sahələrinin monitorinqi aparılaraq uçotu dəqiqləşdirilib.
DAŞINMAZ ƏMLAKLA BAĞLI MÜRACİƏTLƏR OPERATİV İCRA OLUNUR
20.07.2022
Daşınmaz əmlak üzərində hüquqların dövlət qeydiyyatına alınması, vətəndaşlara göstərilən xidmətlərin səviyyəsinin yüksəldilməsi, eləcə də vətəndaşların rahatlığının təmin edilməsi 2022-ci ilin I yarımili ərzində Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Şahbuz Rayon Şöbəsi tərəfindən diqqət mərkəzində saxlanılıb.
Şöbə tərəfindən 43 fərdi yaşayış evinə, 10 mənzilə, 2 qeyri-yaşayış binasına məxsus olmaqla, 55 daşınmaz əmlak obyektinə dair texniki pasport, 99 torpaq sahəsinə dair plan-ölçü hazırlanıb. Texniki sənədlərin hazırlanması zamanı əmlaklara yerində baxış keçirilib, 118 müayinə aktı yazılıb.
Hüquqların dövlət qeydiyyatına alınması üçün 168 müraciətə baxılıb. Məhdudiyyət və yüklülüyə dair 112, əmlakın olub-olmamasına dair 89 arayış hazırlanaraq hüquq sahiblərinə təqdim olunub. Vətəndaşlardan daxil olmuş 1 yazılı, 30 şifahi müraciət əsasında əmlaklara yerində baxış keçirilərək, müraciətlər qanunauyğun cavablandırılıb.
Torpaqlardan istifadəyə və onların mühafizəsinə dövlət nəzarətinin həyata keçirilməsi məqsədilə rayonunun Türkeş, Sələsüz, Daylaqlı, Mərəlik, Kiçikoba, Külüs və Şahbuzkənd kəndlərinin ərazisində monitorinqlər başa çatdırılaraq müəyyən edilmiş qanun pozuntularının aradan qaldırılması istiqamətində iş aparılıb.
Bugün 
