KƏNGƏRLİDƏ HAZIRLANAN MÜLKİYYƏT SƏNƏDLƏRİNİN SAYI ÖTƏN İLİN MÜVAFİQ DÖVRÜNDƏKİ GÖSTƏRİCİNİ 69,6% ÜSTƏLƏYİB
10.04.2023
Daşınmaz Əmlak və Torpaq Məsələləri üzrə Dövlət Xidmətinin Kəngərli Rayon Şöbəsi tərəfindən birinci rüb ərzində vətəndaşlardan daxil olan müraciətlərə vaxtında baxılıb, torpaqlardan təyinatı üzrə istifadə edilməsinə nəzarət artırılıb.
Görülən işlər çərçivəsində 2022-ci ilin müvafiq dövrü ilə müqayisədə rayon üzrə hazırlanan mülkiyyət sənədlərinin sayı 69,6% artıb. Belə ki, 3 ayda ümumilikdə 46 daşınmaz əmlak obyektinə dair texniki pasport hazırlanıb, 32 torpaq sahəsinin planı və ölçüsü tərtib edilərək hüquq sahiblərinə təqdim olunub. Texniki sənədlərin hazırlanması zamanı əmlaklara yerində baxış keçirildikdən sonra 5 bölgü planı hazırlanaraq arxiv sənədlərinə əlavə edilib, 44 müayinə aktı yazılıb.
Daşınmaz əmlak üzərində hüquqların dövlət qeydiyyatına alınması üçün müraciətlərə vaxtlı-vaxtında baxılıb, dövlət reyestrindən 105 çıxarış, 3 torpaq sahəsinə dair rəy verilib, məhdudiyyət və yüklülüyə dair 67 arayış, əmlakın olub-olmaması ilə bağlı 94 arayış vətəndaşlara təqdim olunub.
VƏTƏNDAŞ MÜRACİƏTLƏRİNİN OPERATİV CAVABLANDIRILMASI DİQQƏTDƏ SAXLANILIR
07.04.2023
Daşınmaz Əmlak və Torpaq Məsələləri üzrə Dövlət Xidmətinin Babək Rayon İdarəsi tərəfindən vətəndaşlara göstərilən xidmətlərin səviyyəsinin yüksəldilməsi, vətəndaş müraciətlərinə vaxtında cavab verilməsi 2023-cü ilin birinci rübündə də uğurla davam etdirilib.
3 ay ərzində rayon ərazisində bələdiyyə torpaqlarından təyinatı üzrə istifadə vəziyyəti mütəmadi olaraq nəzarətdə saxlanılıb. Bələdiyyə sədrlərinin və üzvlərinin iştirakı ilə bələdiyyə torpaqarının qanunverciliyə uyğun mülkiyyətə verilməsi ilə bağlı seminar keçirilib.
Birinci rüb ərzində müraciətlər əsasında 77 daşınmaz əmlak obyektinin texniki pasportu, 220 torpaq sahəsinin planı və ölçüsü tərtib edilərək vətəndaşlara təqdim olunub. 2022-ci ilin müvafiq dövrü ilə müqayisədə idarə tərəfindən hazırlanan mülkiyyət sənədlərinin sayı 27,5% artıb. Texniki sənədlərin hazırlanması üçün əmlaklara yerində baxış keçirilib, 38 bölgü planı hazırlanaraq arxiv sənədlərinə əlavə edilib, 149 müayinə aktı yazılıb.
CARİ İLİN BİRİNCİ RÜBÜNDƏ DAŞINMAZ ƏMLAKIN QEYDİYYATI SAHƏSİNDƏ ARTIM MÜŞAHİDƏ OLUNUB
06.04.2023
Cari ilin ilk üç ayı ərzində torpaq və digər daşınmaz əmlak obyektləri üzərində mülkiyyət hüquqlarının qeydiyyata alınması və müdafiəsi sahəsində görülən işlər səmərəli təşkil edilib, vətəndaşların müraciətləri operativ cavablandırılıb, daşınmaz əmlak üzərində hüquqların dövlət reyestrində qeydiyyatının keyfiyyətlə həyata keçirilməsi diqqətdə saxlanılıb.
Naxçıvan Muxtar Respublikasının Daşınmaz Əmlak və Torpaq Məslələri üzrə Dövlət Xidməti tərəfindən 2023-cü ilin yanvar-mart ayları ərzində Naxçıvan şəhəri üzrə 974, Şərur rayonu üzrə 381, Babək rayonu üzrə 326, Ordubad rayonu üzrə 104, Culfa rayonu üzrə201, Şahbuz rayonu üzrə 171, Kəngərli rayonu üzrə 86, Sədərək rayonu üzrə 33olmaqla, muxtar respublika üzrə ümumilikdə 2276 daşınmaz əmlak obyekti dövlət qeydiyyatına alınıb. 2022-ci ilin müvafiq dövrü ilə müqayisədə qeydiyyata alınan daşınmaz əmlak obyektlərinin sayı 29% artıb.
Birinci rübdə qeydiyyata alınan daşınmaz əmlak obyektləri bölmələr üzrə 757 torpaq sahəsi, 65 qeyri-yaşayış binası, 89 qeyri-yaşayış sahəsi, 417 mənzil, 919 fərdi yaşayış evi, 1 çoxmərtəbəli yaşayış binası, 28 əmlak kompleksi kimi müəssisədən ibarət olub.
MART AYI ƏRZİNDƏ 754 DAŞINMAZ ƏMLAK OBYEKTİ DÖVLƏT QEYDİYYATINA ALINIB
05.04.2023
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidməti tərəfindən muxtar respublikada daşınmaz əmlakın qeydiyyatı və torpaqlardan istifadəyə dövlət nəzarəti mart ayı ərzində də diqqətdə saxlanılıb, fəaliyyət istiqamətləri üzrə həyata keçirilən tədbirlər uğurla davam etdirilib.
Ötən ay ərzində Naxçıvan Muxtar Respublikasında ailə təsərrüfatlarının inkişafı ilə bağlı Tədbirlər Planının 15-ci bəndinin icrası ilə əlaqədar ailə təsərrüfatlarında əkin atlaslarına uyğun olaraq əkinlərin keçirilməsinə nail olunması və torpaqlardan səmərəli istifadə edilməsi məqsədilə Ordubad rayonunun Sabirkənd və Culfa rayonunun Ərəzin kəndində maarifləndirici tədbirlər keçirilib. Eyni zamanda Naxçıvan Muxtar Respublikası Ədliyyə Nazirliyinin, Hərracların Təşkili üzrə Auksion Mərkəzinin və Xidmətin birgə təşkilatçılığı ilə Babək rayonunun Şəkərabad kəndində bələdiyyə torpaqlarının mülkiyyətə və icarəyə verilməsinə dair bələdiyyə sədrləri maarifləndirilib.
Mart ayında ümumilikdə 754 daşınmaz əmlak obyekti üzərində hüquqlar dövlət qeydiyyatına alınıb, 564 texniki sənəd hazırlanıb, muxtar respublika üzrə ilkin qeydiyyat, bölünmə və birləşmə nəticəsində yeni yaranan 50 daşınmaz əmlak obyektinə ünvan verilib. Həmçinin, 93 torpaq sahəsinin planı və ölçüsü dövlət kadastr kitablarında qeydiyyata alınıb, məhdudiyyət və yüklülüyə dair 422 arayış verilib.
Bugün 
