Mətbuat xidməti
NAXÇIVAN MUXTAR RESPUBLİKASININ İQTİSADİYYAT NAZİRLİYİ YENİ STRUKTURLA FƏALİYYƏTƏ BAŞLAYIB
01.03.2024
Naxçıvan Muxtar Respublikasının davamlı inkişafının təmin edilməsi məqsədi ilə aparılan sosial-iqtisadi islahatlarının dərinləşdirilməsi müvafiq sahələrdə struktur dəyişikliklərinin sürətləndirilməsini və dövlət idarəetmə strukturunun təkmilləşdirilməsini zəruri edir.
Naxçıvan Muxtar Respublikasının Ali Məclisinin Sədri 29 dekabr 2023-cü il tarixdə Naxçıvan Muxtar Respublikasının İqtisadiyyat Nazirliyinin əsasnaməsinin və fəaliyyətinin təmin edilməsi haqqında fərman imzalayıb.
Sözügedən Fərmanda Naxçıvan Muxtar Respublikasının İqtisadiyyat Nazirliyinin və tabeli xidmətlərin (Naxçıvan Muxtar Respublikasının İqtisadiyyat Nazirliyi yanında Dövlət Vergi Xidməti, Antiinhisar və İstehlak Bazarına Nəzarət Dövlət Xidməti, Əmlak Məsələləri Dövlət Xidməti) strukturu, əsasnaməsi və işçilərinin say həddi ilə bağlı 2 ay müddət müəyyən edilib. Bu istiqamətdə işlər 29 fevral 2024-cü il tarixdə yekunlaşdırılıb. İqtisadiyyat Nazirliyi mart ayının 1-dən yeni strukturla fəaliyyətə başlayıb.
ALBANİYA İLƏ İQTİSADİ ƏLAQƏLƏRİN GENİŞLƏNDİRİLMƏSİ MÜZAKİRƏ OLUNUB
01.03.2024
Albaniyanın Baş nazirinin müavini, infrastruktur və energetika naziri Belinda Balluku ilə görüşdə ikitərəfli biznes tərəfdaşlığının, sərmayə qoyuluşunun və birgə fəaliyyətin təşviqi imkanları barədə müzakirə aparılıb, iqtisadi əməkdaşlıq haqqında saziş imzalanıb.
İqtisadiyyat naziri Mikayıl Cabbarov, SOCAR-ın prezidenti Rövşən Nəcəf və Albaniyanın Baş nazirinin müavini, infrastruktur və energetika naziri Belinda Balluku arasında görüş keçirilib.
Görüşdə Albaniya ilə əlaqələrin inkişaf etdiyi, əməkdaşlığın genişləndirilməsində yüksək səviyyəli qarşılıqlı səfərlərin, aparılan danışıqların önəmi vurğulanıb. Qeyd olunub ki, ölkələrimiz arasında iqtisadi əməkdaşlığın gücləndirilməsi ikitərəfli münasibətlər kontekstində mühüm yer tutur. Bu baxımdan işgüzar səfərlərin, görüşlərin və müxtəlif formatlarda tədbirlərin təşkili səmərəli iqtisadi tərəfdaşlığın qurulmasında faydalıdır.
“TYÖ YATIRIM” ŞİRKƏTİNİN TƏSİSÇİSİ İLƏ GÖRÜŞ KEÇİRİLİB
01.03.2024
İqtisadiyyat Nazirliyində Türkiyənin “TYÖ Yatırım” şirkətinin təsisçisi ilə görüşdə ölkəmizdə natrium sianid istehsalı layihəsi müzakirə edilib.
İqtisadiyyat naziri Mikayıl Cabbarov Türkiyənin “TYÖ Yatırım” şirkətinin təsisçisi Yasin Öztürklə görüşüb.
Azərbaycan və qardaş Türkiyə arasında iqtisadi münasibətlərin bütün sahələrdə uğurla inkişaf etdiyi vurğulanıb. Qarşılıqlı etimada əsaslanan əlaqələrin biznes nümayəndələrini əməkdaşlığın inkişafına həvəsləndirdiyi və özəl sektor tərəfindən icra edilən birgə layihələrin hər iki ölkənin iqtisadiyyatının inkişafında mühüm rola malik olduğu qeyd edilib. Ölkəmizdə yaradılmış əlverişli biznes və investisiya mühiti, sənaye zonaları, azad edilmiş ərazilərimizdə investorlar üçün nəzərdə tutulmuş güzəştlər və imkanlar barədə məlumat verilib. Eyni zamanda, işğaldan azad olunmuş ərazilərimizdə Türkiyə şirkətlərinin aktiv fəaliyyət göstərməsindən məmnunluq ifadə olunub.
AVROPA İTTİFAQI İLƏ ƏMƏKDAŞLIQ MƏSƏLƏLƏRİ MÜZAKİRƏ EDİLİB
01.03.2024
Avropa İttifaqı investisiyalarının müəyyən edilməsi və prioritetləşdirilməsi üçün yaradılan yüksək səviyyəli İşçi Qrupunun 2-ci iclasında prioritet məsələlər müzakirə olunub.
Avropa İttifaqı investisiyalarının müəyyən edilməsi və prioritetləşdirilməsi üçün yaradılan yüksək səviyyəli İşçi Qrupunun 2-ci iclası keçirilib.
İclasda iqtisadiyyat nazirinin birinci müavini Elnur Əliyev, Avropa Komissiyasının Şərq Qonşuluğu və İnstitusional Quruculuq üzrə direktoru Adrienn Kirali, Avropa İttifaqının Azərbaycan Respublikasındakı Nümayəndəliyinin rəhbəri Peter Mixalko, xarici işlər və maliyyə nazirliklərinin, Avropa Yenidənqurma və İnkişaf Bankının, Avropa İnvestisiya Bankının nümayəndələri iştirak ediblər.
Bugün 
