Mətbuat xidməti
CARİ İLİN İLK AYINDA 740 DAŞINMAZ ƏMLAK OBYEKTİ QEYDİYYATA ALINIB
08.02.2024
2024-cü ilin yanvar ayında muxtar respublikada torpaqlardan istifadəyə və onların mühafizəsinə dövlət nəzarətinin gücləndirilməsi diqqətdə saxlanılıb, vətəndaşların mülkiyyət hüquqlarının dövlət qeydiyyatına alınması operativ qaydada təmin edilib.
Ötən ay ərzində muxtar respublika üzrə ümumilikdə 740 daşınmaz əmlak obyekti üzərində mülkiyyət hüquqları dövlət reyestrində qeydiyyata alınıb. Texniki sənədlərin hazırlanması zamanı 173 əmlaka dair texniki pasport, 327 torpaq sahəsinə dair plan-ölçü tərtib olunub, ümumilikdə 500 texniki sənəd hazırlanaraq hüquq sahiblərinə təqdim edilib. İlkin qeydiyyat, bölünmə və birləşmə nəticəsində yeni yaranan 58 daşınmaz əmlak obyektinə ünvan verilib.
Vətəndaşların müraciətləri nəzərə alınaraq ötən ay əmlaklarının məhdudiyyət və yüklülüyünə dair 115 arayış verilib, notariat ofislərinə əmlaklara dair məhdudiyyət və yüklülük haqqında 499 halda elektron məlumat göndərilib.
NAXÇIVANIN 10 ŞİRKƏTİNİN MƏHSULLARI BEYNƏLXALQ SƏRGİLƏRDƏ NÜMAYİŞ OLUNUB
08.02.2024
Naxçıvanın ixrac və investisiya imkanlarının təşviqi, yerli şirkətlərin işgüzar əlaqələrinin genişləndirilməsi və tərəfdaşlığın inkişafı istiqamətində tədbirlər davam etdirilir.
2024-cü ilin yanvar ayında Naxçıvanın 10 şirkəti AZPROMO-nun təşkilatçılığı ilə iki sərgidə - “Iraq Fair” və “Green Week Berlin 2024”də iştirak ediblər.
"Made in Azerbaijan" vahid ölkə stendində Naxçıvanın duz, limonad və mineral sular, qənnadı məmulatları, kişmiş, meyvə şirələri, enerji içkiləri, ət konservləri və digər məhsulları nümayiş olunub.
Sərgi çərçivəsində Naxçıvan sahibkarları xarici ölkələrdən olan həmkarları ilə görüşlər keçirib, məhsul ixracına dair müzakirələr aparıblar.
KOB KLASTERDƏ BİRLƏŞMƏKLƏ KOB-LAR BİR SIRA VERGİ GÜZƏŞTLƏRİNDƏN FAYDALANA BİLƏRLƏR
06.02.2024
KOB klaster yaratmaq istəyən kommersiya hüquqi şəxslər KOB klaster şəhadətnaməsi üçün KOBİA-ya müraciət edə bilərlər.
Mikro, kiçik və orta sahibkarlar KOB klaster yaratmaqla bir sıra vergi güzəştləri əldə edə bilərlər. Qanunvericilikdə KOB klaster şirkəti və onun iştirakçısı üçün bir sıra vergi güzəştləri nəzərdə tutulur. Belə ki, KOB klaster şirkəti müvafiq reyestrə daxil edildiyi tarixdən 7 il müddətinə mənfəət, KOB klaster fəaliyyətində istifadə olunan torpaqlara görə torpaq və əmlak vergisindən, texnoloji avadanlıqların və qurğuların idxalı üçün ƏDV-dən azaddır. KOB klasterin iştirakçısı olan şəxs isə 7 il müddətində KOB klaster şirkəti ilə bağlanmış müqavilə əsasında təqdim etdiyi mal üzrə əldə etdiyi mənfəət və ya gəlirin kapital xarakterli xərclərinin çəkilməsinə yönəldilən hissəsinin mənfəət və ya gəlir vergisindən azad olunur.
AZƏRBAYCAN NÜMAYƏNDƏ HEYƏTİ ÇİNDƏ BİR SIRA GÖRÜŞLƏR KEÇİRİB
06.02.2024
İqtisadiyyat nazirinin birinci müavini Elnur Əliyevin rəhbərlik etdiyi nümayəndə heyətinin Çinə səfəri çərçivəsində bir sıra işgüzar görüşlər keçirilib.
İqtisadiyyat nazirinin birinci müavini Elnur Əliyevin rəhbərlik etdiyi nümayəndə heyəti Çinə səfər edib.
Səfər çərçivəsində nümayəndə heyəti Çinin nəqliyyat vasitələri istehsal edən müəssisələrin rəhbərliyi ilə görüş keçirib, zavodların istehsal fəaliyyəti ilə tanış olub. Görüşlərdə ölkəmizin əlverişli biznes mühiti və investorlar üçün yaradılan imkanlar barədə məlumat verilib.
Bugün 
