Azərbaycan Respublikası Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidməti *

İQTİSADİYYAT NAZİRLİYİNDƏ BP ŞİRKƏTİNİN BAŞ İCRAÇI DİREKTORU İLƏ GÖRÜŞ KEÇİRİLİB

14.03.2024

İqtisadiyyat naziri Mikayıl Cabbarov və SOCAR-ın prezidenti Rövşən Nəcəf bp şirkətinin baş icraçı direktoru Mürrey Aukinklosla görüşüblər.

İqtisadiyyat naziri bp şirkəti ilə uzunmüddətli və səmərəli əməkdaşlığın qarşılıqlı inam və etimada əsaslandığını vurğulayıb. bp-nin Azərbaycanın müəllifi olduğu beynəlxalq enerji layihələrinin icrasında, ölkəmizin enerji ehtiyatlarının inkişafında və investisiya layihələrinin həyata keçirilməsində xüsusi rolu qeyd edilib. Görüşdə tərəfdaşlığın inkişaf etdirilməsi imkanları, ölkəmizdə “yaşıl” enerji növlərinə keçidlə bağlı reallaşdırılan layihələr barədə məlumat verilib, işğaldan azad olunmuş Cəbrayıl rayonunda bu il bp tərəfindən inşa ediləcək 240 meqavatlıq günəş elektrik stansiyasının mühüm əhəmiyyət kəsb etdiyi diqqətə çatdırılıb.

Ardını oxu »

XORVATİYANIN İQTİSADİYYAT VƏ DAVAMLI İNKİŞAF NAZİRİ İLƏ GÖRÜŞ KEÇİRİLİB

14.03.2024

Azərbaycanın iqtisadiyyat naziri Mikayıl Cabbarov və Xorvatiyanın iqtisadiyyat və davamlı inkişaf naziri Damir Habijan arasında görüşdə iqtisadi əlaqələrin genişləndirilməsi məsələləri müzakirə olunub.

Azərbaycanın iqtisadiyyat naziri Mikayıl Cabbarovun Xorvatiyanın iqtisadiyyat və davamlı inkişaf naziri Damir Habijan ilə görüşündə iki ölkə arasında iqtisadi münasibətlərin inkişaf etdiyini vurğulanıb. Qeyd edilib ki, əməkdaşlığın müxtəlif istiqamətlər üzrə genişləndirilməsi üçün məqsədyönlü təşəbbüslər həyata keçirilir. Qarşılıqlı işgüzar səfərlər, biznes dairələri arasında əlaqələrin genişlənməsi iqtisadi-ticarət əlaqələrinin güclənməsinə töhfə verir. Ölkələrimiz arasında ticarət əlaqələri inkişaf edir. 2023-cü ilin müvafiq dövrü ilə müqayisədə, 2024-cü ilin yanvar ayında ticarət dövriyyəsi 4 dəfəyə yaxın artıb. Xorvatiya ilə ticarət, investisiya, sənaye, bərpa olunan enerji, minatəmizləmə, turizm və digər istiqamətlər üzrə tərəfdaşlığın möhkəmləndirilməsi üçün geniş imkanlar var.

Görüşdə Azərbaycanın əlverişli işgüzar mühiti, investorlar üçün yaradılmış imkanlar, işğaldan azad olunmuş ərazilərimizin biznes potensialı haqqında məlumat verilib, xorvatiyalı sərmayədarlar ölkəmizdəki biznes fürsətlərindən yararlanmağa dəvət edilib.

Ardını oxu »

XİDMƏT FEVRAL AYINI 900-Ə YAXIN DAŞINMAZ ƏMLAKI QEYDİYYATA ALARAQ BAŞA VURUB

12.03.2024

Muxtar respublikada əmlak və torpaq idarəçiliyində müasir yanaşmaları tətbiq edən Naxçıvan Muxtar Respublikasının İqtisadiyyat Nazirliyi yanında Əmlak Məsələləri Dövlət Xidməti tərəfindən həyata keçirilən daşınmaz əmlakın dövlət qeydiyyatı və texniki sənədlərin hazırlanması sahəsindəki müsbət dinamika fevral ayında da müşahidə olunub.

Cari ilin ötən ayında Naxçıvan Muxtar Respublikası üzrə ümumilikdə 895 daşınmaz əmlak obyektinə məxsus mülkiyyət hüququnun dövlət reyestrində qeydiyyatı aparılıb. Bu dövrdə daxil olmuş vətəndaş müraciətləri əsasında 243 əmlaka dair texniki pasport, 331 torpaq sahəsinə dair plan və ölçü olmaqla, ümumilikdə 574 texniki sənəd hazırlanaraq hüquq sahiblərinə təqdim edilib. İlkin qeydiyyat, bölünmə və birləşmə nəticəsində yeni yaranan 81 daşınmaz əmlak obyektinə ünvan verilib.

Ardını oxu »

UNİVERSİTET - BİZNES ƏMƏKDAŞLIĞI İSTİQAMƏTİNDƏ LAYİHƏLƏR HƏYATA KEÇİRİLİR

11.03.2024

Azərbaycan Texniki Universitetində yaradılmış KOB Model Müəssisəsinin, Mühəndis Emalatxanasının və “AzTU Texnoparkı - Bilişim Vadisi Bakı”nın fəaliyyəti ilə tanışlıq olub.