ÖTƏN RÜB ŞƏRUR RAYONUNDA 333 ƏMLAK DÖVLƏT QEYDİYYATINA ALINIB
19.04.2023
Cari ilin ilk üç ayında Şərur rayonu üzrə torpaq və digər daşınmaz əmlak obyektləri üzərində mülkiyyət hüquqlarının dövlət qeydiyyatına alınması və müdafiəsi sahəsində işlərin daha səmərəli təşkili diqqət mərkəzində saxlanılıb, vətəndaşlardan daxil olan müraciətlər qanunvericiliyə uyğun və operativ icra edilib.
Daşınmaz Əmlak və Torpaq Məsələləri üzrə Dövlət Xidmətinin Şərur Rayon İdarəsi tərəfindən rüb ərzində 143 həyətyanı, 106 kənd təsərrüfatı təyinatlı torpaq sahəsinin plan və ölçüsü tərtib olunub, 84 daşınmaz əmlak obyektinin texniki pasport hazırlanaraq vətəndaşlara təqdim edilib. 2022-ci ilin müvafiq dövrü ilə müqayisədə ötən üç ay ərzində hazırlanan mülkiyyət sənədlərinin sayı 7% artıb. Əmlaklara yerində baxış keçirilərək 5 birləşmə və 2 bölünmə planı hazırlanaraq vətəndaşlara təhvil verilib, 114 müayinə aktı yazılaraq arxiv sənədlərinə əlavə olunub.
İdarə tərəfindən müvafiq dövrdə 2 əmlakın bazar dəyərinə uyğun qiymətləndirilməsi həyata keçirilib. Hüquqların dövlət qeydiyyatına alınması və dövlət reyestrindən çıxarışın verilməsi ilə bağlı 42 vətəndaşınşifahi müraciəti qəbul edilərək icra olunub, 210 sosial, 154 məhdudiyyət və yüklülüyə dair arayış verilib.
Yanvar-mart aylarında rayonun torpaqlarından təyinatına uyğun olaraq istifadə edilməsinə və onların mühafizəsinə dövlət nəzarətinin həyata keçirilməsi istiqamətində də işlər davam etdirilib.
XİDMƏTİN KOLLEKTİVİ ÜÇÜN HEYDƏR ƏLİYEV MUZEYİNDƏ AÇIQ DƏRS KEÇİRİLİB
17.04.2023
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin və Xidmətin tabeliyində olan “Yerquruluşu, Geodeziya və Kartoqrafiya” Məhdud Məsuliyyətli Cəmiyyətinin kollektivləri “Heydər Əliyev İli” ilə əlaqədar Heydər Əliyev Muzeyində açıq dərs keçiblər.
Tədbirdə Xidmətin əməkdaşlarına Ulu Öndərin zəngin dövlətçilik və ictimai-siyasi fəaliyyəti barədə məlumat verilib. Heydər Əliyev Muzeyinin direktoru Ramil Orucəliyev Azərbaycan xalqı və dövləti qarşısında misilsiz xidmətləri olan ümummilli liderin mənalı ömür yolundan ətraflı bəhs edib. Bildirilib ki, Ulu Öndər Heydər Əliyevin çoxşaxəli fəaliyyəti zamanı Azərbaycanın inkişafı və milli dövlətçiliyin gücləndirilməsi istiqamətində ən mühüm addımlar atılıb. Görkəmli dövlət xadiminin dövlət idarəçiliyinin, xarici və dövlət siyasətinin, mədəniyyətimizin, elmimizin hərtərəfli inkişafı üçün gördüyü işlər konkret nəticələr verib.
İştirakçıların diqqətinə çatdırılıb ki, bütün varlığı ilə Vətənə, xalqa bağlı olan dahi lider öz həyatını, zəngin dövlətçilik təcrübəsini Azərbaycanın xoşbəxt gələcəyinə həsr edib. Bu gün Prezident İlham Əliyevin rəhbərliyi ilə qazanılan bütün uğur və nailiyyətlərin əsasında ümummilli liderin müəyyənləşdirdiyi siyasi kurs və bu kursun böyük əzmlə davam etdirilməsi faktı dayanır. Aparılan məqsədyönlü tədbirlər nəticəsində Azərbaycan Respublikasının, o cümlədən muxtar respublikanın bugünkü nailiyyətləri məhz dahi liderin inkişaf və tərəqqi haqqında düşüncə və arzularının uğurla yerinə yetirilməsinin göstəricisidir.
BİRİNCİ RÜB ƏRZİNDƏ VƏTƏNDAŞLARA DAŞINMAZ ƏMLAKLA BAĞLI KEYFİYYƏTLİ XİDMƏT GÖSTƏRİLİB
11.04.2023
Daşınmaz Əmlak və Torpaq Məsələləri üzrə Dövlət Xidmətinin Sədərək Rayon Şöbəsi tərəfindən ötən 3 ayda daşınmaz əmlakın qeydiyyatı və torpaqlardan istifadəyə nəzarət gücləndirilib, sakinlərin müraciətləri üzrə operativlik təmin olunub.
Yanvar-mart ayları ərzində şöbə tərəfindən 6 daşınmaz əmlak obyektinə məxsus texniki pasport hazırlanıb, 19 torpaq sahəsinin planı və ölçüsü tərtib edilərək vətəndaşlara təqdim edilib. 2022-ci ilin müvafiq dövrü ilə müqayisədə hazırlanan mülkiyyət sənədlərinin sayı rayon üzrə 39% artıb.
Vətəndaşların müraciətlərinə əsasən ötən rüb məhdudiyyət və yüklülüyə dair 23, əmlakının olub olmaması ilə bağlı 18 arayış verilib. Texniki sənədlərin hazırlanması məqsədilə əmlaklara yerində baxış keçirilib və 15 müayinə aktı yazılaraq rayon sakinlərinə təqdim edilib.
Daxil olan 30 şifahi müraciətlə əlaqədar operativ olaraq əmlaklara yerində baxış keçirilib, qanunvericiliyin tələbləri vətəndaşlara ətraflı şəkildə izah edilərək qanunamüvafiq icra edilib.
Şöbə tərəfindən rayon ərazisində olan dövlət, bələdiyyə və xüsusi mülkiyyətdə olan torpaqlardan təyinatı üzrə istifadə vəziyyəti və onların mühafizəsi mütəmadi olaraq nəzarətdə saxlanılıb.
BABƏK RAYONUNDA TORPAQLARIN MÜNBİTLİYİNİN ARTIRILMASI İLƏ BAĞLI MAARİFLƏNDİRİCİ TƏDBİR KEÇİRİLİB
10.04.2023
Şıxmahmud kəndində təşkil olunan maarifləndirici tədbirdə Babək Rayon İcra Hakimiyyətinin əməkdaşı Müşviq Məmmədsoy dövlət dəstəyi ilə son illər Babək rayonunda kənd təsərrüfatı sahəsinin inkişafından danışıb, qarşıya qoyulan tapşırıqların icrası ilə bağlı görülən işləri diqqətə çatdırıb.
Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətinin, Kənd təsərrüfatı və Ekologiya və təbii sərvətlər nazirliklərinin, “Meliorasiya və Su Təsərrüfatı” Açıq Səhmdar Cəmiyyətinin əməkdaşları çıxış edərək torpaq mülkiyyətçilərinə kənd təsərrüfatı məhsullarının istehsalı, emalı və ixracının stimullaşdırılması, həmçinin torpaqların münbitliyinin artırılmasına dair qəbul edilmiş müvafiq Dövlət Proqramlarının həyata keçirilməsi ilə bağlı görülən tədbirlər barədə məlumat veriblər.
Aid təşkilatların nümayəndələri tərəfindən torpaqlardan təyinatına uyğun səmərəli istifadə edilməsi və əkilməyən kənd təsərrüfatına yararlı torpaqların əkin dövriyyəsinə cəlb edilməsi, gübrələrdən düzgün istifadənin məhsuldarlıqda əsas amil olması, yay, qış otlaqlarında və digər otlaq ərazilərdə eroziyanın və səhralaşmanın qarşısının alınması, qrunt sularının səviyyəsinin yüksək olduğu ərazilərdə yeni drenaj-kollektor şəbəkələrinin tikintisinin üstünlüyü barədə iştirakçılar maarifləndirilib.
Bugün 
