ŞƏRUR RAYONUNDA TARLA SEMİNAR-MÜŞAVİRƏ KEÇİRİLİB
25.05.2023
Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətinin, Antiinhisar və İstehlak Bazarına Nəzarət Dövlət Xidmətinin və Şərur Rayon İcra Hakimiyyətinin birgə təşkilatçılığı ilə rayonun Yengicə kəndində tarla seminar-müşavirə keçirilib.
Rayonun torpaq mülkiyyətçilərinin və ailə təsərrüfatçılarının iştirak etdiyi seminar-müşavirəni Rayon İcra Hakimiyyətinin əməkdaşı Baaddin Qasımov açaraq muxtar respublikanın ailə təsərrüfatçılarına, o cümlədən Şərurun torpaq mülkiyyətçilərinə göstərilən davamlı dövlət dəstəyindən, aqrar sahənin inkişafından danışıb.
Tarla seminarda aqrar sahə ilə bağlı qanunvericilikdə nəzərdə tutulan tələblər, əkin zamanı əkin atlaslarına riayət olunması, ailə təsərrüfatlarında meyvə, tərəvəz və bostan məhsullarının qurudulub qablaşdırılması qaydaları ilə bağlı təsərrüfat sahiblərinə məlumat verilib.Vurğulanıb ki, dövlət tərəfindən ailə təsərrüfatlarının inkişafına göstərilən qayğı, o cümlədən bu sahəyə ayrılan güzəştli kreditlər və istehsal olunan məhsulların satışının təşkili ailə təsərrüfatçılarına stimul verib.
VƏTƏNDAŞLARIN DAŞINMAZ ƏMLAKIN QEYDİYYATI İLƏ BAĞLI MÜRACİƏTLƏRİ OPERATİV ŞƏKİLDƏ İCRA OLUNUB
17.05.2023
Daşınmaz Əmlak və Torpaq Məsələləri üzrə Dövlət Xidmətinin Şahbuz Rayon Şöbəsi cari ilin aprel ayı ərzində vətəndaş müraciətlərinin həllinə operativ yanaşıb, rayonda əmlak üzərində hüquqların dövlət reyestrində qeydiyyata alınmasını nəzarətdə saxlayıb.
Ay ərzində 30 torpaq sahəsinə dair plan-ölçü, 17 fərdi yaşayış evinə, 2 qeyri-yaşayış sahəsinə məxsus olmaqla, ümumilikdə 19 texniki pasport hazırlanaraq vətəndaşlara təqdim olunub. Hüquqların dövlət qeydiyyatına alınması üçün 58 müraciətə baxılıb.
Şöbəyə daxil olan müraciətlər əsasında texniki sənədlərin hazırlanması ilə bağlı əmlaklara yerində baxış keçirilib, 32 müayinə aktı, 1 bölgü planı tərtib olunub. Məhdudiyyət və yüklülüyə dair 27, əmlakın olub-olmamasına dair 12 arayış, 1 dublikat sənəd verilib.
CULFA RAYONDA HÜQUQLARIN DÖVLƏT QEYDİYYATINA ALINMASI APREL AYINDA DA YÜKSƏK SƏVİYYƏDƏ TƏŞKİL OLUNUB
16.05.2023
Daşınmaz əmlak üzərində hüquqların əmələ gəlməsinin, başqasına keçməsinin, məhdudlaşdırılmasının və xitam verilməsinin dövlət qeydiyyatı, texniki sənədlərin hazırlanması ilə bağlı görülən işlər Daşınmaz Əmlak və Torpaq Məsələləri üzrə Dövlət Xidmətinin Culfa Rayon İdarəsi tərəfindən ötən ay da diqqətdə saxlanılıb.
Rayon İdarəsi tərəfindən aprel ayı ərzində 14 fərdi yaşayış evinə, 20 mənzilə, 2 qeyri-yaşayış sahəsinə məxsus 36 texniki pasport hazırlanıb, 17 torpaq sahəsinə dair plan-ölçü tərtib edilərək hüquq sahiblərinə təqdim olunub. Texniki sənədlərin hazırlanması zamanı 16 müayinə aktı yazılıb, 5 bölgü planı hazırlanaraq arxiv sənədlərinə əlavə edilib.
Dövlət reyestrindən 61 çıxarış, 21 sosial, 17 məhdudiyyət və yüklülüyə dair arayışın verilməsi ilə əlaqədar qəbul edilən hüquqi sənədlər ilkin mərhələdə yoxlanılaraq icra edilib.
XİDMƏTİN ƏMƏKDAŞLARI VƏ TƏLƏBƏLƏR ÜÇÜN NÖVBƏTİ TƏLİM KEÇİRİLİB
12.05.2023
Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətində təşkil olunan təlimə Xidmətin aparatının, şəhər, rayon idarə və şöbələrinin əməkdaşları, həmçinin Xidmətin hamiliyinə verilmiş Naxçıvan Dövlət Universitetinin “Yerquruluşu və daşınmaz əmlakın kadastrı” ixtisasında təhsil alan tələbələr cəlb olunub.
Təlimdə Xidmətin əməkdaşı Ramil Mirzəyev daşınmaz əmlakla bağlı sənədlərin qəbulu, ilkin ekspertizası və milli qeydiyyat sisteminə daxil edilməsi, vətəndaşlardan qəbul edilən sənədlərin ilkin olaraq düzgünlüyünün yoxlanılması, ərizəçilərin təqdim etdiyi ərizələrin doldurulması qaydaları və sənədlərin milli qeydiyyat sisteminə daxil edilməsi ilə bağlı iştirakçılar ətraflı məlumat verib.
Qeyd olunub ki, hüquqların mövcudluğunu, əldə edilməsini, başqasına keçməsini, məhdudlaşdırılmasını (yüklənməsini), onlara xitam verilməsini təsdiq edən sənədlər hüquqların dövlət qeydiyyatı üçün qanunla müəyyən edilmiş tələblərə uyğun olmalıdır. Qeydiyyat üçün təqdim edilən sənədlərdə mətnlərin aydın yazılmasına, hüquqi və fiziki şəxslərin adlarının tam şəkildə göstərilməsinə diqqət yetirilməlidir.
Bugün 
