TORPAQLARIN MÜHAFİZƏSİNƏ DÖVLƏT NƏZARƏTİNİN HƏYATA KEÇİRİLMƏSİ MƏQSƏDİ İLƏ MONİTORİNQLƏR DAVAM ETDİRİLİR
07.09.2022
Daşınmaz əmlakın qeydiyyatı və torpaqlardan səmərəli istifadəyə və onun mühafizəsinə dövlət nəzarətinin həyata keçirilməsi 2022-ci ilin avqust ayı ərzində Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Şahbuz Rayon Şöbəsi tərəfindən diqqətdə saxlanılıb.
Torpaqlardan istifadəyə və onların mühafizəsinə dövlət nəzarətinin həyata keçirilməsi məqsədi ay ərzində rayonunun Şahbuzkənd, Keçili, Mahmudoba, Nursu kəndlərinin ərazisində monitorinqlər başa çatdırıb, müəyyən edilmiş qanun pozuntularının aradan qaldırılması işləri aparılıb. Ayrınc, Qızıl Qışlaq və Güney Qışlaq kəndlərinin ərazisində monitorinqlər davam etdirilib.
Ay ərzində 9 fərdi yaşayış evinin, 1 mənzilin texniki pasportu hazırlanıb, 15 torpaq sahəsinin plan-ölçüsü tərtib edilərək vətəndaşlara təqdim edilib. Texniki sənədlərin hazırlanması zamanı əmlaklara yerində baxış keçirilib, 20 müayinə aktı tərtib edilib. Məhdudiyyət və yüklülüyə dair 10, əmlakın olub-olmamasına dair 5 arayış hazırlanıb.
Vətəndaşlardan daxil olmuş 7 şifahi müraciət əsasında əmlaklara yerində baxış keçirilib, müraciətlər qanunauyğun cavablandırılıb.
TORPAQLARDAN İSTİFADƏYƏ VƏ ONUN MÜHAFİZƏSİNƏ DÖVLƏT NƏZARƏTİ HƏYATA KEÇİRİLİR
06.09.2022
Muxtar respublikada torpaqlardan səmərəli istifadəyə və onun mühafizəsinə dövlət nəzarətinin həyata keçirilməsi, daşınmaz əmlakın qeydiyyatı sahəsində prosedurun sadələşdirilməsi, vətəndaş məmnunluğunun artırılması və elektron xidmətlərin genişləndirilməsi istiqamətində işlərin davam etdirilməsi Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidməti tərəfindən daim diqqətdə saxlanılır.
“2021-2025-ci illərdə Naxçıvan Muxtar Respublikasında meyvəçiliyin və tərəvəzçiliyin inkişafı üzrə Dövlət Proqramı”na uyğun olaraq Babək rayonu üzrə meyvə bağlarına, yaşıllıq zolaqlarına dair məlumatlar dəqiqləşdirilərək torpaqların elektron kadastr uçotu informasiya sisteminə daxil edilib. “2021-2025-ci illərdə Naxçıvan Muxtar Respublikasında kənd təsərrüfatı təyinatlı torpaqların münbitliyinin artırılmasına dair Tədbirlər Planı”na uyğun olaraq Sədərək rayonunun Heydərabad və Naxçıvan şəhərinin Əliabad qəsəbələrində bələdiyyə üzvlərinin, torpaq mülkiyyətçilərinin, istifadəçilərinin və icarəçilərinin iştirakı ilə maarifləndirici tədbirlər keçirilib.
DAŞINMAZ ƏMLAKLA BAĞLI 96 TEXNİKİ SƏNƏD HAZIRLANIB
05.09.2022
Vətəndaşların daşınmaz əmlakla bağlı müraciətlərinin operativ icrası və daşınmaz əmlak obyektlərinə məxsus texniki sənədlərin hazırlanması Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Naxçıvan Şəhər İdarəsi tərəfindən 2022-ci ilin avqust ayında da mütəşəkkil davam etdirilib.
Ötən ay ərzində müraciətlər əsasında 37 fərdi yaşayış evinin, 23 mənzilin, 2 qeyri-yaşayış binasının olmaqla, ümumilikdə 62 daşınmaz əmlak obyektinin texniki pasportu, 34 torpaq sahəsinin plan-ölçüsü hazırlanıb vətəndaşlara təqdim edilib. Texniki sənədlərin hazırlanması zamanı 17 bölgü planı, 4 müayinə aktı tərtib edilib və arxiv sənədlərinə əlavə olunub. 6 əmlakın qiymətləndirilməsi icra edilib, qiymətləndirilmələrə dair hesabatlar hazırlanıb.
“2021-2025-ci illərdə Naxçıvan Muxtar Respublikasında kənd təsərrüfatı təyinatlı torpaqların münbitliyinin artırılmasına dair Tədbirlər Planı”na uyğun olaraq Naxçıvan şəhərinin Əliabad qəsəbəsində və “Naxçıvan Muxtar Respublikasında ailə təsərrüfatlarının inkişafı ilə bağlı Tədbirlər Planı”na uyğun olaraq Naxçıvan şəhərinin Qaraxanbəyli kəndində bələdiyyə sədrlərinin, ailə təsərrüfatı başçılarının, torpaq mülkiyyətçilərinin, istifadəçilərinin və icarəçilərinin iştirakı ilə maarifləndirici tədbirlər keçirilib.
TORPAQLARIN MÜNBİTLİYİNİN ARTIRILMASI İLƏ BAĞLI SEMİNAR-MÜŞAVİRƏ KEÇİRİLİB
30.08.2022
Naxçıvan Muxtar Respublikası Ali Məclisi Sədrinin 2020-ci il 27 noyabr tarixli Sərəncamı ilə təsdiq edilmiş “2021-2025-ci illərdə Naxçıvan Muxtar Respublikasında kənd təsərrüfatı təyinatlı torpaqların münbitliyinin artırılmasına dair Tədbirlər Planı”na uyğun olaraq Naxçıvan Muxtar Respublikasının Kənd Təsərrüfatı, Ekologiya və Təbii Sərvətlər nazirliklərinin, Daşınmaz Əmlak və Torpaq məsələləri üzrə Dövlət Xidmətinin, Meliorasiya və Su Təsərrüfatı Açıq Səhmdar Cəmiyyətinin və Naxçıvan Şəhər İcra Hakimiyyətinin birgə təşkilatçılığı ilə Naxçıvan şəhərinin Əliabad qəsəbəsində torpaq mülkiyyətçiləri, bələdiyyələr və sahibkarların iştirakı ilə seminar-müşavirə keçirilib.
Seminar - müşavirəni giriş sözü ilə Naxçıvan Şəhər İcra Hakimiyyətinin əməkdaşı Səyyad Əliyev açaraq muxtar respublikada kənd təsərrüfatı sahəsində qazanılmış nailiyyətlər və keçirilən tədbirin əhəmiyyəti barədə məlumat verib.
Seminar - müşavirədə aid təşkilatların nümayəndələri tərəfindən mövcud torpaq ehtiyatlarından səmərəli istifadə edilməsi, kənd təsərrüfatı təyinatlı torpaqların münbitliyinin bərpa edilməsinin əhəmiyyəti, şoranlaşmaya meylli torpaqlarda pestisid yükünün minimum səviyyəyə endirilməsi, kənd təsərrüfatında innovativ texnologiyaların və mütərəqqi əkin üsullarının tətbiqi, o cümlədən növbəli əkin sisteminin tətbiq edilməsi və düzgün aparılması barədə iştirakçılara məlumat verilib.
Bugün 
