MÜLKİYYƏT HÜQUQLARININ DÖVLƏT QEYDİYYATINA ALINMASI DİQQƏTDƏ SAXLANILIR

21.09.2023

Daşınmaz Əmlak və Torpaq Məsələləri üzrə Dövlət Xidməti tərəfindən əmlak üzərində hüquqların dövlət qeydiyyatı ilə bağlı vətəndaşlara avqust ayında da yüksək səviyyəli xidmətlər göstərilib. Xidmətin Şahbuz Rayon Şöbəsi ötən ay 16 fərdi yaşayış evinə məxsus texniki pasport hazırlayaraq hüquq sahiblərinə təqdim edib.

Şöbəyə plan-ölçünün hazırlanması üçün 40, hüquqların dövlət qeydiyyatına alınması üçün 60 vətəndaş müraciəti daxil olub ki, bunlara da operativ cavab verilib.

Texniki sənədlərin hazırlanması zamanı əmlaklara yerində baxış keçirilib, 34 müayinə aktı tərtib olunub. Məhdudiyyət və yüklülüyə dair 6, əmlakın olub-olmamasına dair 44 arayış verilib.

Ay ərzində daxil olan 4 şifahi müraciət əsasında yerində baxış keçirilən əmlaklarla bağlı vətəndaşlara qanunvericiliyin tələbləri izah edilib.

Ardını oxu »

CULFA RAYONUNDA BƏLƏDİYYƏLƏR ÜÇÜN SEMİNAR KEÇİRİLİB

20.09.2023

Naxçıvan Muxtar Respublikası Ədliyyə Nazirliyi və Daşınmaz Əmlak və Torpaq Məsələləri üzrə Dövlət Xidmətinin birgə təşkilatçılığı ilə Culfa rayonunda fəaliyyət göstərən bələdiyyə sədrləri və üzvlərinin iştirakı ilə maarifləndirici seminar keçirilib.

“Bələdiyyə mülkiyyətində olan torpaqların icarəyə verilməsinin xüsusiyyətləri” mövzusuna həsr olunan seminarda çıxış edənlər bələdiyyə mülkiyyətində olan torpaqların icarəyə verilməsini tənzimləyən qanunvericiliyin tələblərini diqqətə çatdırıb, bələdiyyə mülkiyyətində olan torpaq sahəsi üzərində icarə münasibətləri barədə ətraflı məlumat veriblər. Bildirilib ki, aparılan torpaq islahatları nəticəsində yerli özünüidarəetmə orqanlarına ayrılan torpaq sahələri ərzaq bolluğunun yaradılmasında mühüm yer tutur. Hüquqi və fiziki şəxslərin icarəsinə verilmiş bələdiyyə mülkiyyətində olan ehtiyat fondu torpaqları əhalinin kənd təsərrüfatı məhsullarına olan artan tələbatının ödənilməsində xüsusi rol oynayır.

Ardını oxu »

SƏDƏRƏKDƏ DAŞINMAZ ƏMLAKIN QEYDİYYATI İLƏ BAĞLI VƏZİFƏLƏR UĞURLA İCRA EDİLİB

14.09.2023

Avqust ayında rayon üzrə mülkiyyət hüquqlarının qeydiyyatı operativ yerinə yetirilib, sakinlərin müvafiq məsələlərlə bağlı müraciətlərinə qanunvericiliyə uyğun baxılıb. Daşınmaz Əmlak və Torpaq Məsələləri üzrə Dövlət Xidmətinin Sədərək Rayon Şöbəsi tərəfindən müraciət əsasında 3 daşınmaz əmlak obyektinə məxsus texniki pasport hazırlanıb, 16 torpaq sahəsinin isə plan və ölçüsü tərtib edilərək vətəndaşlara təqdim olunub.

Hesabat dövründə ümumilikdə 4 məhdudiyyət və yüklülüyə dair, 35 əmlakın olub-olmamasına dair arayış və 10 rəy verilib, 3 müayinə aktı yazılıb.

Ötən ay ərzində vətəndaşlardan daxil olan 9 şifahi müraciətlə əlaqədar əmlaklara yerində baxış keçirilib, qanunvericiliyin tələbləri vətəndaşlara izah edilərək qanunamüvafiq icra edilib.

Ardını oxu »

AVQUST AYINDA NAXÇIVAN ŞƏHƏRİ ÜZRƏ 184 TEXNİKİ SƏNƏD HAZIRLANIB

13.09.2023

Muxtar respublika sakinlərinin daşınmaz əmlakla bağlı müraciətlərinin operativ icrası, əmlaka məxsus olan texniki sənədlərin vaxtlı-vaxtında hazırlanması ötən ay uğurla yerinə yetirilib.

Daşınmaz Əmlak və Torpaq Məsələləri üzrə Dövlət Xidmətinin Naxçıvan Şəhər İdarəsi də müvafiq dövrdə texniki sənədlərin hazırlanması üçün vətəndaşlardan daxil olan 184 müraciəti icra edib. Müraciətlərə əsasən 80-i fərdi yaşayış evinə, 36-sı mənzilə, 6-sı isə qeyri-yaşayış sahəsinə məxsus ümumilikdə 122 daşınmaz əmlak obyektinin texniki pasportu hazırlanıb. Həmçinin, ay ərzində 62 torpaq sahəsinin planı və ölçüsü tərtib olunaraq vətəndaşlara təqdim edilib. Texniki sənədlərin hazırlanması zamanı 23 müayinə aktı, 28 bölgü planı tərtib olunub.

Ardını oxu »