KƏNGƏRLİ RAYONUNDA DAŞINMAZ ƏMLAKIN QEYDİYYATI MƏSƏLƏSİ DİQQƏT MƏRKƏZİNDƏDİR
08.06.2023
Daşınmaz əmlak üzərində hüquqların əmələ gəlməsi, başqasına keçməsi, məhdudlaşdırılması və xitam verilməsinin dövlət qeydiyyatı, əmlak və torpaq münasibətlərinin tənzimlənməsi ötən ay ərzində də Daşınmaz Əmlak və Torpaq Məsələləri üzrə Dövlət Xidmətinin Kəngərli Rayon Şöbəsi tərəfindən diqqətdə saxlanılıb. Müvafiq dövrdə rayon ərazisindəki dövlət və bələdiyyə torpaqlarından, həmçinin xüsusi mülkiyyətdə olan torpaqlardan səmərəli və təyinatına uyğun istifadə vəziyyəti mütəmadi olaraq nəzarətdə saxlanılıb.
Sakinlər tərəfindən şöbəyə daxil olan müraciətlərlə əlaqədar 8 fərdi yaşayış evinin, 1 qeyri-yaşayış binasının texniki pasportu hazırlanıb, 10 torpaq sahəsinin plan və ölçüsü hüquq sahibi olan sakinlərə təqdib edilib. May ayında texniki sənədlərin hazırlanması məqsədilə əmlaklara yerində baxış keçirilib, 7 müayinə aktı yazılıb.
MÜLKİYYƏT HÜQUQLARININ DÖVLƏT QEYDİYYATI DAVAM ETDİRİLİR
07.06.2023
Əmlakın dövlət qeydiyyatı sahəsində həyata keçirilən məqsədyönlü tədbirlər nəticəsində əhaliyə göstərilən xidmətlərin keyfiyyəti yüksəldilib, Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinə daxil olan müraciətlər operativ şəkildə həllini tapıb. Cari ilin may ayında Xidmətin Sədərək Rayon Şöbəsi də qarşıya qoyulan vəzifə və tapşırıqlar üzrə mütəşəkkil qaydada xidmət göstərib.
Hesabat dövründə şöbə tərəfindən 5 daşınmaz əmlak obyektinin texniki pasportu, 6 torpaq sahəsinin plan-ölçüsü hazırlanaraq sakinlərə təqdim edilib. Həmçinin, məhdudiyyət və yüklülüyə dair 5, əmlakın olub-olmaması ilə bağlı 6 arayış tərtib edilərək hüquq sahiblərinə təqdim edilib. Mülkiyyət sənədlərinin hazırlanması zamanı 6 müayinə aktı yazılaraq arxiv sənədlərinə əlavə olunub. 6 torpaq sahəsinə dair rəy verilib.
Vətəndaşlardan şöbəyə daxil olan 12 şifahi müraciət üzrə sözügedən əmlaklar yerində ilkin baxışdan keçirilib və qanunvericiliyin tələbləri vətəndaşlara izah edilib.
ŞƏRUR RAYONUNDA BƏLƏDİYYƏ SƏDRLƏRİ ÜÇÜN MAARİFLƏNDİRİCİ SEMİNAR KEÇİRİLİB
06.06.2023
Rayonun bələdiyyə sədrləri və qulluqçularının iştirakı ilə keçirilən maarifləndirici seminar “Bələdiyyə torpaqlarının idarə olunmasında qanunvericiliyin tələbləri” mövzusuna həsr olunub.
Şərur Rayon İcra Hakimiyyətinin əməkdaşı Sahib Qurbanov seminarı giriş sözü ilə açaraq maarifləndirici tədbirin əhəmiyyətindən danışıb, bələdiyyə orqanlarında işin səmərəli qurulması istiqamətində görüləcək işlərdən bəhs edib.
Seminarda aid təşkilatların nümayəndələri çıxış edərək torpaqlardan, o cümlədən bələdiyyə torpaqlarından təyinatına uyğun istifadə olunması, bələdiyyə torpaqlarının mülkiyyətə və icarəyə verilməsinin ümumi qaydaları, istifadəsi və mühafizəsi sahəsində qanunvericilikdə nəzərdə tutulan əsas məqamları diqqətə çatdırıblar. Bildirib ki, bələdiyyə mülkiyyətinə aid torpaqları mülkiyyətə və ya icarəyə vermək hüququ yerli özünüidarəetmə orqanlarının səlahiyyətinə aiddir.
Təşkil olunan tədbirdə “Şəhərsalma və tikinti fəaliyyətinin hüquqi əsasları, bələdiyyələrin bu sahədə hüquq və vəzifələri”, “Torpaqayırma sənədlərinin hazırlanması və bələdiyyə tərəfindən xüsusi mülkiyyətə ayrılan torpaq sahəsinin bazar qiyməti əsasında müəyyən edilməsi” və digər mövzulara toxunulub, mövzular ətrafında müzakirələr aparılıb.
MAY AYINDA BABƏK RAYONU ÜZRƏ 100-DƏN ARTIQ TEXNİKİ SƏNƏD HAZIRLANIB
06.06.2023
Daşınmaz əmlak və torpağın dövlət reyestrində qeydiyyatının qanunvericiliyin tələblərinə uyğun həyata keçirilməsi, yaradılan hərtərəfli şəraitdən geniş istifadə etməklə vətəndaşlara nümunəvi xidmətlərin göstərilməsi əsas məqsəd kimi qarşıya qoyulub. Bu sahədə uğurlu fəaliyyətin göstərilməsi Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətinin Babək Rayon İdarəsi tərəfindən may ayında da davam etdirilib.
Ötən ay ərzində idarə tərəfindən 26 fərdi yaşayış evinə, 1 qeyri-yaşayış binasına, 1 mənzilə məxsus ümumilikdə, 28 texniki pasport hazırlanıb, 75 torpaq sahəsinə dair plan və ölçü tərtib edilərək vətəndaşlara təqdim olunub. 21 bölgü planı hazırlanaraq arxiv sənədlərinə əlavə edilib, 43 müayinə aktı yazılıb.
Hesabat dövründə hüquqların dövlət qeydiyyatına alınması və dövlət reyestrindən çıxarışın verilməsi üçün idarəyə vətəndaşlar tərəfindən 118 müraciət daxil olub, qəbul edilən sənədlər ilkin olaraq yoxlanıldıqdan sonra qeydiyyata alınıb. 47 məhdudiyyət və yüklülüyə, 27 əmlakın olub-olmamasına dair arayış hüquq sahiblərinə təqdim edilib. 8 vətəndaşın şifahi müraciətinə uyğun olaraq qanunvericiliyin tələbləri izah olunub.
May ayında rayonun Şəkərabad və Kültəpə kəndlərində vətəndaşlara səyyar xidmət göstərilib, Yuxarı Uzunoba kəndində ailə təsərrüfatlarının inkişafı ilə bağlı bələdiyyə sədrləri, ailə təsərrüfatı başçıları və torpaq mülkiyyətçiləri maarifləndiriliblər.
Bugün 
