ORDUBAD RAYONUNDA ƏMLAK VƏ TORPAQ MƏSƏLƏLƏRİ ÜZRƏ MÜRACİƏTLƏR OPERATİV İCRA EDİLİB
29.08.2023
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Ordubad Rayon İdarəsi tərəfindən torpaqlardan təyinatı üzrə istifadə edilməsinə dövlət nəzarəti diqqətdə saxlanılıb, əmlak üzərində hüquqların dövlət qeydiyyatı ilə bağlı müraciətlərə operativ baxılıb. Ötən ay rayon idarəsi tərəfindən 6 daşınmaz əmlak obyektinin texniki pasportu hazırlanıb, 9 torpaq sahəsinin planı və ölçüsü tərtib edilərək hüquq sahiblərinə təqdim edilib.
AİLƏ TƏSƏRRÜFATLARI İLƏ NÖVBƏTİ MAARİFLƏNDİRİCİ TƏDBİR KEÇİRİLİB
28.08.2023
Naxçıvan şəhərinin Qaraxanbəyli kəndində Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin, Antiinhisar və İstehlak Bazarına Nəzarət Dövlət Xidmətinin, Naxçıvan Şəhər İcra Hakimiyyətinin birgə təşkilatçılığı ilə maarifləndirici görüş keçirilib. Tədbiri giriş sözü ilə Naxçıvan Şəhər İcra Hakimiyyətinin əməkdaşı Nurlan Əhmədov açaraq muxtar respublikada ailə təsərrüfatlarının inkişafından, aqrar sahədə həyata keçirilən tədbirlərdən, qarşıda duran vəzifələr barədə tədbir iştirakçılarını məlumatlandırıb.
ŞƏRUR RAYONUNDA DAŞINMAZ ƏMLAK VƏ TORPAQ MƏSƏLƏLƏRİ İLƏ BAĞLI MÜRACİƏTLƏR DİQQƏTDƏ SAXLANILIB
23.08.2023
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətinin Şərur Rayon İdarəsi tərəfindən iyul ayı ərzində qəbul edilmiş müraciətlərə vaxtında baxılıb, vətəndaşlara səyyar xidmət göstərilib, torpaqlardan təyinatı üzrə istifadə edilməsinə nəzarət artırılıb. İdarə tərəfindən 21 daşınmaz əmlak obyektinin texniki pasportu hazırlanıb ki, bunlardan 17-si fərdi yaşayış evinə, 2-si mənzilə, 1-i qeyri-yaşayış binasına, 1-i isə qeyri-yaşayış sahəsinə məxsus olub. Həmçinin rayon üzrə 92 torpaq sahəsinin plan-ölçüsü hazırlanaraq hüquq sahiblərinə təqdim edilib. Ay ərzində 129 sosial, 37 məhdudiyyət və yüklülüyə dair arayış hazırlanaraq vətəndaşlara təqdim olunub. Texniki sənədlərin hazırlanması zamanı 26 müayinə aktı yazılıb, 3 birləşmə, 2 bölgü planı hazırlanıb.
İYUL AYI ƏRZİNDƏ CULFA RAYONUNDA DAŞINMAZ ƏMLAKLA BAĞLI 62 TEXNİKİ SƏNƏD HAZIRLANIB
16.08.2023
Cari ilin iyul ayında vətəndaşların daşınmaz əmlakla bağlı müraciətlərinə operativ baxılması və daşınmaz əmlaka məxsus texniki sənədlərin hazırlanması Daşınmaz Əmlak və Torpaq Məsələləri üzrə Dövlət Xidmətinin Culfa Rayon İdarəsi tərəfindən diqqətdə saxlanılıb. Ötən ay daxil olan müraciətlərə əsasən İdarə 14 fərdi yaşayış evinə, 8 mənzilə, 3 qeyri-yaşayış binasına, 5 qeyri-yaşayış sahəsinə məxsus ümumilikdə 30 texniki pasport hazırlayıb, 32 torpaq sahəsinə dair plan-ölçü tərtib edərək vətəndaşlara təqdim edilib. Ay ərzində texniki sənədlərin tərtibi zamanı 23 müayinə aktı yazılıb, 4 bölünmə planı hazırlanaraq arxiv sənədlərinə əlavə edilib. Dövlət reyestrindən 58 çıxarışın, məhdudiyyət və yüklülüyə dair 10 arayışın verilməsi ilə əlaqədar qəbul edilən hüquqi sənədlər ilkin olaraq yoxlanılıb və qanunvericiliyə uyğun icra edilib. 93 sosial arayış verilib.
Bugün 
