Mətbuat xidməti
“TORPAQLARIN ELEKTRON KADASTR UÇOTU İNFORMASİYA SİSTEMİNDƏ TORPAQ SAHƏLƏRİNİN MÜVAFİQ KOORDİNAT ÜZRƏ YIĞILMASI VƏ BÖLGÜ PLANLARININ TƏRTİBİ” MÖVZUSUNDA TƏLİM KEÇİRİLİB
28.06.2022
Naxçıvan Muxtar Respublikasının Daşınmaz Əmlak və Torpaq Məsələləri üzrə Dövlət Xidmətində yerli bölmələrinin əməkdaşlarının iştirak ilə “Torpaqların elektron kadastr uçotu informasiya sistemində torpaq sahələrinin müvafiq koordinat üzrə yığılması və bölgü planlarının tərtibi” mövzusunda təlim keçirilib.
Xidmətin Torpaq şöbəsinin müdiri İntizar Həziyev bildirib ki, torpaqların elektron kadastr uçotu informasiya sistemi fiziki və hüquqi şəxslərin mülkiyyətindəki və qanuni istifadəsindəki fərdi yaşayış evlərinin, həyətyanı sahələrin və torpaq islahatı zamanı verilmiş pay torpaqlarının hüquqi və texniki sənədlərindəki məkan göstəriciləri ilə torpaqlardan faktiki istifadə vəziyyətinin məkan göstəriciləri arasında mövcud olan uyğunsuzluqlar (sərhəd, yerləşmə və konfiqurasiya fərqləri) aradan qaldırılmasında, torpaq sahəsinə dair texniki sənədlərin elektron sistem vasitəsilə verilməsinə, əmlak bankının təkmilləşməsinə və digər mühüm məsələlərin həllində mühüm əhəmiyyət daşıyır.
ORDUBAD RAYONUNDA TORPAQLARIN MÜNBİTLİYİNİN ARTIRILMASINA DAİR SEMİNAR-MÜŞAVİRƏ KEÇİRİLİB
17.06.2022
Naxçıvan Muxtar Respublikası Ali Məclisi Sədrinin 2020-ci il 27 noyabr tarixli Sərəncamı ilə təsdiq edilmiş “2021-2025-ci illərdə Naxçıvan Muxtar Respublikasında kənd təsərrüfatı təyinatlı torpaqların münbitliyinin artırılmasına dair Tədbirlər Planı”na uyğun olaraq Ordubad Rayonunun Dəstə kəndində torpaq mülkiyyətçiləri, bələdiyyələr və sahibkarların iştirakı ilə seminar-müşavirə keçirilib.
Seminar - müşavirəni giriş sözü ilə Ordubad Rayon İcra Hakimiyyətinin ərazi idarəetmə və yerli özünüidarəetmə orqanları ilə iş şöbəsinin müdiri Elçin Hüseynov açaraq rayonun muxtar respublikada kənd təsərrüfatı sahəsindəki rolundan, qazanılmış nailiyyətlərdən, eləcə də keçirilən tədbirin əhəmiyyəti barədə məlumat verib.
Seminar - müşavirədə aid təşkilatların nümayəndələri tərəfindən mövcud torpaq ehtiyatlarından səmərəli istifadə edilməsi, torpaqların münbitliyinin əhəmiyyəti və onun artırılması yolları, şoranlaşmaya meylli torpaqlarda pestisid yükünün minimum səviyyəyə endirilməsi, kənd təsərrüfatında innovativ texnologiyaların və mütərəqqi əkin üsullarının tətbiqi, o cümlədən növbəli əkin sisteminin tətbiq edilməsi və düzgün aparılması barədə iştirakçılara məlumat verilib.
DAŞINMAZ ƏMLAKLA BAĞLI 127 TEXNİKİ SƏNƏD HAZIRLANIB
16.06.2022
Daşınmaz əmlak üzərində hüquqların dövlət qeydiyyatına alınması zamanı vətəndaşlara göstərilən xidmətlərin səviyyəsinin yüksəldilməsi may ayında da Daşınmaz Əmlak və Torpaq Məsələləri üzrə Dövlət Xidmətinin Şərur Rayon İdarəsi tərəfindən diqqət mərkəzində saxlanılıb.
Ay ərzində 13 fərdi yaşayış evinin, 10 mənzilin, 1 qeyri-yaşayış binasının texniki pasportu, 59 həyətyanı, 44 kənd təsərrüfatı təyinatlı torpaq sahəsinin plan-ölçüsü hazırlanıb. Texniki sənədlərin hazırlanması zamanı 38 müayinə aktı yazılıb, 7 torpaq sahəsinə dair bölünmə və birləşmə planı tərtib edilərək arxiv sənədlərinə əlavə olunub. 20 sosial arayış, məhdudiyyət və yüklülüyə dair 102 arayış hazırlanaraq vətəndaşlara təqdim edilib.
Torpaqlardan istifadəyə və onların mühafizəsinə dövlət nəzarətinin həyata keçirilməsi məqsədilə rayonunun Axura kəndinin ərazisində müəyyən edilmiş qanun pozuntularının aradan qaldırılması istiqamətində iş aparılıb, Şərur şəhərinin ərazisində monitorinqlər davam etdirilib.
İdarəyə19 məktub daxil olub, 32 məktub göndərilib. 15 vətəndaşın şifahi müraciətinə baxılıb və qanunvericiliyin tələblərinə uyğun həll edilib.
DAŞINMAZ ƏMLAKIN QEYDİYYATI SAHƏSİNDƏ İNNOVASİYALARIN TƏTBİQİ VƏTƏNDAŞ MƏMNUNLUĞUNA XİDMƏT EDİR
13.06.2022
Muxtar respublikada digər sahələrdə olduğu kimi, daşınmaz əmlakın qeydiyyatı sahəsində də innovasiyaların tətbiqi, elektron xidmətlər sferasının genişləndirilməsi, prosedurların optimallaşdırılması və vətəndaş məmnunluğunun yüksəldilməsi daim diqqət mərkəzində saxlanılır. Həyata keçirilən tədbirlərin nəticəsidir ki, Daşınmaz Əmlak və Torpaq Məsələləri üzrə Dövlət Xidməti tərəfindən vətəndaşlara 23 adda elektron xidmət təqdim olunur.
Cari ilin yanvar-may ayları ərzində Xidmət tərəfindən fiziki və hüquqi şəxslərə müxtəlif fəaliyyət istiqamətləri üzrə 491 elektron xidmət göstərilib. Ümumilikdə elektron xidmətlərdən istifadə edənlərin sayı ötən ilin müvafiq dövrü ilə müqayisədə 7% çox olub.
Aparılmış təhlillər göstərir ki, elektron xidmət istifadəçilərinin böyük əksəriyyəti daşınmaz əmlakla bağlı xidmətlərə müraciət edir. Daşınmaz əmlak üzərində məhdudiyyət və yüklülüyün qeydiyyatı, daşınmaz əmlakın dövlət reyestrindən məlumatların əldə olunması, daşınmaz əmlakın qeydiyyatı və daşınmaz əmlak üzərində məhdudiyyət və yüklülüyün ləğvi ən çox müraciət olunan xidmətlər sırasındadır.
Bugün 
